عداد السرعه بيقرا بس مبيعدش

[osamaab]

امبيرعداد السرعه بيرفع وبيقرا السرعه لكن عداد الكيلو متر عند رقم 9 فى خانه الاحاد وقف قبل ما يقلب وكانت قراءه العداد 121939 كم فكيت العداد وحاولت انظفه وحركته بايدى ليقلب لتصبح القراءه121940 وبعد ما اقفلته وجربت العربيه اشتغل حتى وصل الرقم 9 ووقف تانى والقراءه الان 121949 انا محتار مش عارف العيب من ايه وهل ده يتصلح ولا بيتغير ولو بيتصلح اصلحه فين مع العلم انى ساكن بالعجوزه ولو حيتغير اغير اللوحه كلها ولا ممكن الاقى عداد سرعه فقط . وده حيتكلف حوالى كام.........مع شكرى وتحياتى لاعضاء المنتدى الكرام

[mohammadrashee]

فيه ترس مكسسور واعتقد يتصلح عادي

[Ahmed Nasser]

عادى ممكن تصلحة
او تريح دماغك وتجبلك طقم عامل 250 تقريبا

[tarek_2005]

لوحة العدادات بالحرفيين من 150 الي 250 جم
في واحد في الجيزة اول شارع البحر الاعظم جنب اسماك الحوراني بيصلحه وفي واحد في اول وكالة البلح من بره علي الكورنيش بيصلحه

[أسامه طياره]

وانت عاوز عداد الكيلومترات يقرا ليه من اصله !؟:d :d ياعم خليها عشان متحسش ان العربيه بتقدم :d

[aliyehia]

فيه واحد بتاع عدادات انا مجرب شغله كويس قوى فى شارع المبتديان من القصر العينى قدام جنينه كليه دار العلوم اسمه عربى

[osamaab]

شكرا للساده الاعضاء على مشاركتهم وتحياتى للاستاذ طارق والاستاذ على وانا ححاول اجرب اصلحه عند حد من اللى حضرتكم رشحتوهم