غيرت شوية حاجات في سيارتي اللانوس ون 2000

[صبرى ابراهيم]

انهاردة غيرت سير كاتينة واشتريت واحد ياباني ب 65 جنية وسير تكييف وسير دينامو ب35 جنية وركبت ترموستات كوعة في كيس وعلية استيكر مكتوب علية صنع في كوريا والثرموستات نفسة مكتوب علية 87 درجة مئوية وجربناه في مياه ساخنة الاول ولقيناه شغال الثرموستات 45 جنية وغيرت كوعة الثرموستات ب 25 جنية ومصنعية 100 جنية

لقينا سير الكاتينة مشقوق والميكانيكي قاللي حظك حلو كان ممكن يتقطع منك في اي لحظة

[ahmedsamy90]

هو سير الكاتينة القديم بقاله كام الف

[hateeem]

الحمدلله انك غيرت سير الكاتينة دلوقتى والا لا قدر الله كان الماتور قفش

ولكن الحمدلله

[zerox2010]

هو سير الكاتينه بيتغير على كام الف ؟

[osamaab]

سالت السوال ده للميكانيكى قالى بيتغير على 40 الف كم لكن فى ظل توافر قله الضمير وقطع الغيار المضروبه والمقلده فانا ناوى اغير على 30 الف كم وحاول دايما تتابع صوت الموتوروهو داير وان مفيش اى اصوات غير منتظمه من جهه سير الكاتينه يعنى دايما تسمع الصوت الطبيعى للمكنه وربنا يستر

[ramyraby]

مبروك ياباشا

[صبرى ابراهيم]

شكرا لجميع الاساتذة الكرام

انا غيرت سير الكاتينة

وكان راكب في حدود من 20 الف ل 30 الف كيلو تقريبا ومش عارف نوع السير اللي كان راكب لاني كنت مغيرة اول ما اشتريت العربية وكنت لسه جديد ومعرفش حاجة

[mwanted]

طيب هل سير الكاتينة لية انواع يعني الواحد يسال علية ولا يقولة عاوز الياباني وازاي اعرف انة مش مضروب

[MMamdouh]

اسال على السير الجيتس

MMamdouh

[صبرى ابراهيم]

انا فعلا سألت عى الجيتس ولم اجده فجبت احسن الموجود لان الاختيارات عندنا في كفرالشيخ محدودة شوية

[mhi00002000]

ﺑﻌﺪ ﺗﻐﻴﻴﺮ ﺗﺮﻣﻮﺳﺘﺎﺕ ﺍﻟﻜﻮﻋﺔ ﺟﺮﺑﺖ ﺗﺠﺮﻱ ﻋﻠﺮ ﺍﻟﻐﻴﺎﺭ ﺍﻟﺨﺎﻣﺲ ﻭﺗﺸﻮﻑ ﻣﺆﺷﺮ ﺍﻟﺤﺮﺍﺭﺓ
ﻫﻴﺜﺒﺖ ﻭﻻ ﻫﻴﻨﺰﻝ ﻋﺸﺎﻥ ﻋﻨﺪﻱ ﺑﻴﻨﺰﻝ ﺗﺤﺖ ﻣﻊ ﺍﻟﺴﺮﻋﺎﺕ ﻭﺷﺎﻛﻚ ﺍﻧﻬﺎ ﺗﺮﻣﻮﺳﺘﺎﺕ

[صبرى ابراهيم]

كنت قبل تركيب ترموستات الكوعة المؤشر كان بينزل لحد مايقرب من علامة c وكانت العربية بتاكل بنزين كير

ولكن الان وانا ماشي على الخامس المؤشر بينزل ايضا ولكن مسافة بسيطة مش زي الاول يعني المؤشر بيتحرك مسافة حوالي نصف سم لتحت او فوق وثابت عليها واستهلاك البنزين قل عن الاول

[صبرى ابراهيم]

بالاضافة ان العربية بقت بتاخد وقت قليل الصبح عشان تسخن

[MMamdouh]

مبروك حل المشكلة

MMamdouh

[mhi00002000]

https://imagizer.imageshack.us/v2/319x239q90/600/hsem.jpg

هل بعد التغيير بقي ينزل زي الصورة دي كدة