كل سنة وانتم بخير وصحة (2014)

[Dr.Solom]

سلام عليكم

كل سنة وانتم طيبين ويارب تكون سنه كلها خير وسعادة على مصر كلها

انا عايز كل واحد يدخل يقولنا نفسه يعمل و يعدل ايه فى عربيته فى 2014

ويقولنا هوا مخطط ازاى لتنفيذ الموضوع

[koshary]

وانت طيب يا اسلام باشا ... ومع اوووول يوم فى السنه الجديده ان شاء الله هتكون المكنه ال 2.0 ركبت فى عربيتى النوبيرا

طبعا مع تعديل الفرامل الخلفى لسكاكين وفوانيس فوجات زينون مع فوانيس عدسات وسموك امامى وشكراا على كدا

[Khaled Lanos]

وانت طيب ياسولوم ويارب السنة الجديدة تكون سنة سعيدة عليك وعلى مصر كلها.
والله هو لو عليا عايز اعمل بلاوي في السنة الجديدة طبعا :))
بس دا متوقف على عوامل كتير أهمها الكاشات في المقام الأول
بس مبدأيا ناوي اركب جنوط 14 وكاوتش جديد واظبط العفشة وربنا يسهل في الباقي.
انت بقى ناوي تعمل ايه

[Dr.Solom]

وانت طيب يا اسلام باشا ... ومع اوووول يوم فى السنه الجديده ان شاء الله هتكون المكنه ال 2.0 ركبت فى عربيتى النوبيرا

طبعا مع تعديل الفرامل الخلفى لسكاكين وفوانيس فوجات زينون مع فوانيس عدسات وسموك امامى وشكراا على كدا

ربنا يستر عليك يابنى

[Dr.Solom]

وانت طيب ياسولوم ويارب السنة الجديدة تكون سنة سعيدة عليك وعلى مصر كلها.
والله هو لو عليا عايز اعمل بلاوي في السنة الجديدة طبعا :))
بس دا متوقف على عوامل كتير أهمها الكاشات في المقام الأول
بس مبدأيا ناوي اركب جنوط 14 وكاوتش جديد واظبط العفشة وربنا يسهل في الباقي.
انت بقى ناوي تعمل ايه

مبدأيا ياخالد انت فقرى هههههههههههه

انا كل اللى عايز اعمله جنوط 16 او 15 مع كاوتش نضيف وتعديل فرامل خلفيه بس كمان 6 شهور ولا حاجه يكون ربنا بعت

[Khaled Lanos]

مبدأيا ياخالد انت فقرى هههههههههههه

انا كل اللى عايز اعمله جنوط 16 او 15 مع كاوتش نضيف وتعديل فرامل خلفيه بس كمان 6 شهور ولا حاجه يكون ربنا بعت

ههههههههه مش عارف دا حظ وحش ولا غباء من الآخرين
ربنا معاك بقى وخليك في الـ 15 هيبقى لوز أوي..خاصة انك بتروح حتت مكسرة كتير.

[Ahmed Nasser]

على اول السنة الجديدة هحاول اغير زيت ان شاء الله

[Dr.Solom]

على اول السنة الجديدة هحاول اغير زيت ان شاء الله

انا شايف ان دى خطوه كبيره انت فكرت كويس قبل ماتعمل كده ؟

[Ahmed Nasser]

انا شايف ان دى خطوه كبيره انت فكرت كويس قبل ماتعمل كده ؟

اه ياكبير عملت دراسة جدوى
وجارى استشارة بعد المتخصصين

[Khaled Lanos]

انا شايف ان دى خطوه كبيره انت فكرت كويس قبل ماتعمل كده ؟

هههههههههههههههههههه

[saddam]

صديقي المواطن
حبيت أقول لك فقط وأرد على تمنياتك لنا بعام سعيد ونرد عليك بأننا نتمنى لك عاما وافرا بالخير والسعادة وراحة البال أما عن خطة تعديلاتي فإعفيني ﻷنها رحلة نضال مستمرة من 2009 مبطلتش ولا يوم ولو قلنا حنعمل إيه وحنعدل إيه حعوز 4 أو 5 صفحات من الشرح نظرا ﻷن عندي 11 عربية منهم 8 في ورش التعديل المختلفة وأنا كل يوم ينفع أعمل موضوع مستقل بالذي يحصل معايه من الصباح حتى المساء وأتمنى نسمع خطط اﻷخوة الزملاء ولكن خططي معظمها تتمحور إن أحيانا الله بعمل عفشة وحده من السيارات مع عمل سمكرة سيارتين ورش 3 سباارات وشراء ومحرك وفتيس وشراء 2 كرسي كهربائي وشوية كماليات وشوية قطع غيار ونشتري معاهم عربيتين كمان مش عارف هم إيه ونسدد شوية أقساط ونعمل شوية شغل فيبر ودي هي نفس خططي السنوية وبالتوفيق للجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[رامي مصطفى]

صديقي المواطن
حبيت أقول لك فقط وأرد على تمنياتك لنا بعام سعيد ونرد عليك بأننا نتمنى لك عاما وافرا بالخير والسعادة وراحة البال أما عن خطة تعديلاتي فإعفيني ﻷنها رحلة نضال مستمرة من 2009 مبطلتش ولا يوم ولو قلنا حنعمل إيه وحنعدل إيه حعوز 4 أو 5 صفحات من الشرح نظرا ﻷن عندي 11 عربية منهم 8 في ورش التعديل المختلفة وأنا كل يوم ينفع أعمل موضوع مستقل بالذي يحصل معايه من الصباح حتى المساء وأتمنى نسمع خطط اﻷخوة الزملاء ولكن خططي معظمها تتمحور إن أحيانا الله بعمل عفشة وحده من السيارات مع عمل سمكرة سيارتين ورش 3 سباارات وشراء ومحرك وفتيس وشراء 2 كرسي كهربائي وشوية كماليات وشوية قطع غيار ونشتري معاهم عربيتين كمان مش عارف هم إيه ونسدد شوية أقساط ونعمل شوية شغل فيبر ودي هي نفس خططي السنوية وبالتوفيق للجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ممكن سؤال متطفل لوسمحت حضرتك بتشتغل ايه؟

[Merooxx]

ممكن سؤال متطفل لوسمحت حضرتك بتشتغل ايه؟

+1