عفشة لانوس و محتار؟

[شريف]

السلام عليكم

دلوقتي انا رحت لمحل زوايا و كشفت علي العفشة لقيتة محتاج التالي

2 مساعدين امامي
2 طقم بطاحات
2 جلب مقص كبير
2 صباع ميزان

بالاضافة ان البلي الامامي محتاج تغيير هو الاخر
كدة تبقي جوز مساعدين اصلي (الله اعلم اصلي فعلا ولا لاء) ب 430
و جوز بطاحات اصلي ب 250
و جوز بلي عجل امامي nyb ياباني ب 190

باجمالي 870 جنية

في نفس الوقت تامر التركي و دة تاجر قطع غيار مستورد في صقر قريش هيديني جنبين كاملين بكل حاجة مساعدين و سست و بطاحات و بلي بس من غير الطنابير ولا الماستر الفرامل ب 850 يعني هيه هية بس علي التجربة

دلوقتي انهي احسن ياشباب لانني سمعت مهازل في القطع الجديدة من انها بتركب و تيجي تغير بعد شهر

افيدونا افادكم الله اخوكو مزنوق و صوت العربية جميل قوي الصراحة بعد ال50

انا كمان كلمت حد اعرفة في الحرفيين قال ب 700 جنية الجوز بالطنابير و الماستر كمان و علي التركيب برضة؟

[elnakshabandy]

هو العفشه متنعش غير جديد انما استعمال هى عامله كام كم
والكاوتش هيشقق بعد كام اسبوع

بيتهيألى الاسعار زى بعض يبقى الجديد احسن

بالتوفيق

[hany essa]

عليك وعلى سوسو انا لسه جليب جنبين كاملين بكل حاجه ب600 جنيه والحاله ممتازه

[MMamdouh]

متشتريش اى حاجة فى العفشة استيراد

MMamdouh

[فارس داود]

الجديد افضل بس الاستيراد انت هاتستفيد بي الركب كمان وممكن الركب الي عندك يكون فيها حاجه انت عارف انها اضعف حاجه في العفشه انا رايي الاستيراد هات الجمبين من غير الجزء الخاص بالفرامل لانك هاتلاقيه بايظ اكيد من الركنه هاينزل معاك السعر وهاتجيب الجمبين علي 400/450