مش عارف العربية مالها ارجو المساعدة

[mo7eb elrasol]

السلام عليكم
النهار ده للمبة ال تشك كانت منورة روحت للكهربائى قالى ده حساس بوابة مغلق فكه ونضفه واللمبة طفت
بعدها سافرت قلت احط بنزين
بعد ماحطيت البنزين بعشر دقايق العربية حالها اتلخبط
صوت الموتور بقى عالى جدا
تنتيش سواء على سرعة بطيئة او عالية
تجميع العربية والسحب فى الضياع خالص
ريحة العادم سيئة جدا وطريقة خروجة من الجكمان مش طبيعية كمان ريحة العادم بشمها وانا سايق
الحمد لله رجعت بالسلامة بس مش عرارف دى مشكلة ايه
هل ممكن البنزين ولا حاجة تانية واتصرف ازاى؟

[Ahmed_selmy]

غالبا والله اعلم البنزينه دى حطلك بنزين مغشوش......بنزين فيه ميه

[maio_do]

التنتيش الار بى ام فيه بينط ؟

[Mahmoud.Fathy]

لما لمبة التشك نورت ... حطيت العربية على سكانر ؟؟؟ ولا غيرت الحساس ده بناء على رأى الكهربائي وخلاص ؟؟؟ اصل الحاجات دي بتقول ان احتمال يكون حساس الشكمان بايظ

[دعبدالرحيم]

حط منظف رشاشات وغير فلتر البنذين

[osamaab]

تعالى نحل المشكله واحده واحده وبالمنطق ..... ايه اللى جد على العربيه

1- الاحتمال الاول نتيجه فك وتنظيف حساس البوابه :ـ حاول تفكه تانى وتنظفه بمنظف الرشاشات وتعيد تركيبه وتتاكد كويس انى الجوان راكب فى مكانه وانك ريطت المسمارين لان الجوان لو مركبش الحساس حيتهبب ويتوسخ بسرعه وحيبرجل العربيه فتاكد الكهربائى ركبه صح ثم اعمل ايدل لرن


2- الاحتمال الثانى راجع على دوره البزين تتاكد ان البنزين نظيف ونظف الرشاشات وغير فلتر البنزين خصوصا لو بقله كتير


3- الاحتمال الثالث ان ده عيب كهربا شيك على البويجهات وسلوكها والموبينه ( وده احتمال بعيد خصوصا بعد اللى حصل معاك واللى حضرتك قلته )


اما لو العيب فى حساس الشكمان فلمبه التشك حتنور معالك فى السرعات العاليه فقط والعادم حيهبب والعربيه حتاكل بنزين لكن مش حيبرجل العربيه

[AhmedBoshnak]

متابع

[mo7eb elrasol]

غالبا والله اعلم البنزينه دى حطلك بنزين مغشوش......بنزين فيه ميه

التنتيش الار بى ام فيه بينط ؟

غيرت البنزين ونفس المشكلة

لما لمبة التشك نورت ... حطيت العربية على سكانر ؟؟؟ ولا غيرت الحساس ده بناء على رأى الكهربائي وخلاص ؟؟؟ اصل الحاجات دي بتقول ان احتمال يكون حساس الشكمان بايظ

لا من غير اسكانر وما غيرتش حساسات
هوه فك الحساس ال ف صدر العربية ونضفه وركبه تانى

حط منظف رشاشات وغير فلتر البنذين

ايه علاقة الفلتر بالدخان؟

[mo7eb elrasol]

تعالى نحل المشكله واحده واحده وبالمنطق ..... ايه اللى جد على العربيه

1- الاحتمال الاول نتيجه فك وتنظيف حساس البوابه :ـ حاول تفكه تانى وتنظفه بمنظف الرشاشات وتعيد تركيبه وتتاكد كويس انى الجوان راكب فى مكانه وانك ريطت المسمارين لان الجوان لو مركبش الحساس حيتهبب ويتوسخ بسرعه وحيبرجل العربيه فتاكد الكهربائى ركبه صح ثم اعمل ايدل لرن


2- الاحتمال الثانى راجع على دوره البزين تتاكد ان البنزين نظيف ونظف الرشاشات وغير فلتر البنزين خصوصا لو بقله كتير


3- الاحتمال الثالث ان ده عيب كهربا شيك على البويجهات وسلوكها والموبينه ( وده احتمال بعيد خصوصا بعد اللى حصل معاك واللى حضرتك قلته )


اما لو العيب فى حساس الشكمان فلمبه التشك حتنور معالك فى السرعات العاليه فقط والعادم حيهبب والعربيه حتاكل بنزين لكن مش حيبرجل العربيه

هوه مافكش حساس البوابة هوه فك الحساس الذفذصدر العربية ما اعرفش اسمه حساس ايه

[mo7eb elrasol]

التنتيش الار بى ام فيه بينط ؟

لا ثابت

[mo7eb elrasol]

لما بفصل الفيشة بتاعة حساس الشكمان للمبة التشك مش بتنور
بصراحة انا محتار جدا

[دعبدالرحيم]

طيب شيك علي كل الخراطيم اللي طالعه من المنفو وركبها كويس....والاحتمال الاكبر ان عربيتك متلته يعني شغاله 3 بساتم بدل 4 ..وده يا اما البستم واقف يا الرشاش يا البوجيه ..يا سلك بوجيه مقطوع يا كهربته مش طالعه من الموبينه اساسا او ضعيفه ....ولو مشكله دورة بنذين انا انصح بوضع ربع كيلو بالضبط ذيت فتيس احمر مش باكم في تنك البنذين..علي فكره دا علي مسئوليتي ....لاني عملته في عربيتي قبل كده

[Khaled Lanos]

لما بفصل الفيشة بتاعة حساس الشكمان للمبة التشك مش بتنور
بصراحة انا محتار جدا

لما تفصل فيشة حساس الشكمان اللمبة مش هتنور غير على 3000 لفة أو على 120 كم.

[FAR!D]

بجانب ان حساس. الشكمان لو بايظ يرد عندك بزياده استهلاك بنزين ملحوظه

[mo7eb elrasol]

المشكلة طلعت فى الرشاشات
روحت لميكانيكى قالى فى رشاشين تعبانين وركب مسطرة رشاشات من عانده والدخان اختفى خالص
بس انا مش حابب اشترى منه رشاشات لانها ممكن يكون مطلعها من عربيات قبل كده
ف ايه رايكم اشترى رشاشات نوع ايه؟