العين صابتني ورب العرش نجاني

[Khaled Lanos]

السلام عليكم
امبارح كنت حاضر خطوبة وطبعا العروسيين اتزفو في اللانوس
ولكن كالعادة في أي خطوبة أو فرح أو تجمع لازم يحصل حاجات غريبة كدا ملهاش تفسير
أول ما نزلنا من البيت وركبنا العربية واقف في اشارة ومرة واحدة لقيت العربية اتحدفت قام كانك شيلت ديبرياج مرة واحدة بس العربية دايرة فاستوعبت انها اتخبط من ورا..طبعا نزلنا كلنا نشوف في ايه لقيت واحد معاه شاهين سرحان وشاط العربية من ورا نزلت انفجرت فيه قعد يقولي معلش اصلي كنت باصص على التوكتوك وسرحان واللي انت عايزه هديهولك وكلام من دا..(طبعا جاب ورا عشان كنا 4 عربيات)..قولت له اتكل على الله مش عايز منك حاجة..لما بصت لقيت كالون الشنطة اللي فوق اتكسر متسألونيش ازاي والإكصدام سليم الحمد لله لكن العربية خدت الخبطة في العضم.
تاني حاجة التانك فضي ودخلت البنزينة أمون..باب التانك راسه والف سيف ماهو فاتح..فضلت ربع ساعة أحاول افتحه انا والعامل واتفتح بصعوبة..وكان واير الباب بيتشد بصعوبة بردو كأنه هيتقطع في ايدي..ممكن دا يكون ليه علاقة بالخبطة؟
اخر حاجة وانا مروح قبل ما امسك الصحراوي مرة واحدة لقيت الإزاز اللي جمبي انفجر جامد والعربية غرقت قزاز كلها من جوا..وايدي اتجرحت شوية وصباع رجلي بردو..بس الحمد لله انو منفجرش في وشي وأني كنت باصص عكسه..طبعا انا افتكرت ان حد حدف طوبة وساعتها نزلت الشارع زي المجنون والناس جم يشوفو ايه اللي حصل..بعد البحث والتدوير والكلام ملقيناش اي اثر لطوب خالص وان الشارع ساعتها كان فاضي مفيهوش حد..كمان الناس قالولي لو طوبة كان اتكسر كله ناحيتك مش انتشر في العربية كلها..طب امال اتكسر ازاي يا جدعان ممكن سرطان..بس الإزاز سليم ومفيهوش سرطان خالص
المهم لميت الإزاز من العربية والأرض عشان محدش يتعور وشكرت الناس وروحت.
طبعا كل صحابي أجمعو ان التفسير الوحيد للحجات الغربية دي أكيد بسبب عين حلوة
السؤال دلوقتي الإزاز جديد جريش عامله كام؟
ولو جيبته استيراد فيه مشكلة ولا الأحسن يبقى جديد؟
وكالون الشنطة بكام بردو؟ (اللي في الشنطة نفسها)
وايه حل الواير بتاع التانك؟

والحمد لله على كل شيء.

[starlanos]

الحمد لله انك بخير
كل ده مقدور عليه

انا لما باخد عين بجاب الارض في سعتها

[Khaled Lanos]

الحمد لله انك بخير
كل ده مقدور عليه

انا لما باخد عين بجاب الارض في سعتها

الحمد لله على كل شيء..انا قعد اشكر ربنا كتير ان الإزاز مجاش في وشي ولا عيني..لأنه كان عبارة عن فتافيت صغيرة بجد.
على فكرة دا بالنسبالي لعب عيال بردو..انت لو تابعت مواضيعي القديمة هتلاقي بلاوي حصلت لي ههههههه

[J A G U A R]

الحمد لله على سلامتك

[محمد طايع]

الحمد لله على سلامتك اهم حاجه
ولو تعرف طلع اى حاجه للعربيه

[Khaled Lanos]

الحمد لله على سلامتك

الله يسلمك ياباشا.

الحمد لله على سلامتك اهم حاجه
ولو تعرف طلع اى حاجه للعربيه

الله يسلمك ياباشا..والله يعلم الله انا بعمل ايه بس مينفعش اتكلم..انا خلاص بدأت اقتنع بمقولة صديق ليا ان العربية طالما العين مسكتها لازم تتباع :(

[ضى القمر]

الحمد الله على سلامتك ده اهم من اى حاجة بس ديه شكلها لانى مجرب الللى بيحصلك ده من ساعة مجبت العربية واخده عين جامد والحسد مذكور فى القرءان ونصيحة منى اول ماتيجى تسوق شغل القران فى العربية عشان ربنا يحفظك من اى مكروه
بالنسبة لسؤال حضرتك عشان متلفتتش وتحتار كتير انا حقول لحضرتك المفيد الزجاج والبطارية والكاوتش مبيجوش استيراد ولا بيسمح بدخولهم من الجمارك نهائيا فحتجيبه جديد ودكتور جريش متخصص فى الزجاج فى مصر وفى حد تانى فى شبرا بس مش فاكر اسمه وممكن تلاقيه عند حد بتاع زجاج عندك
وبالنسبة للكالون بتاع الشنطة اسال ابو الحسن عليه رقمه 33377040
وبالنسبة لبابا البنزين فى ده من الخبطة رحل شوية فنزنق محتاج ترد الخبطة وترده لوضعه الطبيعى حتلاقيه ريح شوية من الخبطة سهلة مش صعبه عند سمكرى محترم يظبطهالك
وان شاء الله ترجع العربية زى الاول واحسن وربا يبعد عننا عين الحسود

[starlanos]

الحمد لله على كل شيء..انا قعد اشكر ربنا كتير ان الإزاز مجاش في وشي ولا عيني..لأنه كان عبارة عن فتافيت صغيرة بجد.
على فكرة دا بالنسبالي لعب عيال بردو..انت لو تابعت مواضيعي القديمة هتلاقي بلاوي حصلت لي ههههههه :pointiy2[2]:

الحمد لله فعلا ان الازاز بعيد عنك
انا مرة خت عين باتصال من صديق وايه كمان في عربيتي القديمة128 واحلا حاجه كنت راكن فجاءة وانا قاعد وفاتح الباب فجاءة لقيت العربية رجعت لورا والباب اتلوح

اما الانوس كل اسبوع بركبها يوم الخميس كان لازم يحصل حاجة وتتخبط وهيا وقفة بس الحمد لله خبطات بسيطة

ربنا يستر علينا وعليك

[hateeem]

الحمدلله يا معلم انها جت على قد كدا انا اخر مرة حضرت فرح

عربية نقل مقطورة خبطت فيا خبطة وده كان بسبب عين محترمة

بس ده كان بعربيتى القديمة الاكسنت كنا داخلين على مطب وبهدى زيى زى كل العربيات

واذا بالمقطورة جاية من ورا دمرت الشنطة والرفرف الشمال بالكامل

ولكن الواحد بيقول الحمدلله كل اللى فى الصاج مقدور عليه

انما الروح متتعوضش

[Khaled Lanos]

الحمد الله على سلامتك ده اهم من اى حاجة بس ديه شكلها لانى مجرب الللى بيحصلك ده من ساعة مجبت العربية واخده عين جامد والحسد مذكور فى القرءان ونصيحة منى اول ماتيجى تسوق شغل القران فى العربية عشان ربنا يحفظك من اى مكروه
بالنسبة لسؤال حضرتك عشان متلفتتش وتحتار كتير انا حقول لحضرتك المفيد الزجاج والبطارية والكاوتش مبيجوش استيراد ولا بيسمح بدخولهم من الجمارك نهائيا فحتجيبه جديد ودكتور جريش متخصص فى الزجاج فى مصر وفى حد تانى فى شبرا بس مش فاكر اسمه وممكن تلاقيه عند حد بتاع زجاج عندك
وبالنسبة للكالون بتاع الشنطة اسال ابو الحسن عليه رقمه 33377040
وبالنسبة لبابا البنزين فى ده من الخبطة رحل شوية فنزنق محتاج ترد الخبطة وترده لوضعه الطبيعى حتلاقيه ريح شوية من الخبطة سهلة مش صعبه عند سمكرى محترم يظبطهالك
وان شاء الله ترجع العربية زى الاول واحسن وربا يبعد عننا عين الحسود

مشكور على المشاركة الجميلة دي ياباشا..وأنا للأسف مبقيتش اشغل قرآن كتير في الفترة الأخيرة :(
على فكرة ياباشا لقيت الزجاج الجانبي بيتباع استيراد عادي..شوفت عند تاجر باب كامل بالزجاج والفرش والمكنة..وقالي لو عايز افك لك الإزاز من الباب وتشتريه.
وربنا يبعد عننا شر العين آمين يارب.

الحمد لله فعلا ان الازاز بعيد عنك
انا مرة خت عين باتصال من صديق وايه كمان في عربيتي القديمة128 واحلا حاجه كنت راكن فجاءة وانا قاعد وفاتح الباب فجاءة لقيت العربية رجعت لورا والباب اتلوح

اما الانوس كل اسبوع بركبها يوم الخميس كان لازم يحصل حاجة وتتخبط وهيا وقفة بس الحمد لله خبطات بسيطة

ربنا يستر علينا وعليك

فعلا الكحكة في إيد اليتيم عجبة..ربنا يسترها عليك يارب.

[Khaled Lanos]

الحمدلله يا معلم انها جت على قد كدا انا اخر مرة حضرت فرح

عربية نقل مقطورة خبطت فيا خبطة وده كان بسبب عين محترمة

بس ده كان بعربيتى القديمة الاكسنت كنا داخلين على مطب وبهدى زيى زى كل العربيات

واذا بالمقطورة جاية من ورا دمرت الشنطة والرفرف الشمال بالكامل

ولكن الواحد بيقول الحمدلله كل اللى فى الصاج مقدور عليه

انما الروح متتعوضش

ربنا يعوض عليك يا معلم..والله اللي مصبر الواحد شوية انها بتيجي في الصاج ومش بتيجي في حد فينا ودا أهم الحاجة..الحمد لله

[FAR!D]

بص يا معلم ديه عين يا بوبو وفجرتلك الدنيا مفيش تفسير تاني وقول الحمد لله
انا ذات نفسي لما جبت عربيتي و اول مره اروح بيها الشغل و ركنت وسط الجراج والحمد لله الرجاله زميلي معاهم عربيات محترمه نفس اليوم و انا مروح لقيت الكابوت فتح عليت وانا على الصحراوي وستر ربنا اني لسه كنت حبدأ اجري انا مره وحده الدنيا اصفرت في وشي(العربيه لونها ذهبي) طبعا عقبال مافهمت اللي حصل واللي جانبي واللي ورايا خدوا بالهم فاهدوا فا ركنت على جنب وستر ربنا الازاز مفرقعش في وشي نزلت لقيت الكابوت كانه مكوي بالظبط علي العربيه والسقف علمت فيه
والحمد لله سبتها سنتين و نص تاخد كل العين
ربك يسترها معانا كلنا

[Gelgel2004]

الحمد لله انها جت على قد كده
و الف سلامة عليك..

[ضى القمر]

الحمد الله انك لقيته بس المعلومة اللى قولتلها لانى كنت رايح اجيب زجاج بربيز لسيارة حمايا من الوكالة وقالى كده هناك التاجر فممكن يكون فى حاجات بتيجى تهريب او بالتظبيط

[Dr.Solom]

حمد الله عالسلامه يامعلم كويس انها جت على كده بس عشان تبقى تصدقنى انك فقر ههههه