مطلوب خبره النوبيراويه

[Sameh Ibrahim]

السلام عليكم ورحمة الله وبركاته
اخواتي الكرام
اخويا معروضة عليه عربيه نوبيرا 2007 عامله 110 الف كيلو بمبلغ 55 الف
فيها شوية عيوب
1- التكييف مش شغال علشان عايزه كمبروسور
2- العفشة محتاجة مساعديين قدام
3- واخده خابطة فى الجنب لكن ماطالتش الحوض

انا بقنعه انها غاليه لكن هو مش مقتنع فبرجاء الافاده وشكرا

[topman_2m]

فكر وشوف هتاخد مصاريف كام غير الجرى عند الصنايعيه
تقريبا هتصرقلها 5000 كمان او اكتر
يعنى هتوصل ل 60 ممكن تجيب بيها حاجه انضف بكتير وفابريكه ومن غير وجع الدماغ

[Mohamed ELOoL]

لا . بلاش منها احسن شكلها عربية متهانة

[FAR!D]

لا كده كتير.... الكباس يعمل 550 من سنه و نص و استيراد الجوز ب 180 والله اعلم بباقي العفشه لان المساعدين. بيعتبروا قطع معمره ده غير السمكره و الهجص.... سعرها عالي و فكك منها

[blazer]

الى انت كاتبه هيصرف 1500 جنيه
بس غالبا العربيه هتبقى متهانه

[ebrahim_mh]

بلاش منها ياباشا انت ايه اللى هيخليك تاخد عربيت غيرك وتقعد تصرف عليها
وبعدين من كلامك العربية متهانه وما خفييا كان اعظم كبر دماغك وشوف غيرها وغير ان السعر عالى