طلب تسعير لانوس 2009

[champoo]

ارجوكم تساعدوني معروض عليا لانوس 2009 ازاز كهربا عاملة 40 الف كيلو العربية نضيفة و مافيهاش خربوش و فابريكة بالكامل مطلوب 60 الف يا تري سعرها معقول ولا مبالغ فيه
مشكور ليكم مقدما

[sfahmy6]

اعتقد ..........دى شيفروليه مش دايو ...........

وهيا شكلها كده عربيه نضيفه

بس اخرها 52 بالكتييييييييييييير اوى يعنى.... والله اعلم

[ahmedsamy90]

كتيييييير اوي 60 الف في لانوس 2009 ..... هي أول الخمسينات او اقل على حسب الحالة

[ضى القمر]

هيه شيفوليه لان بدءا من 2009 بقت شيفروليه بس من وجهت نظرى اخرها 55 الف

[starlanos]

52000

[J A G U A R]

العربيه يا جماعه ماشيه 40 الف وحالتها فابريكا

[champoo]

حيرتونى يا جماعة ههههههههه رفعت العربية انهاردة الميكانيكى قالى مافيهاش عيب و ماتورها بحالته و صاحبها قافش على ال60

[hateeem]

كتير اوى عليها 60

لأن الشيفرولية اضعف من الدايو

فى التقفيل وفى اجزاء بتاعت العربية اغلبها صينى مش زى الدايو

لو انت متمسك بيها اوى يبقى 54 او 55

[mo7eb elrasol]

٦٠ كتير طبعا على ٢٠٠٩
وبرضه ٥٢ قليل جدااااااا
لو خلصتها ب ٥٥ تبقى حلوة اوى

[Mohamed Shokry]

مع كامل احترامي للاخوة الي حطوا رائيهم بس واضح انهم مش متابعين السوق
بعد لفة طويلة مع اللانوس خلال الثلاثة شهور الماضية
اللانوس موديل 2009 بتعمل من 56 الي 58 الف جنية و الحالة الجيدة
المقصود بالحالة الجيدة هي حالة التشغيل الطبيعية و الي بتتراوح من 15 الف كيلومتر الي 20 الف سنويا
يعني علي اقل تقدير العربية موديل 2009 المفروض تكون عاملة من 80 الف الي 125 الف كيلومتر حاليا و بالتالي السيارة الي انت شايفها لو فعلا عاملة 40 الف فهي حالة نادرة بالنسبة للموديل 2009 و سعرها علي اقل تقدير هيكون 59 الف جنية

[J A G U A R]

مع كامل احترامي للاخوة الي حطوا رائيهم بس واضح انهم مش متابعين السوق
بعد لفة طويلة مع اللانوس خلال الثلاثة شهور الماضية
اللانوس موديل 2009 بتعمل من 56 الي 58 الف جنية و الحالة الجيدة
المقصود بالحالة الجيدة هي حالة التشغيل الطبيعية و الي بتتراوح من 15 الف كيلومتر الي 20 الف سنويا
يعني علي اقل تقدير العربية موديل 2009 المفروض تكون عاملة من 80 الف الي 125 الف كيلومتر حاليا و بالتالي السيارة الي انت شايفها لو فعلا عاملة 40 الف فهي حالة نادرة بالنسبة للموديل 2009 و سعرها علي اقل تقدير هيكون 59 الف جنية

+1

[champoo]

اشكرك على الكلام الموزون يا استاذ شكرى

[Mohamed Shokry]

اشكرك على الكلام الموزون يا استاذ شكرى

تحت امر حضرتك, بس امانة تتأكد ان العداد صحيح لو نويت علي العربية دي و لو العربية نمر الشرقية او اي مرور تابع للشرقية ابعد عنها و انت مغمض

و انصحك تخلي تاجر عربيات لو تقدر يتفرج عليها, انا حصل معاي موقف غريب مرة و انا بشتري عربية لانوس موديل 2003 و كانت عاملة 60 الف و مش راشة لا برا ولا جوا و فابريكة في كل حاجة و صاحبها كان واقف في السوق مابيردش علي الناس من كتر ما العربية عاجباة
المهم خدت رقم تليفونة و جبت صديق لي بيتاجر في العربيات, يتفرج علي العربية , اول ما دخل علي صاحب العريبة و هو تاجر علي فكرة قام صاحب العربية قالة فابريكة برا و جوا و عداد 60 الف, فصاحبي قالة ربنا كريم نتفرج

بعد ما اتفرج طلع عداد العربية ملعوب فية و العربية مرشوش منها 50% تقريبا و مركبة تكييف بس معمولة بحرفنة مش طبيعية و كل الحتت المرشوشة تحتها فيلر بتاع فابريكة مش معجون, المهم ان التاجر صاحب العربية صدق علي كل كلام صاحبي بالحرف بعد ما كان بيتنطط من علي الارض تنتيط

اسف علي الاطالة, بيت القصيدة لو هتشتري عربية علي نية انها نادرة عن غيرها و تضحي بالف او اتنين زيادة لازم تتأكد منها كويس, و يا رب تكون العربية الي انت بتتفرج عليها عربية بيتي و في الحالة دي كل كلامي السابق مالهوش لازمة

[ضى القمر]

تحت امر حضرتك, بس امانة تتأكد ان العداد صحيح لو نويت علي العربية دي و لو العربية نمر الشرقية او اي مرور تابع للشرقية ابعد عنها و انت مغمض

و انصحك تخلي تاجر عربيات لو تقدر يتفرج عليها, انا حصل معاي موقف غريب مرة و انا بشتري عربية لانوس موديل 2003 و كانت عاملة 60 الف و مش راشة لا برا ولا جوا و فابريكة في كل حاجة و صاحبها كان واقف في السوق مابيردش علي الناس من كتر ما العربية عاجباة
المهم خدت رقم تليفونة و جبت صديق لي بيتاجر في العربيات, يتفرج علي العربية , اول ما دخل علي صاحب العريبة و هو تاجر علي فكرة قام صاحب العربية قالة فابريكة برا و جوا و عداد 60 الف, فصاحبي قالة ربنا كريم نتفرج

بعد ما اتفرج طلع عداد العربية ملعوب فية و العربية مرشوش منها 50% تقريبا و مركبة تكييف بس معمولة بحرفنة مش طبيعية و كل الحتت المرشوشة تحتها فيلر بتاع فابريكة مش معجون, المهم ان التاجر صاحب العربية صدق علي كل كلام صاحبي بالحرف بعد ما كان بيتنطط من علي الارض تنتيط

اسف علي الاطالة, بيت القصيدة لو هتشتري عربية علي نية انها نادرة عن غيرها و تضحي بالف او اتنين زيادة لازم تتأكد منها كويس, و يا رب تكون العربية الي انت بتتفرج عليها عربية بيتي و في الحالة دي كل كلامي السابق مالهوش لازمة

اشمعنه الشرقية تبعد عنها رجاء التوضيح لتعم الفائدة للجميع بس من وجهة نظرى السيارة تعمل 55 الف ال 60 كتير عليها

[Mohamed Shokry]

اشمعنه الشرقية تبعد عنها رجاء التوضيح لتعم الفائدة للجميع بس من وجهة نظرى السيارة تعمل 55 الف ال 60 كتير عليها

اولا بالنسبة للشرقية هما من اكتر ناس الي بيلعبوا في العربيات, عندهم سمكرية بيقدروا يقصوا و يلحموا في العربية بحرفنة عالية جدا و عندهم بتوع دوكو بيجيبوا الفيلر بتاع المصنع و بيكشفوا العربية و ناس كتير جداا بتفتكرة دهان مصنع, انا عن نفسي شفت عربيات كتير حالتها شبة شاذة و بتطلع مقلب و معمولة في الشرقية

بخصوص سعر العربية فدا رأي حضرتك و لك مني كل الاحترام