حد عنده معلومات ويقدر يفدنى عن فتيس نوبيرا اوتوماتيك

[zendo]

يا جماعة انا معايا نوبيرا 2 بريميم موديل 99 كورى اوتوماتيك الفتيس كهربا بس مش لاقى مفاس للزيت بتاعة مالوش مقاس من فوق روحت للميكانيكى قعد يدور على مقاسه وفى الاخر طلع مقاسه من تحت الفتيس بطبة كده بيفكها ويشوف الزيت لكن مالوش مقاس هو قالى ان الزيت كويس وشوفتة على ايده وقالى لونة احمر بس انا مش مقتنع ليه العربية ماشية 18500 كيلو من غير ما اتغيرلها زيت وبحس بخنفة فى اول الغيار ونعرة وصوت الماتور يعلى وخشونة بس مش فى كل مرة وساعات تسحب معايا حلو الوقتى عاوز معلومات عن الفتيس ده بياخد كام كيلو ونوع زيتة ايه احمر فعلا ولا ابيض الميكانيكى فالى احمر بس عاوز افاده وهل الفتيس ده كويس ولا اية

[mhopa2440]

الفتيس دا كويس

والي فهمته من رجالة المنتدى هنا انها هو نفس الفتيس العادي بس الاختلافي في وحدة التحكم بس

ومن على النت هتعرف هياخد كام كيلو وتغير معاه الفتلر عشان تحافظ عليه

[zendo]

الفتيس دا كويس

والي فهمته من رجالة المنتدى هنا انها هو نفس الفتيس العادي بس الاختلافي في وحدة التحكم بس

ومن على النت هتعرف هياخد كام كيلو وتغير معاه الفتلر عشان تحافظ عليه

متابع وياريت افاده اكتر لو سمحتم ضرورى بخصوص الفتيس ومعلومات عنة لانى احترت

[mado_xxx]

ممكن تروح المركز الكورى الى فى حرفيين الزهور
او مركز الالمانية الى جنب نادى الجمارك الى فى بنك الاسكان وتساءل على محمد مسعود ميكانيكى الفتيس
او فى واحد ميكانيكى فتيس فى حرفيين الزهور اسمه وليد
وفى واحد تانى فى حرفيين زرزارة جنب الجامع بس مش فاكر اسمه

[zendo]

ممكن تروح المركز الكورى الى فى حرفيين الزهور
او مركز الالمانية الى جنب نادى الجمارك الى فى بنك الاسكان وتساءل على محمد مسعود ميكانيكى الفتيس
او فى واحد ميكانيكى فتيس فى حرفيين الزهور اسمه وليد
وفى واحد تانى فى حرفيين زرزارة جنب الجامع بس مش فاكر اسمه

انهو احسن فيهم وبيفهم فى الفتيس ده

[mado_xxx]

انهو احسن فيهم وبيفهم فى الفتيس ده

انا مكنتش بتعامل غير مع الالمانية
وشغلهم كويس
المركز الكورى بشوف زحمة كتير عنده وبيشكروا فيه

اى استفسار برضه انا مع حضرتك