صوت ونة لما بكسر يمبن او شمال

[Eng_zead]

النهاردة العربية كانت ماشية و مفيش مشكلة ركنت اسال على حاجة رجعت كل اما اكسر يمين او شمال اسمع صوت ونة طول منا بكسر اسيب الدركسيون الصوت يروح و لو كاسر و زودت بنزين الصوت يظهر المهم فتحت الكبوت ببوص على خزنة الزيت ليقيت فى زيت خارح منها فتحت الخزنة ابوص على التقليب لقيتها بتقلب و كأن الزيت بيغلى كمان لما بكسر على الاخر بحس ان العربية هتبطل و بعد اما ركنت و بطلت لقيت بقعة زيت كبيرة تحت العربية زيت الباور ده ايه ده بقى طلمبة الباور و لا ايه و لا خرطوم ضارب افيدوا يرحمكم الله

[مستر هشام]

تلاقىطرمبة الباور سخنت زى اللى عاندى غير زيت باور الاول وشوف النتيجة

[a_mohamedsamir]

إكشف على مستوى زيت الباور لو سليم يبقى خلى الميكانيكى بتاعك يكشف على طرمبة الباور

[Eng_zead]

طيب هو الزيت خرج من الخازنة ازاى

[Eng_zead]

لو هغير زيت الباور اى نوع احسن ؟

[moe gawad]

بص الاحتمال الوحيد انك تبص على طلمبة الباور
ممكن تشرفنى فى المركز اكشفلك عليها
م. محمد عبد الجواد. 01210555631

اما بخصوص اوعية الزيت . فاحسن نوع موجود بالسوق للسيارات الكوريه هو زيت باور موبيل. سعر الكيلو 40 جنيه
وسيارة حضرتك هتاخد من كيلو وربع حتى كيلو ونصف . معلومه لحضرتك

[moe gawad]

بص الاحتمال الوحيد انك تبص على طلمبة الباور
ممكن تشرفنى فى المركز اكشفلك عليها
م. محمد عبد الجواد. 01210555631

اما بخصوص اوعية الزيت . فاحسن نوع موجود بالسوق للسيارات الكوريه هو زيت باور موبيل. سعر الكيلو 40 جنيه
وسيارة حضرتك هتاخد من كيلو وربع حتى كيلو ونصف . معلومه لحضرتك

[Eng_zead]

متشكر جدا لاهتمامكم
انا نزلت قولت ابوص على الطلمبة اولا لقيت ان الخازنة فاضية تمام عندها اتاكدت ان فى تسريب المهم بصيت على مكان بقعة الزيت لقيتها تحت خرطوم جبت كشاف و بصيت على الخرطوم كويس لقيت فيه قطع صغير من عند الحتة المتنية فيه مديت ايدى كمان علشان اتاكد لقيت الخرطوم غرقان زيت من تحت الحتة المقطوعة المهم الخرطوم ده مربوط بكوليه فى مسورة خارجة من الطلمبة هحط زيت اى كلام لحد اما اروح للميكانيكى و ابقى اغير الوصلة المقطوعة دى و بعد كدة ابقى احط موبيل ان شاء الله

[foad2013]

خزنه زيت الباور دى هى اللى فوق اللى المفوض الزيت يتقلب فيه ؟؟

[Eng_zead]

خزنه زيت الباور دى هى اللى فوق اللى المفوض الزيت يتقلب فيه ؟؟

ايوة