احسن نوع رشاشات للدايو 99

[zerox2010]

[QUOTE=MMamdouh;3875401564]مفيش حاجة اسمها رشاش بيقلل استهلاك البنزين...الكونترول بيتحكم فى زمن فتح الرشاش عشان يحافظ على نسبة هواء\بنزين محددة من خلال قرايات حساس الشكمان (او القيمة اللى مضبوط عليها البوتنشيوميتر) و بالتالى اللى بيتحكم فى الاستهلاك هو زمن الفتح مش الرشاش نفسة

عشان الرشاش يفرق فى استهلاك البنزين بالزيادة او النقص لازم الرشاش اما يبقى معدل سريان الوقود فيه اكبر بكتير من اللازم او اقل بكتير من اللازم... و هنا هيترافق مع معدل الاستهلاك الغير طبيعى خلل فى اداء المحرك

واحد يقوللى مش انت لسة قايل الكونترول هو اللى بيتحكم فى كمية البنزين عن طريق زمن الفتح؟؟؟

اقولة ايوة طبعا بس الكونترول له حد اقصى و حد ادنى لزمن الفتح ميقدرش يخرج عنهم... يعنى على سبيل المثال هنفترض ان زمن الفتح على السلانسية المفروض يبقى بين 1 مللى ثانية الى 2.5 مللى ثانية (الارقام دى مش صح... دا مجرد افتراض)...

لو مركب رشاش معدل سريانة كبيرالكونترول هيقلل زمن الفتح للحد الادنى اللى هو 1 مللى ثانية... ممكن اوى الحد الادنى دة يبقى برضة بيدخل نسبة بنزين زيادة و دة هيعللى الاستهلاك و يخللى البوجيهات تهبب و حساس الشكمان يتلف و اداء الموتور هيقل

و العكس بالعكس لو مركب رشاش معدل سريانة قليل الكونترول هيزود زمن الفتح للحد الاقصى اللى هو 2.5 مللى ثانية... ممكن اوى الحد الاقصى دة يبقى برضة بيدخل نسبة بنزين قليلة و دة هيقلل الاستهلاك فعلا بس هيخنق الموتور لان المكنة مش بتاخد كفايتها من البنزين

الحالة التانية دى هى حالة رشاشات الاكسنت... الرشاشات معدل سريانها قليل فا بتخنق العربية... فية ناس بتترجم دة كا "تقليل استهلاك" و بالتالى ممكن تترجم انك متقبضش مرتبك اول الشهر على انه "ترشيد فى الانفاق"

بالنسبة لرشاشات الBMW هى معدل سريانها 150 سى سى فى الدقيقة فى حين ان رشاشات اللانوس الاصلية معدل سريانها 135 سى سى فى الدقيقة... صحيح رشاشات البى ام معدل سريانها اعلى بس الفرق بسيط و الكونترول بيقدر يعادل الفرق دة من خلال زمن الفتح زى ما شرحنا و بالتالى مفيش استهلاك زائد

على الجانب الاخر رشاشات البى ام ليها ميزة و هى انها بتدى اداء احسن من الرشاشات الاصلية على RPM عالى نتيجة فرق معدل السريان اللى قولنا علية... ممكن برضة حد يقول ان دة "زيادة فى الاستهلاك" بس هو اساسا مفيش زيادة فى اداء اى محرك بدون استهلاك بنزين زيادة... دا غير ان الحالة دى هى حالة جرى على RPM عالى مش حالة الاستخدام الطبيعى للعربية

معلومة: معدل سريان رشاشات النوبيرا 150 سى سى فى الدقيقة
معلومة: معدل سريان رشاشات الليجانزا 200 سى سى فى الدقيقة

تسلم الايادى

[HAMASA99]

طب سؤال اخير الواحد يعرف ازاى انهم كويسين طبعا مع العلم انهم استيراد يعنى كانو شغالين
الله واعلم كان بألهم اد ايه حالتهم ايه وانتو عارفين الناس بتاعه الاستيراد ووش عكره ؟؟

[mohfud]

طيب معدل السريان لرشاشات الاكسنت كام لانى مركبهم فى العربية بتاعتى برضة

[MMamdouh]

طب ممكن اعرف النوبيرا 2 موديل 99 كورى البريميم تكييف تاتش اوتو مكنة 1500 cc يركبلها رشاشات انهو نوع علشان ناس بتوع قطع الغيار قالولى مينفعش يركب الا رشاشاتها المصرى بس هو اللى بيتعدل

انا معرفش المكنة دى بينزل فيها انهى رشاشات... صور الرشاشات و انا اقولك ايه البدائل المتاحة

MMamdouh