مروحه الرادياتير بشتغل علي السرعه العاليه فقط

[esnawy]

السلام عليكم جميعا
انا عندي مروحه الرادياتير بشتغل علي السرعه العاليه فقط...وكان في نصيحه من اعضاء المنتدي ان اغير ثيرموستات الحراره علي احتمال انه يكون بيعلق..

من يومين غيرت ثيرموستات الحراره..لكن لسه المروحه بتشتغل علي السرعه العاليه فقط...بس انا لاحظت ان ريلاي (كتاوت ) المروحه اللي موجود في علبه الفيوز عباره عن ريلاي 4 طرف..مش 5 طرف زي ما منصوح بيه علي غطا الفيوز...فهل ده ممكن يكون السبب ان المروحه تشتغل علي سرعه واحده بس.

ارجو الافاده

[MMamdouh]

المشكلة مهاش اى علاقة بالثرموستات

دى مشكلة فى مجموعة الكتاوت الخاصة بالتحكم فى تشغيل المراوح

MMamdouh

[esnawy]

وكمان ريلاي طرمبه البنزين لقيته برضه4 طرف..مش 5 طرف زي ما منصوح بيه علي غطا الفيوز.

[esnawy]

الكتاوت الخاصه بالتحكم في المروحه..عباره عن تلاته واحد 5طرف والاتنيين التانيين 4 طرف
انا عندي التلاته 4 طرف..وخايف اغير الاولاني واخليه 5 طرف زي الكتالوج علشان ممكن يكون السبب في تشغيل المروحه علي السرعه العاليه فقط...يحصل قفله ولاحاجه

وكمان كتاوت طرمبه البنزين المفرووض 5 طرف لمن اللي راكب عندي 4 طرف والعربيه ماشيه كويس بيه ومفيش اي مشاكل..فهل هيفرق في حاجه لو بدلته بريلاي 5 طرف في اداء الطرمبه

[tarek_2005]

الكتاوت الاوسط 5 طرف وهو المسئول عن سرعات تشغيل المراوح ولو فعلاً مستبدل عندك ب 4 طرف ده معناه انه مش هيشغل السرعة البطية وبالتالي لن تعمل المراوح في حالة درجة الحرارة الطبيعية لبداية عملها وتنتظر الي ارتفاع الحرارة الي الحد الزي يستوجب عمل المراوح بالسرعة العالية وده له مخاطر كثيرة اسرع في استبدال كتاوت السرعات بواحد 5 طرف وللعلم هو الكتاوت الاوسط من الثلاث كتاوت بتوع المراوح

[esnawy]

متشكر يا استاذ طارق علي الرد..
لكن بالنسبه لمكان الكتاوت 5 طرف...علي غطا الفيوز موضح انه اول واحد علي اليمين..والثاني والثالث 4طرف...رجاء الافاده

وبالنسبه ل كتاوت طرمبه البنزين ارجو من حضرتك النصيحه ان اغيره من 4 طرف الي كتاوت 5 طرف ولا ده مش هيفيد في شئ..ولا هيفرق في اداء الطرمبه عند تغييره.

[mohfud]

متابع باهتمام

[tarek_2005]

متشكر يا استاذ طارق علي الرد..
لكن بالنسبه لمكان الكتاوت 5 طرف...علي غطا الفيوز موضح انه اول واحد علي اليمين..والثاني والثالث 4طرف...رجاء الافاده

وبالنسبه ل كتاوت طرمبه البنزين ارجو من حضرتك النصيحه ان اغيره من 4 طرف الي كتاوت 5 طرف ولا ده مش هيفيد في شئ..ولا هيفرق في اداء الطرمبه عند تغييره.

اسف علي الخطاء الغير مقصود الظاهر الزهايمر بداء
فعلاً هوا الكتاوت الاول علي اليمين
بالنسبة لكتاوت طرمبة البنزين سيب الارع ارجل الي راكب لان لو لاحظت هتلاقي الطرف الخامس فارغ من الكلبس هتسئل هما ليه في التوكيل بيركبوا فيه خمس اطراف مش اربعة مع ان الطرف الخامس ملهوش لزمة هقولك ان الخمسة طرف عادتاً اعلي في تحمل الامبير عن الاربعة طرف والطرمبة بتسحب امبير عالي فعمر الاربعة طرف الافتراضي الي عندك هيكون قصير سيبه لما يبوظ وابقي غيره بعدها ولو عطل منك في طريق حط اي كتاوت مكانه مثل كتاوت الفوجات او الكلاكس لغاية متجيب الجديد

[esnawy]

ولا يهمك يا استاذ طارق...يكفي اهتمامك ...ومتشكر جداا علي الرد .

[esnawy]

انا غيرت الكتاوت امبارح بواحد 5 طرف..لكن للاسف لسه المروحه بتشتغل علي السرعه العاليه بس
ملحوظه: المروحه الصغيره عندي متشاله من فتره...فهل ده ممكن يكون سبب ان المروحه الكبيره متشتغلش علي السرعه البطيئه..
ملحوظه اخيره:لمبه التشيك بتنور قبل عمل المروحه الكبيره علي السرعه العاليه بلحظات..هل ده له علاقه بعدم عمل المروحه علي السرعه البطييئه او عدم وجود المروحه الصغيره..

معلش انا تقلت عليك يا استاذ طارق

[MMamdouh]

مهو طبعا لما تشيل المروحة الصغيرة الكبيرة هتشتغل على السرعة العالية فقط

MMamdouh

[tarek_2005]

زي مقال استاذنا لو شيلت اي مروحة من الاتنين الثانيه هتشتغل بالسرعة العالية فقط لو ليك في الكهرباء اشرحلك طريقة توصيل المراوح في الدايو عامة
وعلي العموم دي فكرة مبسطه
السرعة البطيئة معناها ان المروحتين متوصلين توالي
السرعة العالية معناها ان المروحتين متوصلين توازي

[esnawy]

متشكر جداا يا جماعه..
يعني كده انا المفرووض اركب المروحه الصغيره علشان احافظ علي تبريد مناسب للموتور.

[MMamdouh]

هى عربيتك فيها تكييف؟

MMamdouh

[esnawy]

اه فيها تكييف ..بس مش شغال ..الوحده الداخليه والكباس موجودين..لكن المروحه الصغيره والسربنتينه متشاليين وده من اول ماشترييت العربيه وهي علي الحال ده.