لو اشتريت موتور استيراد لانوس ...... اعمل ايه فى القديم؟؟؟؟

[hytham_112]

لو اشتريت موتور استيراد لانوس ...... اعمل ايه فى القديم؟؟؟؟
المشكلة فى القديم انه محتاج كرنك وسبايك وطقم شنبر
وياريت لو تقولولى يتباع بكام؟؟

[MMamdouh]

صلح القديم (بفرض ان الشمايز مش محتاجة خراطة)

MMamdouh

[مصطفى-حسن]

خلية كلة قطع غيار هيوفر عليك جامد جدا لفترة طويلة من الزمن انك تشترى قطع غيار جديدة

[mahmoud_ali]

لو هتبيعه مش هتكسب فيه حاجه وهيشتروه برخص التراب لكن استفيد بيه كقطع غيار هيوفرلك

[hateeem]

خليه عندك تستفيد بيه قطع غيار فيما بعد

لأنك لو بيعته لأى حد هيشتروه منك كأنه خردة بـ 250 جنيه كبيرهم هيديولك 300 مش اكتر من كدا

[دعبدالرحيم]

بيعه افضل هيعملك زحمه مكان بالفاضي ...بس بعد ما تسبت الموتور الجديد

[مهند-النجار]

خليه قطع غيار

[hytham_112]

صلح القديم (بفرض ان الشمايز مش محتاجة خراطة)

mmamdouh

يا استاذ محمد يا نصير الغلابة انا عاوزك تكون معايا فى الحوار ده
عاوز اتاكد من حوار الكرنك ده لانى روحت للميكانيكى بتاعى وقلت له على الكلام اللى انت قولتهولى (نسقط الموتور ونفك من تحت ونغير الكرنك بواحد استيراد ونغير السبايك بسبايك اصلى من غير ما نييجى جنب وش السلندر)
قالى لازم يتفك عشان نغير طقم شنبر وكاوتشات صبابات بالمرة طالما فتحنا وكمان لازم بعد ما نركب الكرنك الاستيراد والسبايك نعمل حاجة عند الخراط اسمها بورينج (طبعا انا مش عارف ترجمتها بس هى بتتعمل عشان الكرنك الجديد يطبع بالظبط زى الروديه اللى بيتعمل للصبابات)
دلوقتى انا محتار اعمل ايه ؟؟؟ اغير بموتور استيراد واريح دماغى لانى حسبت اللى قالى عليه الميكانيكى دخل الحوار فى الفين ونص تقريبا وسالت على الشورت بلوك الاستيراد عامل تقريبا 3 الاف ده غير ان فيه مصاريف ثابتة فى الحالتين زى الزيت وطقم السيور والبلية والفلاتر.

[MMamdouh]

فكك من كل اللى الميكانيكى عايز يعملة دة... انت عربيتك كانت بتدخن او بتشتكى من ضعف سحب؟... يعنى من الاخر الشمبر مزعلك فى حاجة؟؟؟

لو الاجابة لا يبقى تجيب كرنك استيراد و سبيكة ستاندر و تغير الكرنك بالسبيكة و شكرا على كدة... متجيش جنب الشنبر ولا وش السلندر... ولا فيه حاجة اسمها بورنج ولا الهجص دة... انا عامل نفس الموضوع بتاعك دة بالمللى بعد استخدام زيت شل و غيرت سبيكة و كرنك من غير ما افك وش السلندر ولا اجى جنب البساتم او الشمبر

MMamdouh

[hytham_112]

فكك من كل اللى الميكانيكى عايز يعملة دة... انت عربيتك كانت بتدخن او بتشتكى من ضعف سحب؟... يعنى من الاخر الشمبر مزعلك فى حاجة؟؟؟

لو الاجابة لا يبقى تجيب كرنك استيراد و سبيكة ستاندر و تغير الكرنك بالسبيكة و شكرا على كدة... متجيش جنب الشنبر ولا وش السلندر... ولا فيه حاجة اسمها بورنج ولا الهجص دة... انا عامل نفس الموضوع بتاعك دة بالمللى بعد استخدام زيت شل و غيرت سبيكة و كرنك من غير ما افك وش السلندر ولا اجى جنب البساتم او الشمبر

mmamdouh

العربية سحبها كويس ومش بتدخن بس ساعات لما بدورها بتنفخ ميه من الشكمان بس موضوع الميه ده ما بيبقاش الصبح بس ده ساعات فى نص اليوم وبعد تشغيل العربية يعنى وهى مش باردة.
استهلاك البنزين تقريبا من 10 : 11 لتر لكل 100 كم
وصوت التكتة ده بييجى بالظبط عند اى غيار ومن غير غيار عند ار بى ام تقريباً قبل الـ 3 بحاجة بسيطة
انما فى المشى كويسة وبتوصل لـ 140 مستريح وده لما بنسا نفسى على الدائرى من العبور لاكتوبر (ياريت ماتتريقش عليا بخصوص الـ 140 ده لانى من ساعة العيب ده وانا بمشى اخرى 110 و 120 عشان ما اقرصش على الموتور)
فياريت توصفلى الميكانيكى اللى عمل لك الموضوع ده او اى ميكانيكى تضمنه يبص على العربية وفى وجودك لو سمحت

[hytham_112]

فكك من كل اللى الميكانيكى عايز يعملة دة... انت عربيتك كانت بتدخن او بتشتكى من ضعف سحب؟... يعنى من الاخر الشمبر مزعلك فى حاجة؟؟؟

لو الاجابة لا يبقى تجيب كرنك استيراد و سبيكة ستاندر و تغير الكرنك بالسبيكة و شكرا على كدة... متجيش جنب الشنبر ولا وش السلندر... ولا فيه حاجة اسمها بورنج ولا الهجص دة... انا عامل نفس الموضوع بتاعك دة بالمللى بعد استخدام زيت شل و غيرت سبيكة و كرنك من غير ما افك وش السلندر ولا اجى جنب البساتم او الشمبر

mmamdouh

الحمد لله طلعت المشكلة كوستبانات وده بعد ماروحت لتلاتة ميكانيكية بعد الاتنين الاولانيين اللى قالولى عمرة وحوارات (اللى مايعرفش يقول هجص)
- عرضتها بالصدفة على ميكانيكى قالى الصوت طالع من فوق مش من تحت وده حاجة فى الكامة
- عرضتها على واحد تانى قالى محتاجة هيد استيراد (المهم ما اهتمتش اوى بكلامه لان كل اللى كان يهمنى انى اتاكد انه مش كرنك وسبايك)
- ناس رشحولى ميكانيكى فى شارع السودان بيتعاملوا معاه وواثقين منه فاروحت له واكد لى انها كستبانات محتاجة تتنضف وهو اللى حينضفها وكل اللى حيحتاجه الاتى:
1- جوان وش سلندر (تحسباً انه يتهز ولا حاجة عند فتح المسامير)
2- جوان وش تاكيهات (عشان فيه تسييل من عنده)
3- اويل سيل كامة (عشان فيه تسييل من عنده)
4- اويل سيل كرنك امامى (عشان فيه تسييل من عنده)
5- طقم سرفيس (سيور & بلية كاتينة & بوجيهات & زيت & فلتر زيت)

ايه رايك بقا فى الحوار ده؟؟
وهل المشكلة ده حصلت بسبب انى غيرت لزيت توتال (ممكن العربية كانت واخده على زيت تانى... تخليقى مثلاً وانا غيرت لمعدنى مع ملاحظة انى لسه مشترى العربية من شهر ونص وكل اللى عملته فيها تغيير زيت وفلتر زيت بس)
ايه رايك لو بعد ما ينضف الكستبانات اعملها oil flush زيادة نضافة للموتور كله وقبل ما غير الزيت القديم؟
اغير طلمبة الزيت بردو حسب نصيحتك ولا لا؟ وسعرها جديد فى حدود كام؟
ايه رايك فى زيت فيسكو ؟ واجيبه معدنى ولا تخليقى ؟ والاهم اجيبه من انهى بنزينة ؟
اسف جدااااااااا للاطالة .... قدرك بقا

[MMamdouh]

معتقدش المشكلة تظهر بالسرعة دى عشان تغيير الزيت... ممكن يبقى تراكم اهمال فى الصيانة من المالك السابق

استعمال فلش حاجة كويسة فى الحالة دى

تغيير طلمبة الزيت مش هيضر و طالما انت فاكك يبقى افضل تغيرها... الطلمبة الاصلى ب300 جنية

زيت فيسكو هايل (ال5000 و ال3000) و انصحك تستعمل ال5000 و تشترية من محطات كارجاس

MMamdouh

[heshamfathi]

بالنسبة لو عندك صوت تكته على الاربى ام العالى شوية "قريب من 3" ده غالبا بيبقى عمود الكامة متاكل لانى واجهت نفس المشكلة فخلعت الجراب الاسود "الموتور من فوق بعنى" ليقبت فعلا كيعان عمود الكامة متاكلة منها 3 او 4 تقريبا مع العلم انى لفيت على اكتر من ميكانيكى قبل ماكتشف العيب وكل واحد قعد يخترعلى عيوب وده العادى من الميكانيكية .....
المهم لو انت حتشترى عمود كامة جديد عامل 400
ولو استعمال بالجراب بتاعه حيعمل 700
اعتقد ان استعمال خارج اسحنلك وربنا معاك

[moe gawad]

كلام السيد ممدوح صدقنى هو الكلام السليم , انا مهندس , وعندى مركز صيانه, واللى السيد ممدوح بيقولهولك ده هو الصح,
اما عن موضوع النفخ ده , هى العربيه جايبه زيت على ميه او ميه على زيت, او العربيه حرارتها بتسخن منك فوق 100
لو اه يبقى عايزه جوان وش و ده امر سهل جداً انشاء الله و بالرده مالهوش دعوه بالشمبر ,
فكك من الميكانيكى ده و روح عند حد تانى خليه يكشفلك او كلامه صح ارجع تانى , يعنى قوله انا هاظبط فلووس وهارجعلك واكشف قبل ماتشتغل

[hytham_112]

كلام السيد ممدوح صدقنى هو الكلام السليم , انا مهندس , وعندى مركز صيانه, واللى السيد ممدوح بيقولهولك ده هو الصح,
اما عن موضوع النفخ ده , هى العربيه جايبه زيت على ميه او ميه على زيت, او العربيه حرارتها بتسخن منك فوق 100
لو اه يبقى عايزه جوان وش و ده امر سهل جداً إن شاء الله و بالرده مالهوش دعوه بالشمبر ,
فكك من الميكانيكى ده و روح عند حد تانى خليه يكشفلك او كلامه صح ارجع تانى , يعنى قوله انا هاظبط فلووس وهارجعلك واكشف قبل ماتشتغل

العربية مش بتسخن ولا فيه ميه على زيت ومش بتدخن وسحبها كويس
المشكلة فى الصوت ده اللى بييجى قريب من ار بى ام 3 وبيروح لما بخف رجلى من على البنزين او العكس لما بزود بنزين يعنى تقريبا لما ابعد عن الرينج ده
انا اللى ريحنى انى بعدت عن قصة الكرنك والسبايك والحوارات ده يعنى كل شغلى حيبقا فوق

انا استقريت انى ابدء فيها شغل وامشى واحده واحده بتنضيف الكستبانات وتغيير اللى مفيش منه فايدة واخليه يبص على الكامة لو فيها حاجة اغيرها بجديد او استيراد بالاضافة لتغيير كل الاولسيهات اللى بترشح وتغيير السيور وبلية الكاتينة وطلمبة الزيت... ورزقى على الله
ياريت لو حد عنده نصيحة ما يبخلش عليا