ما هى أعراض تلف جوان وش السلندر ؟

[hanyhikel78]

المية عندى بتنقص وغيرت الريداتير والقربة وخراطيم وأفيزات
ياترى دا وش سلندر ؟

العربية بتطلع بخار أول الدوارة وبعدين تخف
ايه هى اعراض تلف جوان وش السلندر ؟

[eng.salama93]

في برضو طبب الميه متنساهاش

[Khaled Lanos]

أكبس دورة المية الأول وشوف فيه تسريب ولا لأ..لو الجوان ضارب هتلاقي الزيت والمية دخلو على بعض وعملو طحينة.

[hanyhikel78]

شكرا على اهتمام حضرتك
الطبب أعتقد انها سليمة مش بتسرب
ولو بتسرب مش تبقى واضح فيها التسريب والعربية باردة ؟
المشكلة انى مش عارف المية دى بتروح فين ؟

[hanyhikel78]

شكرا على الاهتمام
الدورة بتكبس فىن ؟

[دعبدالرحيم]

لو في ميه تحت الدواسة ..يبقي سربنتينة السخن هي اللي بتسرب الميه ..الغي دورة السخن...وغير غطا القربه

[دعبدالرحيم]

وحط مية خضرا فيها مادة لمعالجة التسريب ...تقريبا بيقي نوع امريكي...اسال الاستاذ محمد ممدوح يعرفها

[tarek_2005]

يجب كبس الدورة اولاً
اعراض تلف جوان وش السلندر
1 - دخول المياه علي الزيت (( مقاس الزيت وغطاء تزويد الزيت هتلاقي عليهم طحينة ))
2 - دخول الزيت علي الماء (( هتلاقي قربة المياه فيها طحينة ))
3 - دخول الزيت علي الغرف (( دخنة رهيبة لونها ابيض مزرق من الشكمان ))
4 - دخول المياه علي الغرف (( دخنة كثيفة لونها ابيض من الشكمان مع تقطيع وتنتيش في المحرك ))

[hanyhikel78]

شكر جزيلا لحضرتك يا أ / طارق على هذه المعلومات القيمة
لكن الدورة بتنكبس فين ؟ وازاى ؟
وشكرا لجميع الأصدقاء فى هذا المنتدى العظيم .

[hany essa]

شكر جزيلا لحضرتك يا أ / طارق على هذه المعلومات القيمة
لكن الدورة بتنكبس فين ؟ وازاى ؟
وشكرا لجميع الأصدقاء فى هذا المنتدى العظيم .

عند بتاع الريداتير او اى بنزينه محترمه

[tarek_2005]

محمد عبده عنده مكبس وصبور

[hanyhikel78]

شكرا لكم جميعا وربنا ما يحرمناش منكم
ممكن فى بنزينة وطنية ؟
لأنى بعيد عن محمد عبده فى المسافة