دايو نوبيرا بتتاخر في الدوارة

[svneleven]

العربية أوتوماتيك مو 2008 ماشية 80 ألف كيلو و بتتأخر في الدوارة جامد و لازم تسند بنزين عشان تدور مش فارقة بقي باردة سخنة صبح ليل. طبعا كل الصيانات الروتينية معمولة زي الفلاتر و البوجيهات و الكلام ده. ايه ممكن تكوت المشكلة. التوكيل قالو رشاشات.
سؤال تاني زيت الفتيس المفروض يتغير علي 60 ألف و الا ايه لأنه ما اتغيرش خالص.

[aboomar22]

ايوه عيب رشاشات حضرتك فيه مركز الصفا فى جسر السويس وهو ليه اعلان هنا فى المنتدى هيكشف على الرشاشات بالجهاز لو محتاجين تنيف هينظفهم بالالتراسونيك لو مجتاجين تغير هتجيب بتوع ال bmw m40 وتركبهم عندهم فى المركز علشان يقيسوا زمن الفتح والغلق بالجهاز وهتلاقى موضوع فى القسم هنا عن زميل عمل الحكاية دى --لكن قبل الكلام ده هات علبة منظف رشاشات وضيفة على تانك البنزين مليان وان شاء الله تكون حاجة ساده ارشاشات او محتاجة نظافة عادية --موضوع زيت الفتيس معرفش عربيتى مانوال لكن المكتوب فى الكتالوج التغير على 40 الف الزيت والفلتر

[tefa22m]

فى استهلاك زياده فى البنزين ؟
فى بطىء فى السحب ؟
فى ريحه بنزين غير مكتمل الاحتراق ؟

[دعبدالرحيم]

غالبا رشاشات غيرهم افضل لو العربية بتستهلك بنذين كتير

[3ateef]

فى استهلاك زياده فى البنزين ؟
فى بطىء فى السحب ؟
فى ريحه بنزين غير مكتمل الاحتراق ؟

عندى نفس المشكلة, واجابة ال 3 اسئلة لأ!

[svneleven]

1000 شكر أبو عمر هتعامل تمام زي ما حضرتك قولت.
تيفا باشا. السحب بطئ شوية عن المعتاد لكن ممكن برده يكون بسبب زيت الفتيس.

[basees2000]

رشاشات يا باشا لو ملقتش رشاشات بي ام m40 هات رشاشات هيونداي. هتلاقيها رفيعه عن بتاعت النوبيرا بس هتركب متقلقش منها. وعامله 200 جنية استيراد

[asas630]

العربية أوتوماتيك مو 2008 ماشية 80 ألف كيلو و بتتأخر في الدوارة جامد و لازم تسند بنزين عشان تدور مش فارقة بقي باردة سخنة صبح ليل. طبعا كل الصيانات الروتينية معمولة زي الفلاتر و البوجيهات و الكلام ده. ايه ممكن تكوت المشكلة. التوكيل قالو رشاشات.
سؤال تاني زيت الفتيس المفروض يتغير علي 60 ألف و الا ايه لأنه ما اتغيرش خالص.

زيت الفتيس يتغير علي 20 الف وتبقي تشيك علي المصفاة

[ضى القمر]

متابع