صوت رخم ومجنن اللى جابونى

[shur3000]

عندى العربية لو انا قافل الازاز بسمع اصوات بالهبل لكن اول ما انزل الازاز مبسمع حاجة وروحت لكذا واحد بتاع ابواب يقعد يلعب فى القفل بتاع الباب وفى الاخر يقولى تمام ولا فى حاجة بتحصل اعمل اية لانى قرفت جدا هل فى فرق بيخلى الازاز يخبط فى حاجة ولا اية

[moe gawad]

حضرتك روح لبتاع الأبواب وقوله الأتى بالضبط

فك كاوتش زجاج السياره بالكامل من الخارج ومن الداخل كله , واغسلو كويس بميه وصابون (يستحسن اريال) وبعد كده يرش عليه بودرة ثلج (والله بجد) و يسيبها عاليه حوالى نصف ساعه , وبعدين يقفل تانى من الأول من غير مايغسل مكان بودرة الثلج,,

لو ما أتغيرش حاجه تغير حامل الزجاج من داخل الباب (تحت الفرش)

وخد بالك انى بيكون فيه قطعة كاوتش داخل مجرى المرايه (لازم يفوكها مع الباقى)

[tarek_2005]

بس الغريب ان شكوي الناس كلها ان الاصوات بتظهر لما يفتح الشبك مش لما يقفله

[مصطفى-حسن]

قبل اى حاجة الاصوات منين عشان نعرف نساعدك

[a_mohamedsamir]

أنا كمان ساعات لو قفلت الزجاج أسمع تكتكه سريعه جدا من باب السائق
بتروح فى حاله من أثنين إما انى ارفع الزجاج أوى (الزجاج عندى يدوى) أ أنزله سنه صغيره
لو حد يقدر يفيدنى أكون له من الشاكرين

[وائل شويخ2]

السؤال دلوقتى
الأصوات بتخرج منين بالظبط
من الأبواب ولا من تالزجاج ولا من التابلوه

من الأبواب

الحل كالأتى هتفتح الباب نص فتحه وأيدك من تحت الباب وترفع وتنزل الباب لو لقيت فيه بوش يبقى كده عنك المفصلات بتاعت الباب عايزه جلب وبنوز والحل أنها تتفك وتروح المخرطه والواحده بتتكلف حوالى 40 جنيه
أو تغيرهم بلأستيراد

من الزجاج

الحل كالاتى حتفك فرش الباب ومعاك عدتك هتربط على كل المسامير والصماويل الموجوده ومعاك
wd40 وترش على المكن أيا كان كهرباء أو عاده وهتلاقى تحت الزجاج مجارى جلد لو تالفه غيرها
ورش عليها بودره تلج وبالمره نضف الباب كويس من جوه وسلك مجارى المياه

من التابلوه

ده فيلم كبير ويستحسن تعمله أنته لأن مفيش صنايعى هيرضى يعمله لو أنت من هواه الفك والتركيب بنفسك
الحل كلأتى هتفك التابوه وهتجيب فرج أسفنج رفيه بحوالى 10 جنيه ومعاك بكره شكرتون وتبتدى تلف حواليين كل السلوك والضفيره ومواسير الكييف وهكذا لكل أجزاء التابلوه وبالمره تنضف مواسير التابلوه وتلاجه التكييف وتزود العزل تحت التابلوه
وأى خدمه

[shur3000]

الصوت من الازاز اللى فى الابواب ممكن اجرب موضوع ان انا افك الباب وعامة انا فكية قبل كدة بس اية الكوتشات اللى الناشفة دى يا ريت صورها

[ضى القمر]

متابع

[starlanos]

متابع
انهي كاوتش يتغير
ومواسير المياه شكلها ايه