حد يساعدني من الخبراء

[ahmedemoo25]

انا عاوز اشتري عربية في حدود 80 الف و محتار بين لانوس و ساجا 2014 اليي مخوفني من ال لانوس ان كل شوية حد يشتكي من العزل ومن صوت الموتور وان التوكيل وحش وان العربية فيهل اصوات كدا اكن العربية مش ماسكة نفسها ياريت حد من ملاك شيفرولية لانوس يرد عليااا و شكرا

[saddam]

صديقي المواطن
قولا واحدا
مترميش فلوسك في اﻷرض أرجوك لانوس إيه في 2014 بتفكر تحط فيها فلوس دي عربية بربريزها اﻷمامي واطي وكثرة القيادة بها تعلم شعور الخضوع واﻹنكسار والصداع وعن تجارب ما دام حتدفع مبالغ زي دي فخد جيلي إمجراند 7 على اﻷقل إسمك يبقه إنك إشتريت عربية نص عليها العين وأنت أدرى بتصريف أمورك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed Saad]

ابعد عن 3 عربيات ترتاح الانوس والفيرنا والافيو خلاص راحت عليهم وماباقوش عربيات 2014 اللي تتركب زيرو من رايي الامجراند برقبتهم مع انها صيني والساجا حلوه بس قطع غيار قليله ولو بجد عايز تركب عربيه محترمه جدا عليك وعلي m11 اسبيرانزا عربيه جامده وصاجها ناشف ومحترمه وربنا ينولك الاصلح

[J A G U A R]

والله حرام يندفع فيها اكتر من 60 الف زيرو .. ده انا رحت بيها مشوار اول امبارح اقسم بالله كرهت نفسى .. كنت حاسس ان الاوبترا اللى معايا طياره بالنسبه لها .

[ahmedemoo25]

اشكر كل الناس اليي اهتمت و ردت عليا بس انا مستحرم ادفع فلوسي في عربية صيني

[وائل شويخ2]

صقنى ياباشا
المستقبل بتاع الصينى
زى ما كنا بنتريىء على الكورى بالظبط
بل والعكس
الصين دلوقتى فى تطور رهيب بصناعه السيارات

[haissam24h]

اشترى برتون كسر زيروو
او لانسر بومه 2009 مثلا
ولو عاوز جديد هات byd صينى بس عفشه وماتور يبانى ارحم من الفيرنا والانوس

[Ahmed-SAMIR]

توكيل منصور زبااااااااااااااااااااااااااله بشهادة اكتر من شخص

[hateeem]

عارف بلاش اللانوس ليه لأن منصور شيفرولية ظلم اللانوس جدا

[ahmedandahmed]

مع احترامى لكل اللى فات ولكن اللانوس عربية محترمه جدا فى كل شى قطع غيار منتشره فى اعادة البيع ماسكه نفسها فى الثبات جميله جدا والعيب الوحيد انا واطيه ودى حال معظم السيارات الان ؟؟؟؟؟

[ahmedemoo25]

مع احترامى لكل اللى فات ولكن اللانوس عربية محترمه جدا فى كل شى قطع غيار منتشره فى اعادة البيع ماسكه نفسها فى الثبات جميله جدا والعيب الوحيد انا واطيه ودى حال معظم السيارات الان ؟؟؟؟؟

امال لية كل الناس مش بتنصح اني اشتري لانوس و مطلعين فيها عيوب كتير

[ahmedandahmed]

امال لية كل الناس مش بتنصح اني اشتري لانوس و مطلعين فيها عيوب كتير

كل واحد ورئيه فى اختيار للسيارة
ولكن انت اعمل مقارنة مثلا فى حدود المبلغ اللى معاك هيجيب سيارة نوعها اية لقيت هيجيب اربع انواع مختلفة من السيارات قارن بالنسبة للاسعار لقطع الغيار وتوافرها + ثبات السيارة + واعاده البيع الفرق بين السنوات لكل سيارة وراحتك النفسية اهم حاجة اى شى يختر على بالك بتحب ان يكون موجود فى السيارة تعمله مقارنة والافضل ليك على طول تشترية ؟؟؟؟

[ahmedemoo25]

كل واحد ورئيه فى اختيار للسيارة
ولكن انت اعمل مقارنة مثلا فى حدود المبلغ اللى معاك هيجيب سيارة نوعها اية لقيت هيجيب اربع انواع مختلفة من السيارات قارن بالنسبة للاسعار لقطع الغيار وتوافرها + ثبات السيارة + واعاده البيع الفرق بين السنوات لكل سيارة وراحتك النفسية اهم حاجة اى شى يختر على بالك بتحب ان يكون موجود فى السيارة تعمله مقارنة والافضل ليك على طول تشترية ؟؟؟؟

حضرتك عندك حق بس المشكلة ان العربية الناس بتشتكي منها في الميكانيكا والتقفيل و انا بتكللم علي موديل 2013 و2014

[hugan]

حط الانوس امام الايمجراند
او الام 11 او الانفي او بي واي دي
وقارت بنفسك

[MMamdouh]

ابعد عن 3 عربيات ترتاح الانوس والفيرنا والافيو خلاص راحت عليهم وماباقوش عربيات 2014 اللي تتركب زيرو من رايي الامجراند برقبتهم مع انها صيني والساجا حلوه بس قطع غيار قليله ولو بجد عايز تركب عربيه محترمه جدا عليك وعلي m11 اسبيرانزا عربيه جامده وصاجها ناشف ومحترمه وربنا ينولك الاصلح

فى حد فى الدنيا يشترى عربية صينى؟؟

MMamdouh