عضو جديد باستفسار هام

[samahelbehary]

السلام عليكم
انا عضوه جديدة فى المنتدى
ومعايا دايو لانوس 99 اتوماتيك مطلعه عينى
كل يوم عند حد شكل
وانا عندى حاليا استفسار مهم ياريت حد يجاوبنى
دلوقتى انا هودى العربية عند حد بتاع عفشه يظبط فيها حاجات
وكمان البطاريه عايزه تتغير لانها بتقف خالص ف السكه واللى شافها قالى غيرى بطارية
وعاوزه اغير زيت

فانا عاوزه اعرف دلوقتى
ايه هى الزيوت اللى مفروض تتغير علما بان العربية معايا بقالها سنة مغيرتش غير زيت محرك موبيل 1 10 الاف كيلو مرة واحدة
وايه هى السيور والفلاتر اللى مفروض بردوا تتغير حاليا واسعارهم كام بالتقريب
ومين اللى يغير الحاجات دى ميكانيكى ولا بتاع عفشة ولا كهربائى ولا ايه بالظبط
والبطارية الى تتجاب نوعها ايه

وياريت الرد فى اقرب سرعة الله يكرمكم
لضرورة الحاجة

[ahmedandahmed]

ما دام زيت موبيل 1 قعد معاك سنة ومتحرقش جيب اى زيت 10 الف هيكون كويس وارشحلك زيت فيسكو + زيت وولف
وهات كل قطع غيار اصلى من عند ابو الحسن شارع المرور
والتغير بيتم عند ميكانيكى عباره عن سير كانينة + بلية كاتينة + سير دينامو وتكييف فلتر زيت وهواء وبنزين وبوجيهات
وهات بطارية اى سى ديلكو 55 او 70 امبيير
وان شاء الله كل شى هيبقى تمام

[Ahmed-SAMIR]

مش هتلاقى فى طنطا قطع غيار اصلى غير عند اولاد البدوى اللى فى سكة المحلة بعد جامع شلبى بس انا ما افتكرش ان طنطا فيها محطات غاز طبيعى علشان زيت فيسكو ولا افتكر ان فيها موزع لزيت وولف وكل المتاح هى الانواع المشهورة

[mahmoud_ali]

وكمان البطاريه عايزه تتغير لانها بتقف خالص ف السكه واللى شافها قالى غيرى بطارية

هيا العربيه بتقف منك فى السكه وهيا ماشيه يعنى؟؟؟؟ خليه يا باشا يشوف الدينامو يمكن مش بيشحن اصلا...
بالنسبه للزيوت طالما انت غيرت موبيل 10 والعربيه كويسه خليك عليه او لو عايز تغير يبقى شل

[mohamed sharm]

زى مع العضو اشترى قطع الغيار من عند اوﻻد بدوى و بالنسبه للمبكانيكى احمد عﻻم

[asas630]

السلام عليكم
بالنسبة لنوع الزيت خليك علي موبيل 1 مادام المكنة مابتاكلوش الزيت
طقم سيرفيس (سير كاتينة GM , GATES +بلية شداد+سير دينامو+طقم بوجيهات ngk والميكانكي يضبط الخلوص بتاعها علي 0.9مم +فلتر هواء+فلتر بنزين +فلتر زيت)
بالنسبة للفتيس يتغيرله زيت و المصفاة يتراجع عليها وتحط زيت موبيل atf 320
البطارية تتغير بواحدة جافة بعد مراجعة شحن الدينامو وانا بستخدم delco 70amp
غطاء التاكيهات غيره بواحد اصلي قبل تغير الزيت اوعي تنسي

وربنا يباركلك فيها

[tarek_2005]

البوجيهات تتظبط اما 0.7 او 0.8 طبقاً لكاتلوج اللانوس