كام استفسار لخبراء اللانوس

[emad6610]

-عندي فوانيس شبورة راكبة بس الكهربائي قالي دي مش واصلة ياتري ممكن يوصلوا بسهولة و لا هنلعب في الضفيرة و ممكن اي كهربائي يعملهم؟

- طبعا موضوع الساعة هسأل عليها بكام حاليا و برضة سهلة ان الكهربائي يركبها؟

- وأشوف كاسيت سيمفوني لاني عندي السماعات اللي راكبة سيمفوني ..ياتري حد جربه؟

-التكييف مش مشحون سألت في التوكيل (في بنزينة موبيل بالمقطم) قالولي يتشحن ب 200 جنيه و ياتري الاسعار بتغلي علي الصيف و ممكن موضوع التكييف يكون الشحن بس و لا ممكن يفتح في حاجات تانيه؟

- الفوانيس عندي حاسس انهم عاكسين فردة عالي مع فردة واطي .. و الاضاءة في عربيتي القديمة (مازدا323) حاسس انها كانت ااقوي ايه العمل؟

-عداد البنزين بقاله يومين ثابت عند f و مش راضي يتحرك و لا ينزل حتي بعد ما ابطل العربية (ازاي مش عارف..

- السنتر بيقفل بس مش راضي يفتح لازم افتح بمفتاح ....

ألف شكر ليكم و يارب يكفينا شر العربية و شر الطريق و يباركلنا في عرابيتنا و يحفظنا علي الطريق

[mado_xxx]

1- السبورة بيتعملها ضفيرة وزرار ليها لوحدها
2-الساعة بتجيبها استيراد وبرضه بيتمدلها سلكتين
3-ممكن تجيب اى نوع كاسيت فى الدنيا مش لازم نفس نوع السماعات
4-روح لكهربائى يكشف ليك على الكمبوريسور ودايرة التكييف كلها
5-ممكن تكون الفوانيس عايزة تتنضف او اللمبات ضعفت او محتاجة كتاوت
6-المؤشر مش بينزل لما تطفى العربية ومتقلقش خالص
7-خلى حد يبصلك على الكنترول بتاع السنتر

[emad6610]

الف شكر ليك يا باشا و لو فيه اي راي تاني ياريت يا جماعة نستفاد من حضرتكم