ارجو الافادة بسرعة..موبيل 1 صحيح مضروب؟

[mr_kenawy]

السلام عليكم.. ارجو الافادة بسرعة من الجميع لان ميعاد تغيير الزيت عندى حل , انا باستخدم موبيل xhp و حابب اغير لموبيل 1 لانه الزيت التخليقى الوحيد المتوفر فى محل اقامتى فى الصعيد , و لما رحت للميكانيكى بتاعى حذرنى و شاورلى على موتور مرمى عنده فى الورشة و قاللى انه غير الموتور ده بسبب استخدام الموبيل 1 لانه بينزل منه دفعات مضروبة , ايه ياخوانا الحيرة دى بقى بعد ما الواحد استبيع و قرر يفك الكيس و يريح العربية يطلعله المقلب ده , ياريت اللى عنده اى معلومة يفيدنا بيها لكن ارجوكم محدش يقولى استخدم شل او فيسكو علشان ما تحسرونيش على حال الصعيد اللى ما بيوصلوش الا الموبيل و الاسو بانواعهما , و الف شكر للجميع.

[drlifewhy]

ana tool 3omry b3'yr mobil sa3at el 3000 wsa3at el 10000 وشغال تمام مفيش حاجه وبعدين ما تجيبه من اى بنزينة موبل وتريح دماغك

[mr_kenawy]

شكرا drlifewhy على الرد لكن الكلام اللى اتقالى ان الدفعات المضروبة دى مش بتتضرب عند الموزع او تاجر التجزئة لكن هى بتنزل من المصنع مضروبة , يعنى مش هيفرق مكان الشراء , رجاء من جميع الاخوة اللى عنده اى تجربة او خبرة فى الموضوع ده يفيدنا بيها.

[MotorX]

شكرا drlifewhy على الرد لكن الكلام اللى اتقالى ان الدفعات المضروبة دى مش بتتضرب عند الموزع او تاجر التجزئة لكن هى بتنزل من المصنع مضروبة , يعنى مش هيفرق مكان الشراء , رجاء من جميع الاخوة اللى عنده اى تجربة او خبرة فى الموضوع ده يفيدنا بيها.

يعني إيه مضروبة من المصنع؟!

[hazem_khidr]

بص حضرتك
انا طول عمري بستعمل موبيل xhp من سنه 88 و في كذا عربيه
و العيله كلها بتستعمله و عمر ما حد اشتكي منه.
الموبيل 1 دلوقتي بستعمله في الياريس و في 4 عربيات في العيله كمان بتستعمله
و برضه ما فيش منه اي مشاكل
اهم حاجه و انت بتشتري الزيت اتأكد من تاريخ الانتاج يكون قريب او علي الاقل تاريخ صلاحيته لسه بدري
و يكون الغطا متبرشم
و يكون الحلقه الالومنيوم موجوده و هاته و انت مطمن.
بس قولي الاول هيا عربيتك نوعها ايه و موديل كام و عامله كام كيلو؟؟

[mohamedhamdy82]

ايوه يا جماعه ياريت حد ينصحنا فى الموضوع ده ..هو أساسا ينفع الواحد يغير من زيت معدنى اللى هو xhp الى زيت موبيل 1 التخليقى ؟ يعنى ما يكونش فيه ضرر على العربيه ؟؟

العربيه نوبيرا عامله 8000 كم وغيرت ال xhp مرتين والغيار الجاى عاوز احط موبيل 1 .. هل ينفع ؟؟

واذا كان الواحد بيعمل 1000 كم فى الشهر بس .. يعنى الموبيل 1 هيقعد معايا 10 شهور فى العربيه على ما اخلص ال 10000 كم بتوعه .. ينفع الواحد يقعده فى العربيه 10 او 9 شهور وينزله بدرى على 9000 كم ؟؟؟

[hazem_khidr]

العربيه نوبيرا عامله 8000 كم وغيرت ال xhp مرتين والغيار الجاى عاوز احط موبيل 1 .. هل ينفع ؟؟

كده ينفع بس لازم تغير الفلتر كمان

واذا كان الواحد بيعمل 1000 كم فى الشهر بس .. يعنى الموبيل 1 هيقعد معايا 10 شهور فى العربيه على ما اخلص ال 10000 كم بتوعه .. ينفع الواحد يقعده فى العربيه 10 او 9 شهور وينزله بدرى على 9000 كم ؟؟؟

ما تحاولش تقعد الزيت اكتر من 6 شهور في العربيه كحد اقصي