الليجانزا كنز مدفون

[ابو اشرف]

السلام عليكم ورحمه الله وبركاته اخوانى
هذه اول مشاركاتى فى المنتدى واحببت ان تكون عن الليجانزا 99 اشترتها حديثا من راجل مش محترم للآسف المهم العربيه عايزه عفشه وموتور ودوكو وسمكره المهم المكنه خفيفه غيرتها بواحده استيراد وغيرت طقم دبيراج كامل بالآًصلى وجوز فوانيس امامى وماستر دبرياج وماستر فرامل وطقم فرامل تيل امامى وخلفى الخلفى بيركب مع فرامل اليد ولازم تغير الطنابير الخلفى علشان فرامل اليد تمسك لانها تعتبر مش موجوده ومش عارف اجيبها منين ((فرامل اليد)) العربيه بتاكل دوبل بنزين مع الموتور الجديد يعنى 4000ccعملت صفيحه واتلت فى 100كيلو 113 بالظبط مش عارف بسبب ايه بتاكل بنزين يمكن سير الكاتينه الجديد او يمكن العداد بتاع البنزبن بايظ مش عارف لسه ومش ها اطول عليكم ان شاء الله بكره اكتب اسعار الحاجات الجديده ومنين ونكمل المشوار لان الليجانزا مظلومه فى مصر وفعلا عربيه جباره صلاه الفجر يا اخوان

[windofchange]

مبروووك ربنا يعطيك خيرها ويكفيك شرها الموتور 2000 ولا 4000 سي سي ؟اكشف عليها كمبيوتر لان لو حساس بايظ ممكن تاكل معاك بنزين مبروك مرة تانية &)

[ahmedsrs]

مبروك عليك بس واضح ان العربية هلكانة

[mohammedabdallh]

مبروك عليك
ربنا يديك خيرها ويكفيك شرها
بس الليجانزا متور 2000 مش 4000

[starlanos]

الف مبروك
هوا تقريبا قصده ان العربية بتاكل بنزين الضعف كانها4000سي مش 2000
هيا العربيه فعلا هلكانها بس هتصرف عليها وانشاء الله هترجع زي الاول
سؤال رخم اشترتها بكام
وحضرتك بتشتريها اكيد كنت عارف حالتها

[AlGazar2]

فى الغالب ده حساس شكمان بايظ افصله و جرب
و مبروك العربية و ان شاء الله تتظبط و ربنا يباركلك فيها

[ابو اشرف]

السلام عليكم اخوانى تكمله ((الليجانزا الكنز المدفون))

الله يبارك فيكم يا اخوانى ويكرمكم مشكوريين جدا على حفواه الترحيب جزاكم الله خير الجزاء
نبدا الحديث اكتشفت ان العربيه مافيهاش حاجه واحده سليمه والراجل الكذاب الله لايباركله خبى اللى فيها المهم كنت عارف انها عايزه مكنه لان مكنتها خفيفه صاحبها الحرامى السابق ساكن فى عزبه شلبى دلنى على واحد اسمه سامح بيروح يشترى قطع الغيار الاستيراد بنفسه من بلادها هوا اللى بيستوردها بنفسه شكرلى فيه المهم لآن العزبه بعيده شويه انا من الهرم قولت اشترى المكنه من فيصل فى العشرين او شارع المساكن قطع غيار الليجانزا مرميه هناك استيراد فسألت على الشورت بلوك لقيته 2700 جنيه وتمنه فى العزبه ((عزبه شلبى)) 2000جنيه بزياده كبيره700 جنيه وقعد يحور ويقولى الاسعار غليت المهم قولتله فى العزبه بكذا ليه الفرق قعد يحورالمهم الموتور كامل3700 فى فيصل او 3500بالعافيه وفى العزبه جبته ب3000 بعد ما جربنا الكبس وكان كبسه ممتاز رحنا الميكانيكى اسمه عماد فى العزبه جمب بتاع قطع الغيار وحل الموتور وركبنا الجديد بصراحه ما خدش وقت وجبت سير كاتينه جديد اصلى ب100جنيه وطبعا وش الفتيس المانيوال ظاهر فقلت اغير بالمره طقم الدبرياج رغم انه كان كويس بس غيرته كله بيله وديسك واسطوانه من واحد بجوار العزبه جبته اصلى فايو باين او مش فاكر الماركه ب450جنيه كله اسطوانه وديسك وبليه وكده رخيص وجميل 450كان تمن اللاسطوانه بس فى السوناتا 2001 اللى كانت معايا قبلها وفى انواع صينى وتركى وبمختلف الاسعار بس انا جبت الاصلى ركبنا الفتيس وسير الكاتينه وجبت طقم تيل امامى وخلفى الامامى تحت ال100جنيه والخلفى برده مش فاكر بكام90 جنيه و80 تقريبا المهم الخلفى ما ركبش او متغيرشى لانه بيتغير مع الطنابير وبيركب تيل فرامل اليد معاه ودى مش موجوده وانا ما لفتش عليها كويس بصراحه غيرت فانوسين استيراد امامى شكلهم بيلمع بالا حاجه وهم ب420جنيه المهم صاحبى قالى انهم صينى وبيبوعوهم على انهم استيراد والصينى الكشافين جداد 170 الواحد جديد والاستيراد الاصلى بيعمل 200 لى220جنيه الكورى يعنى والصينى اللى اشترتهم مكتوب عليهم على الزجاج مصنوعين فى كوريا الضرب تقدم اوى.يعنى الصينى الجديد ارخص 25 جنيه الفانوس عن الاستيراد. كمان زجاج مرايه الجنب بتاعه السواق عليه بويه بايظ روحت اجيب زجاج كف المريا بصراحه كسلت واشتريت من فيصل المريايا ب120جنيه كامله نرجع للفرامل العربيه فراملها وحشه اوى روحت للميكانيكى اشتغلنى طبعا وقالى ماستر الفرامل بايظ جبت واحد استيراد250جنيه واتصلت على بتوع قطع الغيار قالى مش موجود بس كان عندنا بنبيعه ب650جنيه الاصلى جبته استيراد وركبته وركبت التيل الخلفى وقالى عملتلك فرامل اليد رجلش عليها ولكنها زى ماهيا مابتمسكش الموتور اول ما ركب جراى وبتجيب على الاولانى زى مانتا عايز بعد شويه بدا يرعش رعشه الموت خصوصا فى الطلعه فممكن الراجع اللى بيرجع على الموتور بيعمل كده او حساس الهوا واستهلاك البنزين دوبل دوبل يعنى هيا 2000cc .بتستهلك زى 4000cc مش عارف الحرق العالى منين يمكن الرشاشات او حساس الهوا مش عارف لسه المهم الفلوس خلصت الحمد لله وجارى العمل عليه ان شاء الله ها اعمل الدوكو والعفشه وابلغكم بكل جديد وعذر للآنشغال وجزاكم الله خير الجزاء اتشرفت بيكم يا اخوان ان شاء الله جاهز لآى سؤال

[omaranes77]

طب ما حاولتش ترجع لصاحب العربية تكلموا وكدة وربنا يباركلك فيها وانت جبتها بكام

[aboomar22]

بصوا يا جماعة محدش يعتمد ان اللى بيبع هيقولك على كل حاجة فى العربية انت لازم يكون معاك حد بيفهم وثقة او اطلع على مركز خدمة اكشف عليها يعنى اعمل اللى عليك واستخير ربنا --انا لما اشتريت عربيتى كان اللى بيبعها ولد محترم بعد مابصينا على العربية قالى بص العربية فيها كذا وكذا انتم مشفتهاش وكانت حجات بسيطة يعنى --قلت الحمد برضه فيه ناس محترمة --عموما ربنا يبارك لك فيها ويعوضك خير

[mahmoudysf]

ربنا يعينك

[hany essa]

ربنا يديك خيرها ويكفيك شرها

[ضى القمر]

ربنا معاك