Deawoo Nubira-1

[Sherif Mandoor]

السلام عليكم
معى سياره نوبيرا 1 الكورى وبصراحه ماكنتش مقتنع بالدايو والسياره الحمد لله بفالها حوالى سبع سنين
باعمل لها جميع الصيانات وقطع غيار ال GM الاصلى وقطع غيارها متوفرة والميكانيكيه كلهم بيشتغلوا فيها
والعربيه ماشاء الله دبابه وثبات فى الجرى وعلى فكره هى Manual
ساعات بفكر اغيرها فالبعض بصحنى وقالى بلاش
السياره جديده فابريكه ومركبلها جنوط اسبور وطقم صوت Pioneer وGMو Bluetooth Pioneer للموبايل
واللى ان شايفه فى المنتدى من بعض المشاكل فى السيارات الجديده فانا متردد وكمان السيرات الجديده محتاجه الذهاب للتوكيل لعمل الصبانه وده محتاج سفر
فى انتطار ارائكم

[mahmoudysf]

ربنا يبارلكلك فيها
سؤال الصفيحة بتعمل معاك كام كيلو لاني معايا اختها وحاسس ان الاستهلاك عالي شوية

[Sherif Mandoor]

الاستهلاك فى المدينه عالى شويه بس فى السفر حوالى 200 km فى الصفيحه السياره 1500 cc

[moe gawad]

بخصوص موضوع استهلاك البنزين الدايو فيها مشكلة الرشاشات ده. قيسها على سكانر كويس .

[hany essa]

ربنا يباركلك فيها ويكفيك شرها

[bassim225]

الاستهلاك فى المدينه عالى شويه بس فى السفر حوالى 200 km فى الصفيحه السياره 1500 cc

الاستهلاك معتدل مش عالي ولا حاجه على فكره

[محمد العقابي]

انا زي حضرتك كنت متخوف من كتر الكلام علي النوبيرا وكل واحد كان له رايه مع احترامي للجميع بس اسال مجرب ولا تسال طبيب انا جربت نوبييرا من سنه وشهر بالتمام والكمال نوبيرا كوري 2001 مكنه 1600 اوتوماتك اهم شيء حسن الاختيار من البدايه ... يعني تاخدها بنت ناس مش متهانه ... مش اول متاخد العربيه تروح تغير ماتور وعفشه وفتيس وترش العربيه ... يبقي بيتك اتخرب فاكيد حتكرهها . انا اول ماشترتها من كتر الكلام علي الاتوماتيك وواحشته كنت متوقع اني حصلح الفتيس او حغيره في السنه مرتين . لكن والحمد لله اول سنه عدت علي خير علي الفتيس بدون صيانه وبدون تغيير . واهم شيء عمل الصيانات الدوريه وتغيير الزيت والفلاتر باهتمام ..... واي اصلاح تاني حتبقي زيها زي اي عربيه ... مره خرطوم ميه مره كوع مره حساس وبتمشي . ومقارنة بسعرها فهي سياره جيده جدا لانها ارخص من اللانسر وقطع غيارها ارخص من اللانسر بمراحل . وتعتبر امكانيات واحده لكن مع فارق جودة الياباني نعومه و سحب وخلافه وكله بتمنه يعني لو معاك هات لانسر ومتجبش نوبيرا . واخيرا وليس اخرا .. لانه بصراحه المنتدي هنا الواحد استفاد منه كتير في معرفة السياره والعيوب وده كان بيوفر وقت كبير جدا واشتغالات من الصنايعيه ملهاش اخر فكل الشكر للمنتدي الغالي واعضائه ومشرفينه الاعزاء .

واخر حاجه الناس بتسال عليها دايما هي استهلاك البنزين متوسط الاستهلاك عندي 450 كيلو في التفويله (( 60 لتر يعني )) واكيد في مشاكل وممكن تتظبط عن كده بس انا مطنش علشان بيني وبينكم في السر كده انا بحط بنزين 80 .. وبخلطه ب 10 لتر 92 كل تفويله ... وماشيه علي كده .. واماكن المشي متنوعه شويه زحمه وشويه طرق سريعه يعني نص المسافه زحمه والنص التني طريق مفتوح

[a_mohamedsamir]

طالما عربيتك مريحاك يبقى ربنا يبارك لك فيها
خليها معاك انت بقيت عارفها وعارف علاجها لو لا قدر الله حصل حاجه
إنما لو تعباك غيرها

[ضى القمر]

الدايو هو الاسد والباقى حبر على ورق