كوز مساعد وكارتيره فبر.. ومشكله

[عمرولبيب]

النهارده وانا رافع العربيه وباغير الفرده لاحظت ان فى حاجه فبر كدا بيدخل جواه المساعد عندى مشروخ كدا ( حاجه زى كوز مساعد خلفى ) بيعمل كام دا الاتنين ورا يعملوا كان ؟؟

برضو الكارتيره الفبر بتاعه المكنه اللى بتخافظ على السيور مكسوره ( الاصلى بكام والتيوانى بكام ) ؟

هكذا علبه سير الكاتينه الغطا بتاعها اللى فوق عايز يتغير ومش موجود الغطا اللى تحت بيعمل كام دا وهل بيتباع جديد الغطيان بس ولا لازم العلبه كلها على بعض .. ولا اجيب الغطيان استيراد ؟؟


الفرامل بترج العربيه .. مع ان التيل جديد والقواعد تمام ومربوطه كويس !!؟؟

هل فيه حد عنده اسكانر فى المنصووره ؟؟ اللى يعرف ياريت يقول العنوان

هل فيه حد بينضف رشاشات بجهاز الالترا سونيك فى المنصوره ؟؟

وشاكر افضالكم جميعا

[سميراشرف]

روح لكرم العفشجى اللى في المجزر
وعندك على اللى امام الشارع سوق الجملة من عند المعسكر عندة كمبيوتر الجهاز لانة هو الوحيد اللى ظبط العربية عندى بعد مالفيت في المنصورة

[عمرولبيب]

طيب ياريت الرد من باقى الاعضاء على باقى الاسئله
انا ماشترتش العربيه اللانوس دى الا علشان المنتدى هنا هو اللى شجعنى عليها

[MMamdouh]

النهارده وانا رافع العربيه وباغير الفرده لاحظت ان فى حاجه فبر كدا بيدخل جواه المساعد عندى مشروخ كدا ( حاجه زى كوز مساعد خلفى ) بيعمل كام دا الاتنين ورا يعملوا كان ؟؟؟

دا مبيتباعش لوحدة... شوفة عند عفشجى يفكهولك من طقم قديم

برضو الكارتيره الفبر بتاعه المكنه اللى بتخافظ على السيور مكسوره ( الاصلى بكام والتيوانى بكام ) ؟

مش عارف الصراحة الاسعار دلوقتى كام بس هى موجودة جديد اصلى... بلاش التايوانى فى الحاجات دى

هكذا علبه سير الكاتينه الغطا بتاعها اللى فوق عايز يتغير ومش موجود الغطا اللى تحت بيعمل كام دا وهل بيتباع جديد الغطيان بس ولا لازم العلبه كلها على بعض .. ولا اجيب الغطيان استيراد ؟؟

بيتباع كل قطعة لوحدها و الاصلى موجود... طبعا فى المنصورة معرفش مين بيبيع

الفرامل بترج العربيه .. مع ان التيل جديد والقواعد تمام ومربوطه كويس !!؟؟

الطنابير عايزة تتغير

MMamdouh

[سميراشرف]

انا اشتريت من شهرين الوجهتين الخلفى كاماة من عند كدش اللى على السريع استيراد ب400جنية

[عمرولبيب]

انا اشتريت من شهرين الوجهتين الخلفى كاماة من عند كدش اللى على السريع استيراد ب400جنية

هما ايه الوجهتين الخلفى دول !!! وعلى فكره كدش غالى شويه


بالنسبه لفبره الماتور انا جبتها النهارده الاصلى بـ 40 جنيه

وبالنسبه لقطع علبه سير الكاتينه يامحمد بك ممدوح .. لاقيت العلبه كامله اصلى بـ 120 جنيه وانا محتاج الفبره اللى فوق واللى تحت اللى هما الغطيان بس .. ومرضوش يبعوها الا بالعلبه .. روحت لواحد بتاع استيراد قالى القطعتين من غير العلبه عامله 70 جنيه وكنت ممكن انزل معاه لـ 50 جنيه بس سبته ومشيت

بالنسبه لكوز المساعد دا مش موجود نهائى زى مانت قولت

بالنسبه بقى لحساس الشكمان باسأل عليه قالوا مافيش الاصلى فيه التيوانى او اليبانى باين بـ 200 او 210 جنيه جديد
وعند بتاع الاستعمال قال بـ 130 جنيه وممكن انزل معاه

ها اعمل ايه بالنسبه لغطا سير الكاتينه وحساس الشكمااااااان ؟؟