بيع ولا عمرة ولا تغيير ماكنة

[Eng_waleedn]

السلام عليكم
لو سمحتم محتاج رأي الخبراء عندي مشكلة مع نوبيرا المكنة خفيفة وجابت اخرها البساتم متااكلة !!!
انا بصراحة مش مقتنع بموضوع العمرة وتغيير ماكنة وجع دماغ وجايلي مشتري علي حالتها كدة بس السعر مش عاجبني 40000 هيا مانيوال 2003 مصري فابريكة دواخل
شكرا

[hateeem]

يا باشا ماهو طالما العربية فيها شغل عمر ما هايجيلك فيها سعرها وهى سليمة

اللهم الا لو واحد مبيفهمش فى العربيات مع احترامى لسيادتك

يعنى انت قدر المصاريف اللى فيها ونزلو من تمن العربية الحالى فى السوق

ولو عايز تبيع بيع على كدا اهو لا تظلم ولا تتظلم

اما لو مش عايز تبيع اعمل عمرة احسن لو ماتورك مافيهوش كسور او كدا لأن الماتور الاستيراد

عامل زى البطيخة المقفولة يا تطلع حمرا يا تطلع قرعه

وربنا يوفقك فى النهاية لما فيه الخير

[mohamedbook]

والله لو سقط مكنة مفيهاش اي مشكلة انا نزلت سالت المكنة في الحرفيين في يوم
وفكتها من علي نصف تاني يوم وركبتها في نفس اليوم واخدتها وروحت البيت
كل الي هتتعب فية هو مشوارين عشان النك تسال علي المكنة ومشوار عشان التركيب وبعدين مشوار عشان المرور وشكرا علي كده
سقط مكنة استيراد افضل واستمتع بعربيتك وانت ادري بيها بما انها فبريكة

[tarek_2005]

لو الشمايز مش معتبه وسليمة ومش هتحتاج خراط عمر المكنة بتاعتك افضل

[hytham_112]

لو الشمايز مش معتبه وسليمة ومش هتحتاج خراط عمر المكنة بتاعتك افضل

استاذ طارق صباح الفل انا هيثم اللى كنت معاكم المقابلة اللى فاتت واللى عربيتى بتعمل صوت ترزيع من عند الكامة
كنت عاوزك توضح اكتر بخصوص شغل الخراط لان الموضوع عندى طلع بصورة مبدئية كرنك وسبايك وطبعا الميكانيكى حيفتح المكنة النهاردة ويعيش
يعنى شمايز معتبة مفهومة. ايه تانى شغل للخراط ومنه اقرر انى اسقط موتور احسن؟؟؟؟؟؟؟
وشكراً

[tarek_2005]

خرط الكرنك بلاش منه وهات كرنك استيراد استاندر وركب عليه طقم سبيكة استاندرد
بلاش الخراط يقشط الوش طالما الوش سليم
البساتم تجيبها استاندرد وطقم الشنبر
بلاش الخراط يمسح الشمايز

[Eng_waleedn]

يا باشا ماهو طالما العربية فيها شغل عمر ما هايجيلك فيها سعرها وهى سليمة

اللهم الا لو واحد مبيفهمش فى العربيات مع احترامى لسيادتك

يعنى انت قدر المصاريف اللى فيها ونزلو من تمن العربية الحالى فى السوق

ولو عايز تبيع بيع على كدا اهو لا تظلم ولا تتظلم

اما لو مش عايز تبيع اعمل عمرة احسن لو ماتورك مافيهوش كسور او كدا لأن الماتور الاستيراد

عامل زى البطيخة المقفولة يا تطلع حمرا يا تطلع قرعه

وربنا يوفقك فى النهاية لما فيه الخير

ياباشا ما الفكرة ان بحالتها كدة 40000 مش قليل عليها بالذات اني حاسس اني زبون عشان الميكانيكي هوا اللي ماسك فيها وعايز ياخدها وجنبه واحد بتاع دوكو لما عرف اني ببيع قالي اخدها بردة

[Eng_waleedn]

والله لو سقط مكنة مفيهاش اي مشكلة انا نزلت سالت المكنة في الحرفيين في يوم
وفكتها من علي نصف تاني يوم وركبتها في نفس اليوم واخدتها وروحت البيت
كل الي هتتعب فية هو مشوارين عشان النك تسال علي المكنة ومشوار عشان التركيب وبعدين مشوار عشان المرور وشكرا علي كده
سقط مكنة استيراد افضل واستمتع بعربيتك وانت ادري بيها بما انها فبريكة

شكرا علي الرد ياباشا بس انا مشيت في السكة دي قبل كدة ومكانتش بالبساطة دي دة انا طلع عيني ايامها

[Eng_waleedn]

لو الشمايز مش معتبه وسليمة ومش هتحتاج خراط عمر المكنة بتاعتك افضل

انا مش فاهم اية هيا الشمايز بس اللي شفته ان كل اللي في المكنة مصدي ومتاكل وبعدين فرق السعر هيبقي كام بين اني اعمر او اسقط ماكنة ؟؟