لكل عشاق دايو لانوس ... اسالة هامة

[Ahmed8914]

بسم الله الرحمن الرحيم

دى اول مشاركة ليا فى المنتدى الرائع ده
فى البداية احب اشكركم بجد لانكم ناس فى قمة التعاون و بتحبوا تخدموا بعض

انا ناوى ان شاء الله اشترى عربية و هتبقى اول عربية ليا
فعاوز اتعلم فيها السواقة و الميكانيكا و تصليحها و كده
طبعا معنديش اى فكرة عن الحاجات دى

ف انتوا يا جماعة رايكم اجيب ايه من الانواع دى
و يا ريت اعرف رينج الاسعار ولو فى حاجه تانية فى نفس الرينج ممكن تبقى ايه

دايو لانوس 1
دايو لانوس 2
دايو جولييت
و هل فى فرق بين دايو لانوس هاتشباك و دايو جولييت

و تنصحونى ب ايه لما اجى اشترى

و هل اتعلم السواقة بشكل متقن الاول والا اشترى واتعلم فيها واحدة واحدة

و طبعا عاوز رايكم بشكل عام فى دايو لانوس
و كمان هل هى عربية سهل التحكم فيها لواحد لسه بتعلم السواقة

منتظر ردودكم اللى متاكد انها هتفيدنى جداااااااااااااااااااا

[ramyraby]

بالتوفيق أن شاء الله مرحبا بيك مقدما عضو معنا في قسم الدايو الرائع بأعضائه المحترمين جدا والمتعاونين جدا جدا وان رائي الدايو لانوس 1 كويسة وسعرها مناسب وحسب فلوسك فالاول وفالاخر

[MMamdouh]

التلات عربيات اللى بتختار بينهم واحد... اشترى اللى فى حدود ميزانيتك

يفضل تتعلم السواقة الاول قبل ما تشترى عشان متبهدلش العربية

العربية سهلة القيادة

MMamdouh

[mostafa mahmod]

اهلا بيك فى بلدك التانى نايل موتورز
انا كنت زيك من شهر 8 2010
و بفضل اللانوس و الناس اللى هنا ف المنتدى الحمد لله سواقه و ميكانيكا و معلومات
ركز انت هنا بس و هتلاقى نفسك احرف واحد ف اصدقائك بتسوق و كمان لما حد عربيته هتعطل هيكلمك يسألك
ده بجد على فكره و البركه ف ربنا سبحانه و تعالى ثم ف نايل موتورز