تجربتى اليوم

[samehenany05]

العربيه لانوس 2004

من 3 شهور عملتلها طقم شمبر وبعد التليين حطيت زيت موبيل 1 ب 130 ج والمفروض اغيره بعد 3000 ك

المهم كنت لما بدور بسمع صوت الكونستبنات ولما بتسخن العربيه الصوت مش بيبقى موجود

بعد ممشيت ع الزيت 2000 ك الصوت بتاع الكزنستبنات فضل شغال على طول

رحت للميكانيكى فك الماكينه وشاف الكونستبنات قالى مفيهاش حاجه والعربيه عنده لإننا أتأخرنا ولما اشوف اخرتها واقولكم

السؤال

معقول الموضوع هيطلع ان الزيت محتاج يتغير وبس

انا قلتله طالما فكينا الماتور شيك عليه كويس ولو فى حاجه هتتغير غيرها وبالمره هشوف طبب المياه لأن طبه منهم عملتها معايا والصدى كلها وانا ماشى وميكانيكى على الطريق لحمهالى بنبوبتين لحا ( بيقولوا عليه لحام حديد )

ادعولى الحوار يعدى على خير

[FAR!D]

انا اللي اعرفه ان الزيت ممكن يخفي صوت الكونوسبنات بس مازل الوضع قائم نها بتكتك و حلها انك تعملها واللي اعرفه انها مبتأذيش اللا في الصوت و.ممكن تتعايش معاها و بالتوفيق ان شاء الله و تتحل خيييير

[tarek_2005]

الزيت يعمل صوت للكستبنات ثم يتلفها

[MMamdouh]

هو ازاى موبيل 1 ب130 جنية؟؟؟... دا اكيد زيت تموين

MMamdouh

[samehenany05]

تكلملة ما حدث فى تجربتى

اتصلت الصبح بالميكانيكى

قال العربيه محتاجه عمره وهتكلف 2500 ج

ازاى قالى فيه سبيكه هيه اللى عمله الخبطه دى

انا قلتله انى لسه من 3 شهور عامل طقم شمبر للعربيه ومفيش حاجه فى العربيه تدل على عمره

العربيه مكنش فيها غير صوت تكتكه بس وعزم العربيه حلو ومش بتاكل زيت ومش مدخنه

بصراحه حسيت انه عجلاتى مش ميكانيكى

وبناء عليه قلتله قفل العربيه زى مكانت فقالى هضبطلك سبيكه تقللك الخبط الفى ماكينه وبكره هقفلهالك بس هنشترى حاجات هنعوز طقم جوانات وسيلكون وخد 200

ايه رأيكم

انا عندى احساس انه عجلاتى ولما يففل الماكينه الدنيا هتبقى زى الفل واعتقد ان العربيه هتبقى تمام

لأنى مش شايف اى اعراض تقول ان الماكينه فيها حاجه خالص كل اللى كان فيها صوت تكتكه مفيش سخونيه مفيش بخره مش بتاكل زيت


انا عاوز حد يفدنى

[starlanos]

لقدر الله لو وصلت لعمرة هات ماكنة افضل حوالي3000

[FAR!D]

لسه واحد جايب مكنه نوبيرا ب 2400 و بالمصنعيات و السلاطات كلفت 3000

[FAR!D]

بس برضوا محدش صحح او اكد كلامي
ان نوع الزيت قادر على اخفاء صوت الكسبنات او اظهارها ( طبعا المشكله قائمه ان المكنه عايزه طقم كستبنات)

[tarek_2005]

لو سبيكة فعلاً تالفة تعمل صوت والمكنة سحبها هيبقي حلو ومش هتدخن ومش هتاكل زيت بس هتضعف الزيت في وش السلندر ويطلع صوت الكستبانات

[samehenany05]

رحت بعد الظهر لقيت العربيه دايره وصوتها تمام مفيش تكتكه وكله تمام

بس قالى انا جبت سبيكه ولما تقرص على الماكينه هتسمع صوت

وقالى العربيه محتاجه تشتريلها عمود كرنك بسبيكه يكون استاندر وقالى ده فى حدود 300 ج

هو جابلى فاتوره بمبلغ 180 ج عباره عن جوان كرتير وجوان وش سلندر وطبة مياه وسيلكون عضم وزيت عادى

كان طالب مصنعيه 250 ج انا اديته 220 تبقى الحسبه 400 ج

صوت طقطقة الكونستبنات راحت ............من تجربتى لو كنت غيرت الزيت مت الاول مكنتش كلفت نفسى حاجه

لما ادوس شويه على الغيار بسمع زى شخلله وده كان فى العربيه اصلا

تنصحونى بإيه .......عما بأنى بسافر بالسياره كل اسبوعين من القاهره للمنصوره يعنى حوالى 250 رايح جاى كل اسبوعين...

شكرا لكل من ساهم بالرد والفائده

[zendo]

صوت ايه اللى هتسمعة لما تقرص على المكنة

[samehenany05]

صوت ايه اللى هتسمعة لما تقرص على المكنة

صوت زى شخلله كده زى ما يكون غوايش بتشخلل

[ahmedsamy90]

هو ازاى موبيل 1 ب130 جنية؟؟؟... دا اكيد زيت تموين

mmamdouh

فعلاً مستحيل 130 جنيه ده بــ 300 تقريباً او 340 لاكن 130 ازاي

[zendo]

يا جماعة هو قصده على موبيل xhp الجركن الرمادى