زيت على خرطوم السيرفو

[shur3000]

لقيت الخرطوم اللى واصل ما بين السيرفو والمانيفولد (اللى علىه الدايرة الحمرا) علية زيت مش كتير بس تلمسة تلاقية مزيت وبصيت على مكان دخولة وخروجة مفيش زيت .
مع العلم زيت الباور والفرامل ما بينقص

انا بلاحظ ساعات بلاقى زى كأن فى نقط زيت مطرطشة على العربية من الداخل (طبعا بتبقى باينة فى التراب) يعنى على غطا فلتر الهوا ممكن على البوبينة وهكذا يا ترى دة اية

[shur3000]

دى مش عربيتى دى صورة من النت عشان اوضح للناس وبردة زيت العربية ما بينقص

[shur3000]

????

[مصطفى-حسن]

فية حاجتين ممكن يجيبوا زيت فى الحتة دى
1 - الكوباية بتاعة زيت الباكم رقم 1 فى الصورة
2 - الخرطوم بتاع الزيت اللى طالع من عند الكوستبانات رقم 2





ويفضل انك تغسل الموتور غسلة محترمة بالمسدس فى المغسلة وبعدين كل يوم تبص على الاماكن دى عشان تعرف الزيت بييجى منين

[shur3000]

شكرا انا عندى غطا كوباية الباكم مشقوق من فوق وكان العافشجى قالى عادى ممكن يبقى السب منها

[مصطفى-حسن]

شكرا انا عندى غطا كوباية الباكم مشقوق من فوق وكان العافشجى قالى عادى ممكن يبقى السب منها

ممكن

بس بردو غسلو محترمة للموتور هتوضحلك الرؤية افضل

[shur3000]

رحت للعفشجى وطلع الخرطوم اللى واصل بين الاسكاترا وطرمبة الباور بيجيب زيت لما احدف جامد يمين وشمال وطبعا حله وراح للمكبس وغير الجزء من الخرطوم البايظ ب 60 ج وكبسة وركبة تانى والمصنعية 40ج + زيت باور مويبل 35

[tarek_2005]

الخرطوم كامل جديد عند ابو الحسن من سنة كنت شاريه ب 40 جم ودا خرطوم رخم لان فيه مسلوب من 13 الي 10 مم قبل لاللاكور المكبوس عليه

[shur3000]

واللهى انا العفشجى قالى الجديد هيبقى غالى اوى وان كدة احسن والراجل اللى فى المكبس قالى ان الخرطوم اللى غير ة امريكانى احسن من بتاعها ربنا يكرم وكويس انها جت على قد كدة