زيت فى خرطوم من خراطيم الهواء

[lutenit030]

العربيه لانوس موديل 2000 هاف اوبشن
فيه خرطوم هواء داخل على وش التاكيهات، الخرطوم ده داخل عليه خرطوم رفيع كده من الجنب الشمال مش عارف اسمه ايه ولا فايدته، الخرطوم ده عندى بيجيب زيت و لما افكه و اكتمه بايدى بحس بشفط من الخرطوم. و العربيه بتدخن ابيض بسيط و هى بارده فقط لكن مش بحس ان الزيت بينقص بشكل ملحوظ. و سحب العربيه حلو الى حد كبير الحمدلله

هل ده طبيعى؟؟ ولا كده ممكن يبقى الموتور محتاج طقم شنبر او اويل سيل صباب؟؟

[starlanos]

متابع

[عمرولبيب]

ولا اى حاجه ولا اى اضرار بس لو على خفيف لو تقيل وزياده جدا جدا يبقى لازم تراجع على مكان التسريب

[tarek_2005]

حدد مكان الخرطوم بالظبط علشان نعرف وظيفته وياريت لو تصوره

[مصطفى-حسن]

حدد مكان الخرطوم بالظبط علشان نعرف وظيفته وياريت لو تصوره

على الوصف بتاعة كدة هو يقصد خرطوم الفايظ بتاع الزيت



وبالنسبة لصاحب المشكلة : شم الريحة اللى طالعة من الخرطوم والعربية دايرة لو ريحة كريهة جدا يبقى المكنة فيها حاجة اما مكسرة بساتم او شنبر او خلافة لأن على الوصف بتاعك يبقى العربية بتفخ

لكن لو مفيش ريحة كريهة جدا يبقى عادى لأن طبيعى ان الخرطوم دة بينفخ تعريق زيت

[lutenit030]

مكان الخطوم اللى بيجيب زيت

حدد مكان الخرطوم بالظبط علشان نعرف وظيفته وياريت لو تصوره

الصوره رفعتها هنا عشان الرفع عالمنتدى مشتغلش معايا

[مصطفى-حسن]

الصوره رفعتها هنا عشان الرفع عالمنتدى مشتغلش معايا

http://s29.postimg.org/in1jiceuf/zzzzzzzzzzzzzzzzzz.jpg

زى ما قلت لك فوق

[lutenit030]

على الوصف بتاعة كدة هو يقصد خرطوم الفايظ بتاع الزيت



وبالنسبة لصاحب المشكلة : شم الريحة اللى طالعة من الخرطوم والعربية دايرة لو ريحة كريهة جدا يبقى المكنة فيها حاجة اما مكسرة بساتم او شنبر او خلافة لأن على الوصف بتاعك يبقى العربية بتفخ

لكن لو مفيش ريحة كريهة جدا يبقى عادى لأن طبيعى ان الخرطوم دة بينفخ تعريق زيت

لا مفيش ريحه كريها ولا حاجه و الخرطوم بيشفط شفط ملحوظ و دايما لما اشيله الاقى الحته اللى كان راكب فيها عليها زيت و بتلمع كده و هو كمان بلاقى جواة زيت بيلمع و اللى اقصده بانه بيلمع انه مش كميه بسيطه اوى و جه عليها تراب و خلاص لا هى كميه بسيطه اه بس واضح انه مستمره علطول و الغريب ان سحب العربيه فوق الممتاز ما شاء الله و العربيه ماشيه 71 الف كيلو بس

ممكن تقولى هى ايه وظيفه الخرطوم ده اساسا ؟؟ لانى عايز اعرف بجد و دورت كتير موصلتش لاى حاجه

و شكرا جزيلا يا باشا

[مصطفى-حسن]

لا مفيش ريحه كريها ولا حاجه و الخرطوم بيشفط شفط ملحوظ و دايما لما اشيله الاقى الحته اللى كان راكب فيها عليها زيت و بتلمع كده و هو كمان بلاقى جواة زيت بيلمع و اللى اقصده بانه بيلمع انه مش كميه بسيطه اوى و جه عليها تراب و خلاص لا هى كميه بسيطه اه بس واضح انه مستمره علطول و الغريب ان سحب العربيه فوق الممتاز ما شاء الله و العربيه ماشيه 71 الف كيلو بس

ممكن تقولى هى ايه وظيفه الخرطوم ده اساسا ؟؟ لانى عايز اعرف بجد و دورت كتير موصلتش لاى حاجه

و شكرا جزيلا يا باشا

اللى انت بتحكى علية وبتوصفة دة طبيعى على فكرة واسمة تعريق زيت او بخر الزيت
متقلقش ........
كلة فى الطبيعى

[lutenit030]

شكرا يا ياباشا طمنتنى

[tarek_2005]

الخرطوم ده فايز زيت وبيطلع منه بخار زيت بيستخدم في تزيت اكس البوابة لمنع تاكلها والي عندك ده طبيعي جداً انساه ومتحطهوش في دماغك

بس الخرطوم ده المفروض انه بيلف من تحت خرطوم االعمة مش من فوقها

[lutenit030]

الخرطوم ده فايز زيت وبيطلع منه بخار زيت بيستخدم في تزيت اكس البوابة لمنع تاكلها والي عندك ده طبيعي جداً انساه ومتحطهوش في دماغك

بس الخرطوم ده المفروض انه بيلف من تحت خرطوم االعمة مش من فوقها

شكرا يا باشا انتوا طمنتونى والله

[lutenit030]

حاجه نسيت اقولها، فى بدايه الدواره العربيه بتعرق ميه و بتطلع دخان ابيض من الشكمان لحد ما تسخن، هل ده طبيعى؟؟ و هل يمكن انى احط زيت تخليقى 10000؟؟