افيدونى افادكم الله

[abdelmoneam]

عندى مشكله من فتره وكل ما احاول احلها تبقى اصعب
عندى رائحه للبنزين في العربيه من حوه بشكل كبير وانا حتى البنزين مبيعديش نصف التانك
وكمان كل ما اروح لميكانيكى يدور على ترشيح للبنزين ميلقيش حاجه فيقوم مغير جوان طلمبه البنزين
ولحد دلوقتى مغير الجوان 5 مرات وفكيت التنك مره ومفهوش حاجه واخر اقتراح لاخر ميكانيكى انى اشترى تنك بطلمبه االبنزين "بعدما اختار الجميع" حد مر بمشكله مشابه او عندوا اقتراح بالحل

[مصطفى-حسن]

1 - افتح الشنطة بتاعة العربية
2 - شيل الفبر اللى فى الاجناب يمين وشمال
3 - هتلاقى هوايات من تحت شوفها موجودة ولا لأ

[tarek_2005]

الطبة البلاستك الي فوق الطرمبة وتحت الكنبة راكبة كويس ولا مش راكبه من اصله

[abdelmoneam]

ال على الشمال موجوده وال على اليمين مسدوده ب فل علشان ماتدخل عرس

[abdelmoneam]

1 - افتح الشنطة بتاعة العربية
2 - شيل الفبر اللى فى الاجناب يمين وشمال
3 - هتلاقى هوايات من تحت شوفها موجودة ولا لأ

ال على الشمال موجوده وال على اليمين مسدوده ب فل علشان ماتدخل عرس

[abdelmoneam]

الطبة البلاستك الي فوق الطرمبة وتحت الكنبة راكبة كويس ولا مش راكبه من اصله

شوف اخى طارق ال طبه موجوده بس اكيد من كتر الفتح والدق علشان فتح الطلمبه وغلقها مبقتش محكومه كويس

[abdelmoneam]

متشكر ليكوا جدا على الاهتمام وربنا يجزيكوا خير ان شاء الله
انا غيرت فلتر بنزين من يومين لفلتر جى ام قولت يمكن يكون السبب وححط بنزين ربما وهل اشيل االفل مكان الهويه الشمال

[Ahmed-SAMIR]

هو انت بتجيب الجوان بكام ؟ اصلى جبت ابو 10 جنيه قبل كده وطلع بلح ولما جبت ابو 50 اشتغل زى الفل

[abdelmoneam]

هو انت بتجيب الجوان بكام ؟ اصلى جبت ابو 10 جنيه قبل كده وطلع بلح ولما جبت ابو 50 اشتغل زى الفل

جربت جونات من كله من ابو 5 الى ابو25ج الكورى ودا من عند الخواجه فى شارع البحر الاعظم قرب الجيزه

[tarek_2005]

خد جوان من القدام وانزل معروف وهات واحد نفس القطر الداخلي ولكن بمساحة مقطع اعلي ب 1 او 2 ملي وركب هتنتهي المشكلة ان شاء الله
لان فك الطرمبة وتركيبها كتير بيوسع مشقبيات الشنبر الي بيقفل عليها ودا الي بيعمل تسريب وحلها اما الي قلته لك فوق او الحل التاني ودا صعب وخطر جداً وعايز خبرة فا مش هقولك عليه دلوقتي