عملت امبارح صيانة الاربعين

[وليد ابو زياد]

السلام عليكم اخوانى واعز الناس اللى دايما بستفيد من خبرتهم
انا معايا شفورليه لانوس2009
امبارح عملت صيانة الاربعين
وقلت اقول انا عملت ايه عشان افيد واستفيد
دية صورة الفاتورة لقطع الغيار

مضاف بعد كده فلتر بنزين
وفلاش اللى بيضاف قبل ما تغير زيت عشان ينظف
وزيت شل 5000
ودفعت مصنعية 150
ياريت اسمع الاراء
طبعا واضح من قطع الغيار انا عملت ايه اصل انا مش خبرة قوى صراحة
بس قولت اشارك معاكم بأى حاجة واستفيد منكم

[JAM]

مبروك الصيانة وعقبال صيانه ال ٦٠٠٠٠

[J A G U A R]

الف مبروك الصيانه

[a_mohamedsamir]

ألف مبروك الصيانه
لكن ليه بتحط زيت معدنى
كده حتتعب الموتور بدرى

[moe gawad]

الف مبروكةالصيانه
بس كان لازم تحط شيل 10000 علشان كامل تخليقى للحفاظ على الموتور والبنزين،
والمركز اللى حضرتك كنت فيه كان لازم ينصحك بده، انا عندى فى المركز بنصح النصيحه لوجه الله ، والعميل له احقية الاختيار بالنهايه

[وليد ابو زياد]

ألف مبروك الصيانه
لكن ليه بتحط زيت معدنى
كده حتتعب الموتور بدرى

الله يبارك فيك شكرا على اهتمامك لكن الزيت المعدنى ده نصحونى بيه فى مركز walf اثناء فحص السيارة علشان كان فيه نسبة رواسب فى التقرير
واشكرك مرة تانية على اهتمامك

[وليد ابو زياد]

الف مبروكةالصيانه
بس كان لازم تحط شيل 10000 علشان كامل تخليقى للحفاظ على الموتور والبنزين،
والمركز اللى حضرتك كنت فيه كان لازم ينصحك بده، انا عندى فى المركز بنصح النصيحه لوجه الله ، والعميل له احقية الاختيار بالنهايه

الله يبارك فيك ولكن الميكانيى قالى هيكون افضل للموتور علشان مع سخونية الصيف هيفقد ال10000 لزوجته
وانا صراحة قول مرة اركب عربية هى اللانوس ومش عندى خبرة
خبرتى الوحيدة معرفتى بيكوا

[وليد ابو زياد]

مبروك الصيانة وعقبال صيانه ال ٦٠٠٠٠

الله يبارك فيك واشكرك على ردك وعقبال ما تجيب احسن عربية فى العالم

[وليد ابو زياد]

الف مبروك الصيانه

الله يبارك فيك

[tarek_2005]

بتقول يضاف فلتر بنزين امال الي مكتوب في الفاتورة ب 35 جم ومكتوب قدامه بنزين دا ايه

[alkashab]

مبروك الصيانة ولكن فاضل تغير طقم السيور وخصوصا سير الكاتينة وده بيتغير كل50 أو ستين ألف وخمس سنين عليه كتير وأنصحك بتغيرة لانه أمان وعلى فكرة بيتغير في التوكيل في آخر السنة الثالثة حتى ولو جديد بحالته وأنا غيرته بعد 3 سنين وكنت عامل 45000وده للأمان علشان ماتجبش ماكينة أو عامرة وعلى الأقل خلى الميكانيكى يكشف علية وده للنصيحة اخيك هشام الخشاب

[S O P H O S]

مبرووك الصيانة