استفسار عن تغير جوان وش السلندر

[modyegypt]

السلام عليكم ورحمة الله وبركاته
من فترة لحظت الميه بتنقص ولقيت نقط ميه تحت الفرن وبعد الكشف من الجوان
وبعد التغير كان الاتى
جوان وش 25 كورى بلبل
سلوك بوجيهات بتاعت ماتركس 60 بلبل وكان فبر بتاع النوبيرا قالى ب50 بس دة احسن (الباشا الميكانيكى قالى هى احسن من بتاعة النوبيرا )
سير كاتينه 80 جيتس بلبل
جوان غطا تاكيهات 30 بلبل
ومصنعيه الباشا 230 بالقوة وطبعا غالى فوق الوصف بس كان اشتغل
الاستفسار
وانا ماشى قالى ابقا تعالا بعد 300 كيلو نشد على الجوان
رحتلة بعد كام يوم قالى لا مش هنشد علية ولا حاجة الكربون بيطلع ويقفل عليه .
وهنوصله ازاى ؟؟؟؟
الكلام دة ايه مدى صحتة ؟؟؟؟

[lanos2004]

عادى ممكن تربط وممكن متربطش عليه لو متربط عليه كويس من الاول

[moe gawad]

روح ربط عليه ، اكد على الوش رباط علشان بعد شويه من المشى طالما الجوان جديد طبيعى بيريح مكانه لو هو جوان جرانجريد زى اللى انت جايبه، وطبعا عرفت من السعر،
بس خد بالك الجوان اللى انت جايبه ده مصرى مش كورى، الكورى جملته 28 جم وبيتباع ب 35 جم

[modyegypt]

شكرا lanos2004 هو بيقولى مربط جامد
ا/ moe gawad
الجوان فعلا ب25 بس مش كوتش انا حاسس انة زى حديد مضغوط او زى تيل الفرامل بس رقيق

[moe gawad]

ده مادته اسمها جرانجريد ، وانا مصمم انه مصرى، حتى لو مكتوب عليه صنع فى اميركا ، اكيد انت فاهمنى ،
ومادة الجرانجريد ديه بتتركب لما الوش يكون ممسوح ، والراجل اللى عملك العربيه عمل الصح فعلا انه ركبها ، ماركبش الصاج، الله يباركله هو ده الصح ،
هو بس خليه يعدلك رباط على الوش

[modyegypt]

كتر خيرك استاذ/ moe gawad
الراجل قالى انه شد على الاخر بمصورة على الوش وقالى هشد عليه لما يجى يغير بوجيهات الفترة اللى جايه
هو فعلا مس الوش بتاع المكنة بس بسنفرة وقال انة بينضفه بس
وقالى كمان ان المكنه اول مرة تتحل
شكرا لحضرتك مرة تانيه وواضح ان حضرتك فاهم وعارف
بس يا خسارة فاتح فى القاهرة وانا من المنصورة

[MMamdouh]

الدايو منزلهاش جوان وش سلندر صاج

MMamdouh