نصيحة ضرورى لتغير كوتش لانوس 2 مقاس 13

[AِAbdelmonem]

السلام عليكم
الحمد لله اشتريت عربيه لانوس وكنت عايز اغير فرد الكوتش فى اقرب وقت لأن كشفت عليه واتضح انه الأمن ان يتغير لأن تاريخ تصنيعه عدى ال 5 سنين
انا عايز اعضاء المنتدى يفيدونى لأن دى اول تجربه ليا فى تغير الكوتش
حولت اجمع معلومات كتير من المنتدى بس حسيت انها بتفرق من عربيه لعربيه لنفس نوع الكوتش ونفس المقاس
فقولت اسأل اهل الخبره علشان اجيب من الاخر
مقاس الجنط الى عندى 13 الاصلى بتاع العربيه الى هوه الحديد
بالنسبة للسعر عايز حاجه فى المعقول متكونش غاليه اوى
معلومات مش عارف ممكن تفيدولا لأ :
انا مش بجرى بالعربيه اوى يعنى الطبيعى من 80 ل 100 و بالكتير 120 130 ( قليل اوى )
العربيه بتمشى حوالى 80 ل 100 كيلو فى يوم
عايز حاجه تكون امان وتعيش معايا
يا ريت الى يرشح ماركه يقوللى اسمها بالظبط وصناعتها ان امكن وموديلها علشان ماشتريش حاجه غلط وارجع اندم لما تطلع مش كويسه
وشكرا مقدما ليكم

[تامر.محمد]

الماركة مبدئيا بتحددها ميزانيتك
و عموما في الماركات ذات الاسعار المعقولة باشوف الناس بتنصح بالكومهو
اما لو هاتصرف شوية فتوكل على الله و هات بريدجستون my-02 مثلا

بعيدا عن ماركة الكاوتش
لو تقدر تجيب جنوط (سبور او حديد) مقاس 14 و تجيب عليهم كاوتش مقاسه 14-185-60 هاتفرق معاك كتير في الثبات و الفرامل

[amr011111]

فى الاسعار المتوسطه كومهو

[AِAbdelmonem]

الماركة مبدئيا بتحددها ميزانيتك
و عموما في الماركات ذات الاسعار المعقولة باشوف الناس بتنصح بالكومهو
اما لو هاتصرف شوية فتوكل على الله و هات بريدجستون my-02 مثلا

بعيدا عن ماركة الكاوتش
لو تقدر تجيب جنوط (سبور او حديد) مقاس 14 و تجيب عليهم كاوتش مقاسه 14-185-60 هاتفرق معاك كتير في الثبات و الفرامل

انا فعلا من كتر المتابعه لقيت ناس كتير بتنصح بتغير الجنط ل14 لأن ده هيوسع الخيارات الموجوده نسبيا وهيفرق فعلا زى ما قولت
بس سألت على الجنوط الاسبور لقيت الصينى ب 1800 من غير فصال ولو حاجه كويسه هتبقى اغلى فصرفت نظر عن الموضوع ده لأن الميزانيه مش سامحه حاليا
بس ممكن افكر فى الحديد حد ممكن يدينى رينج سعر ليه كده

[AِAbdelmonem]

فى الاسعار المتوسطه كومهو

اى موديل ؟؟
انا سمعت سالوس مثلا مش مريح ناس كتير

[tarek_2005]

جنوط النوبيرا ال 14 بتركب علي اللانوس واخر سعر للطقم الحديد كان 550 جم
ولو الميزانية مقصرة دلوقتي ركب الكاوتش البرلي هاش معايا 110 الف كم ودا الي محدش صدقه

[تامر.محمد]

انا فعلا من كتر المتابعه لقيت ناس كتير بتنصح بتغير الجنط ل14 لأن ده هيوسع الخيارات الموجوده نسبيا وهيفرق فعلا زى ما قولت
بس سألت على الجنوط الاسبور لقيت الصينى ب 1800 من غير فصال ولو حاجه كويسه هتبقى اغلى فصرفت نظر عن الموضوع ده لأن الميزانيه مش سامحه حاليا
بس ممكن افكر فى الحديد حد ممكن يدينى رينج سعر ليه كده

زي ما طارق باشا بيقول , ممكن تجيب جنوط النوبيرا ال14 السبور , سعرهم استيراد اقل شوية من الف جنيه مفروض
و ممكن تجيب جنوط نوبيرا حديد هايبقوا ارخص كتير جدا

و صدقني عن تجربة الفرق يستاهل

[kokowasfy]

بريدجستون و انسى الكوتش 5 سنين تانى و ريح بالك عن تجربة شخصية نعومة و ثبات و اداء عالى و اعتمادية فردة محترمة جدااا بس غالية بس الغالى تمنة فية الفردة معدية 600 جنية مش فاكر كام بظبت اشتريت من كام شهر بس مش هتندم

[svneleven]

طبعا البريدجستون و ال بيريللي لا يختلف عليهم اتنين لكن السعر!!!!
أنا شايف ال تويو فردة محترمة جدا جدا و عالمية و كمان السعر في حدود 400 جنيه أو أعلي بسيط. أنا جربتها علي لانوس 2004 و الصراحة جميلة جدا.

[MMamdouh]

كومهو سولس اخر سعر شراء 290 للفردة

طقم الجنوط الحديد نوبيرا من 400 الى 500 جنية

لو جبت جنط 14 هات طقم كاوتش كومهو اكستا SPT سعر الفردة 385

MMamdouh

[alkashab]

بص معالى الباشا أنا معايا لانوس 2موديل 2009 ولسة مغير كاوتش طاظه المهم ركبت كاوتش ساندرا تايلندى 175/70/13 يعنى الأصلى والفاردة تمنها 320 جنيه وكاوتش نظيف وحنين وأنت ماشي بتحس أن العربية ناعمة وده بالتجربة العملية أما بالنسبة للجنوط فأنا بأختلف مع الأصدقاء لسببين اولا هايتغير سرعة العربية بمعنى العداد مثلا يقرأ 100 كم السره لاكن السرعة الفعلية هاتبقى تقريبا 105 كم والسبب الثانى هاتكلف نفسك كتير جنوط وكاوتش أقل فردة في 14تقريبا 395 جنيه غير ثمن الجنوط أما نصيحتى غير فردتين فردتين حسب حالة الكاوتش وأبتدى بالفردتين الأماميتين وبعد شويه رجعهم للخلف وركب أتنين جداد بدلهم ولك الخيار

[تامر.محمد]

بص معالى الباشا أنا معايا لانوس 2موديل 2009 ولسة مغير كاوتش طاظه المهم ركبت كاوتش ساندرا تايلندى 175/70/13 يعنى الأصلى والفاردة تمنها 320 جنيه وكاوتش نظيف وحنين وأنت ماشي بتحس أن العربية ناعمة وده بالتجربة العملية أما بالنسبة للجنوط فأنا بأختلف مع الأصدقاء لسببين اولا هايتغير سرعة العربية بمعنى العداد مثلا يقرأ 100 كم السره لاكن السرعة الفعلية هاتبقى تقريبا 105 كم والسبب الثانى هاتكلف نفسك كتير جنوط وكاوتش أقل فردة في 14تقريبا 395 جنيه غير ثمن الجنوط أما نصيحتى غير فردتين فردتين حسب حالة الكاوتش وأبتدى بالفردتين الأماميتين وبعد شويه رجعهم للخلف وركب أتنين جداد بدلهم ولك الخيار

تصحيحا لمعلومتك اخي الكريم
القطر النهائي لمقاس 175-70-13 هو هو تقريبا القطر النهائي لمقاس185-60-14
و على فكرة اللانوس بتنزل في بعض الدول بالمقاس ده
فهو مقاس فابريكة برده ما تقلقش خالص
اما عن التكلفة فهي اعلى طبعا
لكن قياسا على اراء الناس اللي جربت و انا منهم ان فرق الفرامل و الثبات يستحق

Sent from my GT-N7000 using Forum Runner

[a_mohamedsamir]

أنا جبت gt إندونيسى مقاس 13 70/175
من شهر أغسطس اللى فات وماشيين حوالى12 ألف لغاية دلوقتى
عن نفسى مرتاح معاهم أكثر من الكومهو لأنى جربت الكومهو فى الفيكترا و معجبتنيش
الجى تى كان سعر الأربع فرد حوالى 1400 تقريبا

[dedi]

انا واقع فى نفس حيرتك بس بتاع الكاوتش قال لى غير بدل 175 هات 185 -13-70 ها يخلى العربية عالية شوية و عريضة وقال لى انة دايما بيغير لكدة
فاية راى الناس المحترمة فى الكلام دة و لو ينفع

[تامر.محمد]

انا واقع فى نفس حيرتك بس بتاع الكاوتش قال لى غير بدل 175 هات 185 -13-70 ها يخلى العربية عالية شوية و عريضة وقال لى انة دايما بيغير لكدة
فاية راى الناس المحترمة فى الكلام دة و لو ينفع

قطر العجلة هايبقى اكبر فعلا , و بالتالي العربية كلها هاتبقى اعلى فعلا
لكن في المقابل ثبات العربية هايقل و عداد السرعة هاتبقى فيه نسبة خطأ

المقاس المكافيء له حسابيا هو 185-65-13 , ماعرفش له وجود اصلا ولا لأ