تسقيط ماتور ٢ كامة للانوس ١ موديل ٢٠٠٠

[JAM]

انا معايا مكنة ٢ كامة... بصراحة فرق السما... انصحك لاتعمر مكنة ولا نبهدل نفسك.. هات شورت بلوك ٢ كامة بالمانفولد والفرن وخلاص... وانسى همومك وانسى ان العربية تبقة بطة لما تشغل التكييف... انا كنت جايب الشورت بلوك ب ١٧٠٠ وكان لقطة بصراحة والميكانيكى أخد ٣٠٠ جنيه من بقه.... وبصراحة إستهلت كل قرش إتدفع فيها

[Sameyes]

استاذ jam
شكراً على إفادتك الكريمة بس ليا كام سؤال
هل عدلت الفرامل أو الطنابير والكاوتشات وهل غيرت حاجة في الطفيرة أو وحدة الكنترول
معلش أنا مش فاهم الموضوع قوي؟

[JAM]

انا كدة كدة كنت معدل الفرامل الامامية من فترة كبيرة جداً ومعدلتش اى حاجة فى الضفيرة او كنترول العربية... اللى ممكن تحتاج تعدله هوا انك تطول سلك حساس الشكمان شوية... وانتا بتعملها فى ٣٠ ثانية بالتمام... ولو فيه اى استفسار انا تحت امرك

[M.Elgergawy]

كنت جايبه منين الشورت بلوك ال 2 كامه ؟ ومن امتى تقريبا

[JAM]

من حوالى سنتين وكسر وكان لقطة بصراحة... كان عند تاجر وعايز يخلص منه علشان محدش يعرفه وكان من شارع الوحدة فى امبابة... وكان ب ١٧٠٠ ... حاجة تانية نسيتها.. انتا لازم تاخد مع الماكنة قاعدة كباس التكييف لانها فارقة عن اللى فى الماكنة القديمة حوالى ٢ سم.. والكباس مش هيبقة شغال تمام

[Abo Yasso]

خد قرارك بسرعه عشان موضوع منع استيراد قطع غيار السيارات المستعملة
هيخلى الاسعار نار وكمان هيخلى التجار تبيع البواقى اللى عندها بأسعار اعلى وهو متسويش اصلا

[Sameyes]

شكراً جزيلاً لحضراتكم
ربنا يسهل إن شاء الله واللي فيه الخير ربنا يكمل فيه