ايه رأيكم فى شيفروليه لانوس 2014

[القبطان المصرى]

الى اصحاب الخبره إن شاء الله ناوى اشترى شيفروليه لانوس 2014 وعاوز اعرف رأيكم ايه

[Hunting_Eagle]

رأيي بلاش

حاول تزود فلوس وتجيب حاجة تانية

ولو مش هينفع حاول تشوف مستعمل

ولو مصمم على زيرو بنفس السعر تبقى هى أحسن الاختيارات .. افضل من الفيرنا و الصيني

بالتوفيق

[Elkordy2000]

عربيه ناعمه وجميله وصيانتها سهله وقطع غيارها رخيصه , مشكلتها انها واطيه علي الارض , وعايزه محافظه عليها فقط ...

[mrjou]

الى اصحاب الخبره إن شاء الله ناوى اشترى شيفروليه لانوس 2014 وعاوز اعرف رأيكم ايه

السؤال ده يتوقف على حاجه مهمه اوى .. انت كنت راكب ايه قبل كده ؟؟؟
يعنى مثلا لو كنت اركب عربيه المانى او فرنساوى هتقرف من العربيه قرف السنين ولكن هتحس بفرق كبير اوى فى سعر قطع الغيار والمصنعيات .
لكن لو كن زى حالتى وكنت راكب عربيه كورى او فيات هتحس انك راكب عربيه محترمه .. على فكره انا لسه مستلم الانوس زيرو يوم 31/3/2004 وكنت راكب اكسيل 1500 حسيت ان فى فرق ولكن المشكله الوحيده بالنسبالى هى تجميع العربيه ضعيف كان تجميع الاكسل اقوى منها ... بس بقى فى فرق فى التكيف فى صوت الموتور فى نعومه العربيه وطبعا مفيش اصوات شخلله وتخبيط فى الطرق المكسره
استخير ربنا الاول وبعد كده قرر .. وربنا يوفقك فيما يحبه ويرضاه

[رامي مصطفى]

رأيي بلاش

حاول تزود فلوس وتجيب حاجة تانية

ولو مش هينفع حاول تشوف مستعمل

ولو مصمم على زيرو بنفس السعر تبقى هى أحسن الاختيارات .. افضل من الفيرنا و الصيني

بالتوفيق

رأي جميل جدا بدون اول سطر وثالث سطر
احسن رأي
1- حاول تزود فلوس وتجيب حاجة تانية (اعلى)
2- ولو مصمم على زيرو بنفس السعر تبقى هى أحسن الاختيارات .. افضل من الفيرنا و الصيني (تمااااااااااااام)

[aibrahim7777]

انا معايا شيفورليه لانوس 2012 وكنت جايبها زيرو قبلها كان معايا هوندا 92 وقبلها فيرنا زيرو .. بص متتوقعش من الشيفورليه لانوس كثير .. يعنى متتوقعش ان السحب بتاعا يبقى كويس تكيفها مثلا كويس بس مش زى تكييف الفيرنا تكييف الفرنا اقوى وسحب الفيرنا برضه اقوى علشان الفيرنا 1600 بس لوبصيت للثمن وانها زيرو تبقى معقوله ورأى المستعمل مهما كان بتصرف عليه فلوس مش زى الزيرو بتنساه شويه ... فى السفر مثلا جبت 140 والتكييف شغال وكويسه بس فى البلد وسط الزحمه زمع التكييف فى الصيف يعنى بتبقى سحبها ضعيف