زيت فى الدواسه ومشمن الاولسيه بتاع الدركسيون.. رعايه ممدوح وغنايم

[عمرولبيب]

بسم الله الرحمن الرحيم

كان فيه زيت فى الدواسه بتاعه السائق وتم تغيير الاولسيه بتاع علبه الدركسيون بعد مكان بيجيب زيت
الا انه وبتلك الايام بالاقى زيت برضو فى الدواسه رغم ان حوالين الاولسيه ناشف ومافيش زيت بيتسرب منه نهائى

هل فيه مكان تانى بيجيب زيت فى الدواسه غير اولسيه الدريكسيون .. ولا دا زيت منقع من القديم موجود فى العوازل والموكيت بتاع الدواسه من زمان ؟؟

[exact]

حاول تعرف شكل الزيت وخامته...
المنطقة دي يا زيت سكاترا يا اما باكم والباكم مصدرين فرامل او دبرياج... يا اما زيت فريون وده مستبعد جدا... يا اما ميه نازلة من السخن بتاع التكييف (بيسرب)

[starlanos]

نفس المشكلة كانت عندي وطلعت من ماستر الفرامل
وغيرته ب ٢٠٠

[starlanos]

نفس المشكلة كانت عندي وطلعت من ماستر الفرامل
وغيرته ب ٢٠٠ ج استيراد
من سنه

[عمرولبيب]

هاشوف ربنا يسهل ان شاء الله هو الزيت متركز ناحيه دواسة البنزين كدا تحت تكييف السخن بس مش لاقى مكان للترشيح

[tarek_2005]

اول حاجة لاحظ زيت الباكم وزيت الباور في خزنهم بينقصوا ولا لاء علشان تحدد اذا كان الزيت ده جديد ولا بواقي القديم وغالباً هيبقي بواقي القديم الفيصل هل في زيت من الاتنين الي قلت لك عليهم بينقص ولا لاء

[مصطفى-حسن]

امسح كل الزيت الموجود فى المنطقة اللى تحت الدواسات كويس قوى وبعدين من تانى يوم تابع شوف الزيت نازل منين