عاجل بخصوص الديسك

[mo7eb elrasol]

السلام عليكم

العربية مش قابلة غيارات واتنين ميكانيكية قالوا ده عيب ديسك،ايه رايكم عاندى فتيس كنت مغيره والديسك كان شغال واكيد حالته متوسطة،ف ايه الافضل،اجيب ديسك جديد ولا ممكن اركب القديم،ولا اجيب ديسك واسطوانة جداد وايه افضل الانواع والاسعار
ياريت الرد باسرع مايمكن لانى ها افك الفتيس الصبح ان شاء الله

[ba7ar_909]

هات طقم ديبرياج جديد بس اوعى تجيب غير ال جى ام حد يقولك فاليو والفاليو كويس والكلام ده هتندم زى ما انا ندمان

[مصطفى-حسن]

هات جديد جى ام اصلى من عند المهندس اللى فى الاردنية اللى جنب مؤمن واشترى دماغك

[mo7eb elrasol]

جزاكم الله خيرا

[a_mohamedsamir]

مع كامل الاحترام لرأى الجميع
الڤاليو مش وحش انا مركبه عندى من شهر يناير والحمد لله مش حاسس بفرق بينه وبين اللى كان راكب

[mo7eb elrasol]

انا جبت فاليون والله المستعان
لقينا سوستة واقعة من مكانها من الاسطوانة فغيرت الطقم كله وبصراحة نعومة الدبرياج بقت حاجة تانية خااالص

[a_mohamedsamir]

انا جبت فاليون والله المستعان
لقينا سوستة واقعة من مكانها من الاسطوانة فغيرت الطقم كله وبصراحة نعومة الدبرياج بقت حاجة تانية خااالص

مبروك الطقم الجديد
على فكره لو بصيت على اللى كان فيها حتلاقيه ڤاليو

[mo7eb elrasol]

الله يبارك ف حضرتك
بصراحة ما اخدتش بالى من ال كان فيها

[tarek_2005]

الفاليو فيه منه درجتين درجة بتباع ب 375 جم ودرجة اخري الطقم ب 650 جم ابو 650 جم هوا الاصلي والرخيص شغال معايا بقاله سنتين زي الفل بس بتعتمد علي طريقة القيادة