توصيل التكييف على الكنترول

[lutenit030]

السلام عليكم
انا عندى سؤال اتمنى من خبراء الانوس يجاوبونى عليه
الموضوع باختصار
انا عربيتى كانت نازله فاضيه خالص (مفيهاش تكييف حتى)
المهم انا جبت الحجات استعمال و نوييت اركبها ان شاء الله و من خلال كتالوج الكهرباء لقيت ان التكييف بيبقى مربوط على الكنترول ( السنسور و الزرار داخلين على الكنترول و الكنترول هو اللى بيخرج للكمبريسور) لكن من كلامى مع الكهربائى اللى حيركبلى الحاجه فهمت منه انه حيوصل التكييف من بره بره و مش حيوصله على الكنترول اعتقد لانه خايف يبوظه.

ايه الفرق فى التوصيل فى الحالتين و هل توصيله من بره ليه اَضرار؟؟و ايه هى الاضرار؟؟

شكرا مقدما

[lutenit030]

ايه يا رجاله، محدش عنده فكره عن الموضوع ولا ايه؟؟

[mhi00002000]

نصيحة ليك انا كان ليا واحد صاحبى نفس تجربتك وكانت لانوس فاضية برضو وجاب حاجة التكييف والكهربائى قالو هنوصلو برة الكنترول مرضيش وراح واحد تانى اشتغل على الخريطة بتاعت العربية ووصلهولو فابريقة على الكنترول وعلى فكرة بتفرق كتير جداااا نصيحة ومن الاخر حاول توصلو على الكنترول احسن بكتير وشغل نضيف وعلى فكرة هيا مش صعبة بس عايزة حد امكانياتو عالية وفاهم مش موصلاتى وخلاص

[lutenit030]

المشكله انى رحت لكذا حد و كله مش عايز يجى جنب الكنترول خالص، عشان كده غالبا يأما حسيبه بره الكنترول ز خلاص او يأما بعد ما يخلص شغله ابص انا فى الكتالوج و احول اوصله بس انا فعلا مش عارف تفرق فى ايه

[ghaith_peogeut]

تفرق في ان ال rpm سوف لن يرتفع عن تشغيل التكييف هذا اولا مما قد يسبب برجله على السلانسيه ...وثانيا هناك خاصية في كونترول العربية يقوم فيها الكونترول بفصل كومبريسور التكييف لثواني وذلك عند محاولة الشد بالعربية لكي يعطيك المحرك طاقة قصوى كما في عملية الاجتياز ..

[lutenit030]

لما الموتور يعلى لحد 6 ار بى ام هل ده يضر الكمبروسور؟؟ لان المفروض مثلا ان المفروض يتفصل على السرعات ديه؟؟ و لا عادى ميضروش فى حاجه؟

[lutenit030]

تفرق في ان ال rpm سوف لن يرتفع عن تشغيل التكييف هذا اولا مما قد يسبب برجله على السلانسيه ...وثانيا هناك خاصية في كونترول العربية يقوم فيها الكونترول بفصل كومبريسور التكييف لثواني وذلك عند محاولة الشد بالعربية لكي يعطيك المحرك طاقة قصوى كما في عملية الاجتياز ..

شكرا يا هندسه

[aelmohamady]

1-العربية مش هاتعلى لما التكييف يشتغل
2- لو مشغل التكييف وحرارة مياة الردياتير عليت اوى مش هايفصل والعربية هاتسخن جامد
3-لو الظغط فى الفريون عالى اوى الكمبريسور مش هايفصل وممكن يبوظ
4- لو ضغط الفريون واطى جدا الكمبريسور مش هايفصل وممكن يبوظ
لازم التكييف يتوصل على الكنترول بتاع العربية