هزة وكركبة فى الموتور وطقة فى الفرامل ارجو المساعدة

[ادوارد]

ياجماعة انا مش عارف اية بيحصل كل ما اخرج بالعربية تحصل حاجة

العربية بتتأخر فى الادارة فى كل الاوقات سخنة او باردة
والموتور عند التدوير يكركب وينفض اكن عايز يقوم وحاجة منعاة وادور كذا مرة فيقوم الموتور وبعد مايقوم العربية تبقى كويسة وسحبها كويس
المشكلة فقط عند التدوير بس

وسمعت اليوم صوت طقة فى بدال الفرامل ماهذة الطقة وماهو سببها

ارجو الافادة اخواتى جزاكم الله كل خير وباركلكم فيما تملكون

[مصطفى-حسن]

ياجماعة انا مش عارف اية بيحصل كل ما اخرج بالعربية تحصل حاجة

العربية بتتأخر فى الادارة فى كل الاوقات سخنة او باردة
والموتور عند التدوير يكركب وينفض اكن عايز يقوم وحاجة منعاة وادور كذا مرة فيقوم الموتور وبعد مايقوم العربية تبقى كويسة وسحبها كويس
المشكلة فقط عند التدوير بس

المشكلتين دول 80% رشاشات
و 20% حساس الايدل

وسمعت اليوم صوت طقة فى بدال الفرامل ماهذة الطقة وماهو سببها
انت تقصد طقة فى الدواسة نفسها ولا فى العجل تحت مع مسكة الفرامل

ارجو الافادة اخواتى جزاكم الله كل خير وباركلكم فيما تملكون

[ادوارد]

وحشتنى اخى مصطفى اية اخبارك يارب دائما بخير وسعادة

هو فعلا فية ميكانيكى قالى السبب الرشاشات
بس رجة الموتور خوفتنى ولا دة طبيعى

فى الدواسة نفسها مش العجل بحسها من جوة العربية من فوق تحت الدركسيون عند القطمة
الطقة دى حصلت لما حطيت قفل امان يمسك من الفرامل لدركسيون
خايف لتكون حاجة فى الدواسة اتكسرت طقة تضايق وانا ماشى بالعربية

[مصطفى-حسن]

وحشتنى اخى مصطفى اية اخبارك يارب دائما بخير وسعادة

ربنا يكرمك اخى الفاضل
هو فعلا فية ميكانيكى قالى السبب الرشاشات
بس رجة الموتور خوفتنى ولا دة طبيعى
طبيعى بس لو هتغير رشاشات يبقى خلى الميكانيكى يغسل حساس الايدل
فى الدواسة نفسها مش العجل بحسها من جوة العربية من فوق تحت الدركسيون عند القطمة
الطقة دى حصلت لما حطيت قفل امان يمسك من الفرامل لدركسيون
خد معاك كشاف او موبيل بكشاف ونزل دماغك فى الدواسة ودوس بايدك على الدواسة وشوف الطقة منين بالظبط بس غالبا احتمال تكون عايزة رشة مزيل صدا WD_40
خايف لتكون حاجة فى الدواسة اتكسرت طقة تضايق وانا ماشى بالعربية

[ادوارد]

انا شوفت فعلاً الدواسة للفرامل لقيت زى مسار راكب وفية كلبسة الكلبسة خارجة شوية بتروح وتيجى مش زى الكلبسة فى دواسة الدبرياج
دى ميكانيكى يضغطها ولا انا ممكن اعملها بنفسى

الرشاشات اللى راكبة بتاعة الفيرنا ناس تقول احسن وناس تقول الرشاشات التخينة افضل
هل لو نظفتها بالالتراسونيك مفيد لها ام تغيرها افضل
واغيرها برشاشات bmw بتاعة المكنة m40 افضل ولا اجيب بتاعة الانوس

[عمرولبيب]

موجود عندى رشاشات هيونداى اكسنت المكنه الـ 1500 .. لسه مغيرها النهارده برشاشات بى أم دابليو .. موجودين لو حضرتك عايزهم ومش هنختلف كتير فى السعر .. دا لو انت مش هتركب رشاشات بى ام دابليو وعايز رشاشات الاكسنت

[ادوارد]

اشكرك اخى جزاك الله كل خير

طب هسأل الميكانيكى الاول اجيب اية افضل وياريت لو تعطينى السعر على الخاص لو مش هتعجبك معى
على الاقل الواحد بيخاف من الاستيراد والتجار يجيب افضل من زميل مثلك

منتظر رسالتك اخى واشكرك

[عمرولبيب]

لا ياباشا السعر عادى هاكتبه على العام
لو هتجيب رشاشات بى ام دبليو من المنصوره تجيبهم من عند عصام فى الحسنيه بتاع البى ام عاملين 170 جنيه وفى اى مكان تانى فى القاهره فى الحرفيين مثلا بـ 250 جنيه وسمعت فيهم فى المنصوره 350 جنيه وميزتهم قوه فى السحب بدرجه ممتاز أداء جميل العيب الوحيد بياكلوا بنزين شويه ولا تأخير فى الدواره ولا دخنه بيضه ولا حاجه ولا ريحه بنزين نى

لو هتجيب اكسنت .. موجوده فى كل مكان بس بيغنوا فى سعرها وبيضربوا فوق الـ 220 .. انا هابيع اللى عندى بـ 150جنيه وميزتهم موفريين فى البنزين سحب جيد مش بدرجه ممتاز زى البى ام ولا تاخير فى الدواره من اول تكه ولا دحنه بيضه ولا ريحه بنزين نى

[ادوارد]

متشكر ياباشا تعبتك معى والف مبرووك على الرشاشات الجديدة

[مصطفى-حسن]

انا شوفت فعلاً الدواسة للفرامل لقيت زى مسار راكب وفية كلبسة الكلبسة خارجة شوية بتروح وتيجى مش زى الكلبسة فى دواسة الدبرياج
دى ميكانيكى يضغطها ولا انا ممكن اعملها بنفسى

رش الاول عليها مزيل صدأ wd_40 وشوف النتيجة اية

[ادوارد]

اشكرك اخى
معذرة استخدمت صورة خاصة بك فى مشاركة سابقة
توضح بالون الاحمر المسمارالدواسة للفرامل وبة وردة مفكوكة والمسمار مفكوك شوية

[مصطفى-حسن]

المسمار دة بيبقى املس والناحية التانية بتبقى تيلة هيا اللى مسكاة

[ادوارد]

تمام يعنى اركب تيلة تمنع الطقة اللى عندى لان المسمار مش محكوم بيروح ويجى

[samehenany05]

انا عندى رشاشات الانوس الرفيعه اصلى بتوع بلادها من مكنتى القديمه لان انا لسه شارى مكنه وببيع محتوياتها لو عاوز تحت امرك اناه والاعضاء والتسليم ممكن المتصةره او القاهره

[ادوارد]

انا عندى رشاشات الانوس الرفيعه اصلى بتوع بلادها من مكنتى القديمه لان انا لسه شارى مكنه وببيع محتوياتها لو عاوز تحت امرك اناه والاعضاء والتسليم ممكن المتصةره او القاهره

ربنا يخليك اخى ودول بكام السعر لو تسليم القاهرة

وهل مستعملين كتير ولا بسيط