عفشة امامية لانوس

[hon]

السلام عليكم ورحمه الله وبركاته
حضراتكم عربيتى كانت عملت حادثة من الامام جهه السائق من سنة ونصف وغيرت وقتها الفتيس ولما خلصت لاحظت وجود ميل جهه الشمال كنت جايب جنب أستيراد غيرت الياى المستورد كان اقصرمن الاصلى وركبت ياي العربية ظبتت شوية بس حاسس ان لسة فى ميل وققرت اغير العافشة الامامية كاملةوهى
1- 2 مساعد أمامى منورو (أبو الحسن قالى يوجد مساعد أوبتيما ألمانى) أية رايكم انا مش عاوز
مساعد طرى زى gm يخلى العربية تتمرجح ولا عايز مساعد ناشف حجر يكرهنى فى العربية
2-2 يايات أصلى gm ابو الحسن قالى سعرهم 300 جنية منصور
3- 2 بطاحة gm (ابو الحسن 300 جنية) أصلى
4 - طقم بارات مقص + طقم بارات دركسيون ctr كورى 140+140 أبو الحسن
5- 2 مسمار ميزان بالجلب أصلى
6- طقم جلب مقص أصلى gm أبو الحسن 160 جنية
حضارتكم فى حاجة ناقصة؟وأية رايكم فى الاسعار انا اسف للاطالةو تقبلوا تحياتى

[Mohamedmaree91]

انا مركب kyb كويسين جدا وهات كمان طقم كبيات جديده بالمره

[hon]

انا مركب kyb كويسين جدا وهات كمان طقم كبيات جديده بالمره

حضرتك انا برضو سامع ان kyp كويس وطرى بس انا مشكلتى ساعات بجرى على 160 مثلا فخايف من النعومة الزايدة المساعد الى كان معايا قبل كدا كان ماركة أسمها mahle تقريبا بيقولوا المانى وبصراحى كان موازن الموضوع مش ناشف ومش طرى واكيد طقم كبيات بس أنا نسيت اكتبهم فى البوست وشكرا لحضرتك

[Mohamedmaree91]

على فكره هما مش تراى ولا حاجه بش مش ناشفين اوى وعلى فكره الثبات بتاعهم كويس اوى وانا بركبهم واحد قلى على النوع الالمانى بmahle بس ناس كتير قالولى دا مضروب فجبت kyb

[Ahmed Saad]

على فكره هما مش تراى ولا حاجه بش مش ناشفين اوى وعلى فكره الثبات بتاعهم كويس اوى وانا بركبهم واحد قلى على النوع الالمانى بmahle بس ناس كتير قالولى دا مضروب فجبت kyb

المساعد الألماني اسمه mayle هو مساعد كويس بس لو الأصلي مش المضروب واغلب اللي فلسوق مضروب انا مركب منه جوز خلفي فالباسات اللي معايا وبصراحة هما كويسين جدا بس بالنسبه لك هات ال kyb الياباني حلو اوي ولو هتجيب Monroe هات Monroe reflix ده غاز على زيت تاخد منه نعومة الزيت وثبات الغاز وان شاء الله خير

[hon]

على فكره هما مش تراى ولا حاجه بش مش ناشفين اوى وعلى فكره الثبات بتاعهم كويس اوى وانا بركبهم واحد قلى على النوع الالمانى بmahle بس ناس كتير قالولى دا مضروب فجبت kyb

كدا يبقى عندى kyb وانشف منهم شوية monroe twin tube بالنسبة للمساعد optimal هل دا المانى فعلا ولا مضروب ياريت لوحد عنده معلومات وشكرا لحضرتك

[Mohamedmaree91]

انا كنت سألت عند البنا فى التوفيقيه على طنابير لانوس وقالى اناه عنده نوع كويس اسمه optimal المانى فاكيد منزله برده مركة مساعدين المهم الذمه لان المضروب مغرق السوق خليك احسن فى kyb او مونرو

[hon]

انا كنت سألت عند البنا فى التوفيقيه على طنابير لانوس وقالى اناه عنده نوع كويس اسمه optimal المانى فاكيد منزله برده مركة مساعدين المهم الذمه لان المضروب مغرق السوق خليك احسن فى kyb او مونرو

والله حضرتك ممكن على كدا ترسى على منورو من التوكيل هشام لهيطة وعليه ضمان سنة واخلص نفسى من الوسواس القهرى بتاع المضروب

[hon]

المساعد الألماني اسمه mayle هو مساعد كويس بس لو الأصلي مش المضروب واغلب اللي فلسوق مضروب انا مركب منه جوز خلفي فالباسات اللي معايا وبصراحة هما كويسين جدا بس بالنسبه لك هات ال kyb الياباني حلو اوي ولو هتجيب monroe هات monroe reflix ده غاز على زيت تاخد منه نعومة الزيت وثبات الغاز وان شاء الله خير

شكرا يافندم على المعلومة

[hytham_112]

سعر البطاحات عالى
وياريت لما تشترى المساعدين تقولنا على تمنهم وانا بفضل انك تشترى المونرو

[احمد المصرى]

حد يعرف توكيل مونرو فين تقريبا ليهم توكيل فى الهرم او فيصل تقريبا ولو حد معاه نمر تلفوناتهم يبق تمام جداااااااااااا

[hon]

سعر البطاحات عالى
وياريت لما تشترى المساعدين تقولنا على تمنهم وانا بفضل انك تشترى المونرو

حضرتك انا أشتريت البطاحات النهاردة ب 325 بزيادة 25 جنية عن سعر أبو الحسن جبتهم من الحرفيين عشان مشوار أبو الحسن بعيد عليا ودى تقريبا اسعار اليوم
ياريت يا جماعة لو حد بيبيع مساعدين منورو أصلى فى الحرفيين عشان مش قادر انزل وسط البلد وناوى أن شاء الله أشترى مساعد monero reflex يارب ميكونو غاليين وحعرف حضرتك سعرهم شكرا