جعل نور الصالون لا ينطفئ مع الباب مباشرة وتأخيره وجعله ينطفئ سنة بسنة

[أبومازن333]

أولا هذا الموضوع هو مجهود العضو samaty وأنا قمت بتنسيقه ونشره لتعم الفائدة فجزاه الله خيرا

جعل نور الصالون لا ينطفئ مع الباب مباشرة وتأخيره وجعله ينطفئ سنة بسنة

أولا المكونات المطلوبة :

1- ترانزيستور bd242 وهذه صورته :



على فكرة حرف ال c اللي موجود على الترانزيستور الكبير bd242c
ده بيرمز لأعلى فولت بيشتغل فيه الترانزيستور
لو ما لقيتش حرف أو لقيت a أو b مفيش مشكلة الكل هيشتغل طالما الدايرة هتشغلها في العربية


2- ترانزيستور a733 وهذه صورته :



3- مكثف 1000uF/16v وهذه صورته :



4- دايود سيليكون 1 أمبير وهذه صورته :

طريقة التوصيل

دلوقتي وقت الجد
طبعا المكونات اللي فاتت رخيصة ( 3 جنيهات وربع) من أي محل الكترونيات
نيجي للتركيب
هفترض إنك مالكش أي خبرة بالالكترونيات أو التعامل معاها وبالتالي هنخلي العملية سهلة جدا

طبعا أي مبتدئ الكترونيات ممكن يعمل الدايرة بطريقة أفضل لكن في النهاية هيطلع نفس الأداء

دلوقتي امسك الترانزيستور الكبير ( bd242 ) كأنك بتقرا الكتابة اللي عليه هتلاقي ليه 3 رجول (ابعدهم عن بعض )
ونفس الحكاية بالنسبة للترانزيستور الصغير ( a733 )
حط الترانزيستور الصغير قدام الترانزيستور الكبير
لف الرجل اللي في النص بتاع الترانزيستور الصغير ( رقم 2 ) على الرجل اللي في النص بتاع الترازيستور الكبير ( رقم 2 )
كرر نفس العملية مع الرجلين الشمال ( لف الرجل الشمال بتاع الترانزيستور الصغير (رقم 3 ) على الرجل الشمال بتاع الترانزيستور الكبير (رقم 3) )
ابعد الرجل اليمين بتاع الترانزيستور الصغير ( رقم 1 ) عن الرجل اليمين بتاع الترانزيستور الكبير ( رقم 1 )

المكثف هتلاقي ليه رجلين واحدة أطول من التانية والقصيرة مكتور قبالها علامة (-)
الدايود هتلاقي له رجلين بس كل رجل في ناحية وفيه رجل منهم جنبها خط أبيض (الرجل اللي فوق)
هنمسك الرجل بتاع الدايود اللي جنبها خط أبيض مع الرجل الطويلة بتاع المكثف مع الرجل اليمين بتاع الترانزيستور الصغير ( رقم 1 ) ونلفهم على بعض
قص كل الرجلين الطويلة بمقص

متخليش حاجة لامسة التانية

دلوقتي عندنا الرجل اليمين بتاع الترانزيستور الكبير ( رقم 1 ) دي هنوصل فيها حتة سلك حمرا صغيرا ونوصلها بسلك نور الصالون اللي جاي من الباب أو المفتاح
والرجل القصيرة بتاع المكثف هنوصل بيها حتة سلك سودا صغيرة ونوصلها بأي أرضي في العربية
دلوقتي هتلاقي عندك رجل للدايود لسه مش واصلة بحاجة
دي هتوصلها بالرجل اليمين ( رقم 1 ) بتاع الترانزيستور الكبير ( bd242 ) اللي وصلنا فيها السلك الاحمر
كمان رجل المكثف القصيرة اللي وصلنا بيها السلك الأسود هتتوصل برضه بالرجلين اللي في النص اللي هما ( رقم 2 ) من كل ترانزيستور

لف شريط لحام عازل حول الشغل بتاعك من غير ضغط علشان ما تعملش قفلة

افتح باب العربية واقفله وبص لنور الصالون

طيب لو عايز تخليها تشتغل مع الريموت ؟؟

الترانزيستور الكبير هتجيب bd241

الترانزيستور الصغير هتجيب c1815

هتفصل رجل الدايود من الأرجل الوسطانية اللي فيها السلك الأحمر وتوصلها مع سلك فتح السنتر

[modyegypt]

يا باشا تسلم الايادى بس يا ريت صور لانى تهت

[أبومازن333]

يا باشا تسلم الايادى بس يا ريت صور لانى تهت

الصور موجودة في الموضوع ، ومترقم أرجل الترانزيستور لسهولة التجميع

[modyegypt]

يا باشا طريقة التركيب
وبعدين كل دة يركب فين فى الاخر جمب اللمبة فى السقف
ولا فين

[ramy_gamal]

شغل جامد......الف شكر

[أبومازن333]

يا باشا طريقة التركيب
وبعدين كل دة يركب فين فى الاخر جمب اللمبة فى السقف
ولا فين

طول أسلاك التوصيل وركبه في المكان اللي يناسبك

[Deshahcoka]

باشا الله ينور بس ياريت صور لتركيب الدايرة و الترنستورات عشان انا تهت مع اني فاهم الدنيا ماشية ازاي :)

[modyegypt]

حضرتك قولى يركب فين لان السقف اغتقد بيكون ضيق نركبة فى علبة الفيوز
ولا جمب الانذار ولا فى العلبة اللى فى الحوض

[ahmedfouad]

موضوع جميل بصراحة

[amer_aboamer]

ههههههههههههه
إيه ياباشا الرجوووووول الكتير دى إحنا هانوصل إخطابوطين ببعض وللا إيه؟
لو ممكن صور بقى للتركيب أحسن بجد كنت ها أعيط

[a_mohamedsamir]

شكراً على الجهد المبذول
حجربها عندى وابلغك النتيجه وإنشاء الله تشتغل كويس لان عندى الاوبل ڤيكترا كده بتطفى شويه شويه وكان نفسى أعملها فى اللانوس
لكن فى سؤال مهم هل ده ممكن يؤثر على اى حاجه فى كهرباء العربيه؟
شكراً مره ثانيه

[hossamalsadik]

موضوع شيق وممتع
انا بحب شغل الكهرباء الى من النوعيه ديه
بس رجاء ان أمكن وضع صور ( الشكل النهائى ) لشكل تركيب الواحدات ببعضها وترقيمها
ده هيسهل العمليه على كثير من محبى عمل الفكره ديه فى عربيته
وجزاك الله خيرا

[msa142]

انا رسمت رسمه كروكى كدا ع البينت عشان توضح ببساطه الدايرة

[Deshahcoka]

باشا باشا باشا :) ميه الميه الميه :) اسيادنا راضي عليك :)

جاري التجربه :)

[مصطفى-حسن]

شكرا جزيلا بالنسبة لصاحب الموضوع على الفكرة واعادة طرحها

بس الموضوع دة كان مطروح قبل كدة بس كان بشكل اسهل شوية وكان احد الاعضاء اقترح ان احنا نجيب من عند بتوع قطع الغيار الالمانى حاجة اسمها ساعة نور الصالون بتيجى جاهزة وبنديها للكهربائى يركبها علطول

الموضوع الاصلى هنا

http://www.nilemotors.net/Nile/390796-a.html