مشكلة ومحتاج مساعدة ضروري

[ahmedabutaleb]

السلام عليكم ورحمة الله
انا حصلت معايا مشكلة تاني مرة تحصل معايا ومش عارف ايه السبب.
انا كنت ماشي بالعربيه كويس فجأه لقيت البنزين قطع ولما ادوس علي دواسة البنزين كاني مدوستش ( الار بي ام وصوت الموتور مش بيعلو) واسمع صوت غريب زس تسسس تسسس صوت زي صوت هوا مكتوم كان ماسك خرطوم هوا وكل فترة تفتح منه حته.
الصوت ده بيبقي متقتطع مع رجرجه غي الموتور وافضل اشيل رجلي وادوس بنزين شوية العربيه تحدف لقدام وترجع تهدا لحد ما تقف بس اول.
بعد شوية بطلت العربيه وشلت المفتاح ودورت تاني دارت ومشيت عادي جدا.
المرة اللي فاتت برده بطلت العربيه بس ركنت شوية وبعدها بشوبة بدور دارت عادي جدا
ممكن تفيدوني.

[ahmedabutaleb]

العربيه لانوس 97

[Mr.Mhdy]

الله اعلم بس اعتقد ممكن تكشف على طرمبة البنزين

واخواتنا خبراء الدايو ممكن يفيدوك اكتر منى بكتييير طبعا

ربنا يوفقك وتوصل لحل المشكلة

[حماده المصري]

هو في الغالب طرمبه بنزين وبتحصل في اللانوس كتير

وممكن تبقى موبينه

[Amr Elshamy]

طرمبة البنزين بتقطع يا ريس ... شيل الكنبة الخلفية وشيل الغطا بتاع الطرمبه وفكها وشوف ضغطها كويس ولا بيقطع ولو طلعت بتقطع غيرالرداخ وهات البوش الاصلى

[dedi]

غالبا طرمبة البنزين

[ahmedabutaleb]

هوا الميكانيكي بيؤلي عليه الشكمان بس بردوا هوا مش متأكد وانا عايز اتاكد عشان مغيرش حاجه وتطلع مش هيا.

[aelmohamady]

طلمبة بنزين او الفلتر مسدود

Sent from my samsung GT-I9152 using Forum Runner

[ahmedabutaleb]

الف شكر ليكو يارجاله.
ممكن اعرف سعرها كام جديد او استيراد واجيبها من عند مين مضمون فى الحرفين او دمشق.

[samehenany05]

اكيد طرمبة البنزين انا كنت شاريها طبعا صينى ب 190 وبيقولو ا فى قلب بيتغير ب 90 ج