حد جرب زيت كاسترول ماجنتيك فى اللانوس؟

[m.ali]

دايو لانوس 2006 ماشية 125 ألف كيلو
على طول كنت بحط شل الأصفر وكنت عايز أجرب كاسترول ماجنتيك
فكنت عايز لو حد جربه فى اللانوس يقولى ايه تجربته معاه
ولو كويس يا ريت حد يقولى اجيبه منين-انا ساكن فى حدايق القبه

[Dr__Ahmed]

كاسترول ممتاز جدا جدا وغير شل تماما
انا ماشى على Edge بقالى سنتين ولايمكن اغير نهائى

[HAMASA99]

اى بنزينه طاقه
taqa

[amirock]

زيت ممتاز ماشي بيه بقالي سنة و احسن من شل و موبيل

[Dr.Solom]

احسن زيت حطيته للنوبيرا ولسه مغيره امبارح

موجود فى بنزينة طاقه وادخل على الصفحة دى فيها عناوين جميع موزعينه

https://www.facebook.com/CastrolEgypt/app_270636646308292

[m.ali]

متشكر جدا يا جماعة بس انتو تقصدوا الماجنتيك ولا الايدج؟
انا بسأل عن الماجنتيك لان العربيه على طول كنت بستخدم زيت معدنى ( شل الأصفر ) و ماشيه 125 الف كيلو
فياريت تفيدونى استخدم ده ولا ده وكل واحد بيقعد كام كيلو ؟

[m.ali]

ايه يا شباب
فين الردود ؟؟

[aelmohamady]

على فكرة ممكن تحط ده او ده مافيش مشكلة

Sent from my samsung GT-I9152 using Forum Runner

[m.ali]

على فكرة ممكن تحط ده او ده مافيش مشكلة

sent from my samsung gt-i9152 using forum runner

يعنى مفيش مشكله انى احط زيت تخليقى بعد 125 الف كم بزيت معدنى؟
معلش انا بسال كتير

[aelmohamady]

لا مافيش مشكلة اهم حاجة تصفى الزيت كله وتغير الفلتر

Sent from my samsung GT-I9152 using Forum Runner

[mhi00002000]

بالنسبة للتخليقى انا كانت عربيتى فيها موبيل 1 وواحد زميلى غيرلى ل فيسكو 5000 عن تجربة فيسكو احسن من موبيل هدى صوت المكنة وسحب افضل اما كاسترول بصراحة معرفش انا بعد تجربة فيسكو مفتكرش انى ممكن اغيرو غير لما ينضرب طبعا

[swimmer25]

حط تخليقي ولا يهمك 125 الف مش كتير خالص
الحق نفسك من دلوقتي وريح المكنة لحسن شل الأصفر دا تلاقيه كان هيموتهالك

نزل الزيت وإعمل فلاش للموتور الأول لأن شيل بيتحرق جوا المكنة وأكيد عمل عندك رواسب كتير

وغير فلتر زيت أصلي وزيت كاسترول ماجنتيك أو فيسكو 5000...الإتنين تخليقي والاتنين واحد والاتنين تعبئة الامارات ومتبرشمين وعموما الفرق بينهم 30 جنيه ولا حاجة فاللي يريحك فيهم هاته بس بصراحة مجربتش الكاسترول إيدج

أساسا الزيت المعدني دا غير مناسب للمكن الجديد لأن لزوجته أعلي من مواصفات اللزوجة المطلوبة في المكنة
علي فكرة الهوندا بيتحطلها زيت 0w-20....تخيل !