الحقوني العربية اتهبلت وشكلها خربت خالص...........!!!

[the necromance]

السلام عليكم
شباب بجد العربية هتجنني مش عارف فيه ايه وتعبت من فتي الصنايعية وتخريبهم في العربية ياريت تساعدوني .
جولييت 2004 ماشيه 118 الف.
بداية القصه لما الشكمان اتكسر من تحت الشجرة اللي قدام الماتور وطلع صوت عالي جدا وانا ماشي وبتسحب بالعافية مع ريحه شياط زيت, كنت معلي الكاسيت وقفت اول ما اخدت بالي وشيكت على الميه كانت ناقصه زودتها واتوكلت على الله مشيت بيها لأني كنت في حته مقطوعه فاكنت مضطر امشي بيها حوالي 15 كيلو لحد ما وصلت البيت وركنتها وقلت الصباح رباح..
تاني يوم رحت لبتاع شكمانات غيرت الشكمان من قدام لحد الوصله اللي في النص ب 250 جنيه وكانت النتيجه ان الصوت اتظبط لكن باقي العربية كانت مش مظبوطه خااااااااااااالص:

2. السحب ضعيف مع خشونه في العربية
3. صوت المكنه عالي شويه وفيه تخبيط سريع متقطع بيظهر مع الاكسليريشن بحسه في الدواسات
4. وانا ماشي بالعربية معشق غيار وادوس دبرياج عشان انقل الغيار صوت الماتور ومؤشر الrpm بيعلى حوالي الف لفه وبعدين ينزل تاني على طول
5. الدركسيون تقيل جدا جدا وخصوصا على سرعه من بعد 50-60 ولا كأن فيه باور ولا اي حاجه كأنه مكلبش في بعضه
6. وانا بدور العربيه بحس حاجه بتخبط في جسم العربية مع اول تكه للمارش

يعني الخلاصه بقيت حاسس اني راكب صخره تقيلة مكلبشة في الارض مع شوية عته في حاجات جانبيه!!

عملت التالي:
روحت كشفت بالسكانر مطلعش اي مشكله في حساسات او ماتور
كشفت على وش السلندر تمام
وبصيت على زيت الماتور مع اني لسه مغيره من اسبوعين اغمق شويه لكن اعتقد لسه كويس
وزيت الباور كويس والقربه مليانه والطرمبه شغاله
وحاليا راكن العربيه تحت البيت ومش طايق اقربلها

اتمنى تفيدوني بخبرتكم المشهوده وحد يقولي اكشف على ايه ممكن يكون السبب في الحاجات اللي فوق ديه او اي طرف خيط امشي وراه لحل المشكله..
متشكر جدا

[Mamoud salah H]

بص اول حاجة جرب تعملها انك تروح لبتاع شكمانات نضيف ومحترم وامين يراجعلك عاي الشغل الي اتعمل عشان من كلامك عندي احساس ان الصنايعي بوظ حاجة وهو بيغير الشكمان

[moko_2004]

حبيب الشعب
هتدور اعربية
هتحط ايدك على الشكمان تسدة وتشوف ضغط الهوا اللى خارج منة
لو ضغط خفيف يبقي الشكمان فية خرم وبيهرب و للعلم لما يكون مخروم بيأثر على السحب بالسلب وبيعمل نعرة وتفتفة في العربية وانت ماشي
اما موضوع الدركسيون فدة حاجة فية ملهاش دعوة بالسحب رأيي تشوف علبة الدركسيون و الاسكترة و خلافة طالما ان طرمبة الباور مبتعملش صوت وبتضغط زيت كويس
اما حتت الخبطة في الدوارة او وانت ماشي هتلاقى ماسورة الشكمان او العلبة الوسطى لازقة في بطن العربية من جوة و بتدبدب في جسم العربية مفيش مانع تراجع عليها بتكون عاوزة جلدة تحوشها بعيد عن جسم العربية

[AlGazar2]

راجع على الشكمان و شيك على القواعد

الشكمان اتكسر من ايه ؟؟ فى الغالب الجزء ده مبيتكسرش لوحده
الباور راجع على زيت الباور ناقص و الطرمبة بتقلب كويس ولا لا
العربية بتعلى فى الغالب ده ايديل عايز يتنضف و لو فضلت كده يبقى يتغير

و اخيرا شوف طقم الدبرياج ممكن يكون مات خلاص او بيطلع فى الروح و ده الى هتلاقيه فى الغالب مع قاعده فيها حاجة بتعمل صوت التخبيط

[tito32]

راجع على الشكمان و شيك على القواعد

الشكمان اتكسر من ايه ؟؟ فى الغالب الجزء ده مبيتكسرش لوحده
الباور راجع على زيت الباور ناقص و الطرمبة بتقلب كويس ولا لا
العربية بتعلى فى الغالب ده ايديل عايز يتنضف و لو فضلت كده يبقى يتغير

و اخيرا شوف طقم الدبرياج ممكن يكون مات خلاص او بيطلع فى الروح و ده الى هتلاقيه فى الغالب مع قاعده فيها حاجة بتعمل صوت التخبيط

نفس الرد الله ييسرك امورك

[the necromance]

متشكر يارجاله على الاهتمام

راجع على الشكمان و شيك على القواعد

الشكمان اتكسر من ايه ؟؟ فى الغالب الجزء ده مبيتكسرش لوحده
الباور راجع على زيت الباور ناقص و الطرمبة بتقلب كويس ولا لا
العربية بتعلى فى الغالب ده ايديل عايز يتنضف و لو فضلت كده يبقى يتغير

و اخيرا شوف طقم الدبرياج ممكن يكون مات خلاص او بيطلع فى الروح و ده الى هتلاقيه فى الغالب مع قاعده فيها حاجة بتعمل صوت التخبيط

مش عارف اتكسر من ايه وده هيجنني ممكن من السخونيه لأني كشفت على القواعد سليمه وانا ماكلتش اي مطبات او حفر اليوم ده خالص!!
كنت بلف على الميكانيكية النهارده من الصبح ولسه راجع....
نضفت الايدل وكشفت بالسكانر تاني مطلعش اي ايرور وجربت ايدل بتاع عربية تانيه برضه نفس الحكاية.
وفعلا الله ينور عليك صوت التخبيط طلع من الديسك وخصوصا مع رجوع دواسة الدبرياج بتعمل صوت جامد,,, ومؤخرا لقيت الدبرياج وطي جدا والنقلات بالعافية
وده كان اخر تشخيص بعد اللف على ثلاث ميكانيكية مش عارفين العيب من ايه

وكان مستبعد جدا لأني لسه مغيره من قريب من حوالي 3000 كم (فاليو جديد)

هل فعلا ممكن الدبرياج يعمل البرجله والصوت وهياس ال rpm ؟؟ ولا ده مأثر على السحب والتخبيط فقط وبقية المشاكل ديه اسباب تانيه؟؟

[the necromance]

الحمدلله الموضوع طلع بسيط منهم لله قللات الضمير والشرف
تفويلة بنزين مخشوش برجلتلي العربية كلها وخليتها زي مانتم شايفين وهي اللي كسرت الشكمان من كتر كركرة الماتور
كنت شاكك فيها من يوميها فضيت التانك وفولت تاني الاداء اتحسن كتير واغلب العيوب ديه اختفت حتى تقل طمبة الباور وفيه تحسن لسه الصوت عالي شوية لكن في تحسن ان شاء الله

لكل الاسكندرانية بنزية موبيل اللي فوق نفق سيدي بشر حرامية وغشاشين وهعمل فيهم شكوى في حماية المستهلك محدش يتعامل معاهم