ساعدوني في حساب استهلاك العربية للبنزين

[abdalaha]

العربية استهلكت حوالي 39 لتر في 386 كيلو داخل القاهرة مع تشغيل التكييف بعض الاحيان ... كده ايه الاخبار خصوصا اني لسة مغير طقم رشاشات وطرمبة بتزين فهل الاستهلاك كده تمام ولا ايه

[shiko85]

كده تقريبا متوسط الأستهلاك 10 لتر لكل 100 كم و ده يعتبر استهلاك معقول جدا داخل المدينه
قبل تغيير طقم رشاشات وطرمبة البنزين كان الأستهلاك كام ؟؟

[abdalaha]

لا كان الاستهلاك كتير كنت كل يوم ونص بخط ب 25 جنيه وحاسس بفرق كبير بعد التغيير

[إبراهيم المصرى]

بالنسبه للانوس اعتقد كويس لان زميلى معاة موديل 2005 بيعمل معدل قرب كده فى القاهرة والزحمة وكوبرى اكتوبر حوالى 170 : 180 فى الصفيحة

[a_mohamedsamir]

ما شاء الله
معدّل ممتاز

[shiko85]

لا كان الاستهلاك كتير كنت كل يوم ونص بخط ب 25 جنيه وحاسس بفرق كبير بعد التغيير

طيب الحمد لله

[abdalaha]

سؤال علي بالي معني كده الواحد لما يسافر الساحل الشمالي فوق ال 300 كيلو الاستهلاك مبيبقاش بنفس الدرجة دي خالص ؟؟؟؟؟؟؟

[shiko85]

سؤال علي بالي معني كده الواحد لما يسافر الساحل الشمالي فوق ال 300 كيلو الاستهلاك مبيبقاش بنفس الدرجة دي خالص ؟؟؟؟؟؟؟

لا خالص
الأستهلاك يبقى اقل فحدود 6 او 7 لتر لكل 100 كم بس بشرط السرعه متزدش عن الــ 100 كم/ساعه و كل ما تزود السرعه عن كده الأستهلاك هيزيد
فيه عوامل تانيه ليها تأثير على الأستهلاك
1- مقاومه الهواء (ماشى مع اتجاه الهواء ولا عكسه)
2- حموله العربيه (اجمالى الوزن )
3- التكييف
4- وقت السفر

[lutenit030]

ممتاز ماشاء الله

[mahmoud.s]

يا جماعة افيدونا اكرمكم الله انا اول امبارح مفول قبل ما اروح البيت و رحت امبارح من المريوطية هرم للحرفيين و رجعت فولت العربية اخدت 14 لتر الصراحه انا معرفش من عندى للحرفيين كام كيلو علشان اعرف معدل الاستهلاك بس اخويا قاللى كدة كتير يا ريت اللى بعرف المسافه كام كيلو و شايف ان كدة كتير يفيدنى

[abdalaha]

جزاكم الله خيرا جميعا

[abdalaha]

انا بروح من مريوطية هرم شارع العروبة للعباسية بعدي ال 20 كيلو أعتقد لحد الحرفيين ممكن تعدي 30 كيلو والزنلاء قالولي ان كل 10 لتر لي 100 كيلو فاعتقد الاستهلاك ده عالي

[mahmoud.s]

انا بروح من مريوطية هرم شارع العروبة للعباسية بعدي ال 20 كيلو أعتقد لحد الحرفيين ممكن تعدي 30 كيلو والزنلاء قالولي ان كل 10 لتر لي 100 كيلو فاعتقد الاستهلاك ده عالي

شكرا يبقى انا ﻻزم اراجع على الرشاشات يجوز تكون بتسيل

[abdalaha]

لو محتاج ميكانيكي وفي المريوطية وكان شغال 6 سنين في توكيل دايو وحاليا في توكيل هوندا وبيتواجد بعد الساعة 6 انا في الخدمة ... الميكانيكي ده شاب بس دكتور ورئيس قسم في دايو

[mahmoud.s]

انا بروح من مريوطية هرم شارع العروبة للعباسية بعدي ال 20 كيلو أعتقد لحد الحرفيين ممكن تعدي 30 كيلو والزنلاء قالولي ان كل 10 لتر لي 100 كيلو فاعتقد الاستهلاك ده عالي

لو محتاج ميكانيكي وفي المريوطية وكان شغال 6 سنين في توكيل دايو وحاليا في توكيل هوندا وبيتواجد بعد الساعة 6 انا في الخدمة ... الميكانيكي ده شاب بس دكتور ورئيس قسم في دايو

يا ريت علشان انا تعبت من الميكانيكى بتاعى هو امين بس خبرته قليله شويه و انا نفسى فى واحد عفريت بجد