خروج هواء سخن من فتحات التكييف

[atpo56a]

السلام عليكم احبائي اعضاء وزوار المنتدي
معلش لي استفسار بسيط عند حضراتكم بأعتباركم ملاك لانوس ....... لاحظت خروج هواء سخن من فتحات التكييف الاماميه الاربعه اللي هما 1بجوار المرايه اليمين و2 في الوسط و1بجوار المرايه الشمال رغم انني طافي مفتاح المروحه علي off وكمان البكره علي اللون الازرق مش عارف ايه سبب الموضوع ده اللي حصل معاه كده لو ده عيب يا ريت يخبرني ولو كان الموضوع ده في اللانوس عموما عند الكل يبقي خير والحمد لله
منتظر ردودكم ومشاركاتكم لتعم الفائده للكل

[MohammedAladel]

لف البكرة على نظام تدوير الهواء

[FAR!D]

بص لو زرار تدوير الهواء علء مفتوح اقلبه مقفول عشان ميجبش هوا سخن من الحوض و لو هوا مظبوط صح يبقى البوابه مبتقفلش كويس و محتاج تفتح الطابلوه و تبص عليها وان شاء الله خير

[ahmedzizo131]

بسم الله الرحمن الرحيم
واضح ان البوبة السئولة عن تغير اتجاة الهواء مغلقة و هى وظيفتها
1 - اما تجيب هواء من داخل صاللون السيارة
2 - اما تجيب هواء الجو الخارجى و من ضمنها حرارة الموتور

[مصطفى-حسن]

1 - لف البكرة بتاعة السخن اللى هيا احمر فى ازرق وخليها لتحت خالص



2 - فك المسمارين بتوع درج التابلوة (صورة رقم 1) وبكشاف صغير بص فى المكان اللى فى الصورة رقم 2 شوف الواير بتاع البكرة راكب ولا فلت من مكانة وحرك البكرة وشوفة بيفتح الباب ويقفلة ولا لا

[رامي مصطفى]

1 - لف البكرة بتاعة السخن اللى هيا احمر فى ازرق وخليها لتحت خالص



2 - فك المسمارين بتوع درج التابلوة (صورة رقم 1) وبكشاف صغير بص فى المكان اللى فى الصورة رقم 2 شوف الواير بتاع البكرة راكب ولا فلت من مكانة وحرك البكرة وشوفة بيفتح الباب ويقفلة ولا لا

الدراع اسفل لوحة التكييف بيتحرك يمين وشمال خليه يمين يعني يقفل البوابه ايللي بتسمح لدخول الهواء من بره
بعدها لو لسه يبأي زي اخونا ماقال ممكن الواير بتاع الدراع ده مش متثبت شوفه زي الصور ايللي فوق وربنا ييسرلك

[mostafa mahmod]

الله يكرمك يا ريس
انا برضه عندى الدراع بيتحرك بس البوابه مبتقفلش
هفك الدرج و اشوف القصه دى :)

[مصطفى-حسن]

الدراع اسفل لوحة التكييف بيتحرك يمين وشمال خليه يمين يعني يقفل البوابه ايللي بتسمح لدخول الهواء من بره
بعدها لو لسه يبأي زي اخونا ماقال ممكن الواير بتاع الدراع ده مش متثبت شوفه زي الصور ايللي فوق وربنا ييسرلك

توضيح بسيط
الدراع اللى بيروح يمين وشمال عمرة ما هيجيب هوا سخن من الموتور
هوة يجيب هوا من برة العربية بس

[atpo56a]

- لف البكرة بتاعة السخن اللى هيا احمر فى ازرق وخليها لتحت خالص



2 - فك المسمارين بتوع درج التابلوة (صورة رقم 1) وبكشاف صغير بص فى المكان اللى فى الصورة رقم 2 شوف الواير بتاع البكرة راكب ولا فلت من مكانة وحرك البكرة وشوفة بيفتح الباب ويقفلة ولا لا





حبيبي حبيبي والله يا مصطفي باشا
انا اتبعت كل الارشادات اللي حضرتك شرحتها
لقيت فعلا الواير بيعلق في فتح وقفل البوابه اللي فوق الدرج قفلتها بيدي والحمد لله الموضوع تمام يا باشا مش اي حد يكتب روشته للمريض
بصراحه دكتور وتشخيصك 100*100
ربنا يكرمك في اولادك ويعطيك الصحه والعافيه
انا شاكر جدا لردك

[atpo56a]

الف الف شكر لكل من قدرني ورد علي الموضوع ربنا يؤجركم كل خير

[مصطفى-حسن]

حبيبي حبيبي والله يا مصطفي باشا
انا اتبعت كل الارشادات اللي حضرتك شرحتها
لقيت فعلا الواير بيعلق في فتح وقفل البوابه اللي فوق الدرج قفلتها بيدي والحمد لله الموضوع تمام يا باشا مش اي حد يكتب روشته للمريض
بصراحه دكتور وتشخيصك 100*100
ربنا يكرمك في اولادك ويعطيك الصحه والعافيه
انا شاكر جدا لردك

متشكر جدا لحضرتك والحمد لله ان الوصف طلع تمام ونجحت معاك

بس حلوة موضوع الروشتة دى

[eleraky151]

كبيييييييييييييييييييييييييييييييييييييييييييييييي يييييييييييييييير

[مصطفى-حسن]

كبيييييييييييييييييييييييييييييييييييييييييييييييي يييييييييييييييير

شكررررررررررررررررا