نور الهاند بريك بينور ونا ماشى بالعربيه !!!

[a7med.7assan]

صباح الفل
عربيتى لانوس 2 فيها مشكله ان وانا ماشى بالعربيه بلاقى نور الهاند بريد نور وطفى وساعات يفضل منور من 2 -3 ثانيه ويطفى تانى ... وساعات يقعد يلاعبنى بقه ينور ويطفى وينور ويطفى ... مش عارف المشكله فين

بالاضافه الى انى لاحظت ان نور ال stop ساعت بينور وساعات لا ... يعنى لما بدور فرامل النور اللى فى الفوانيس اللى ورى الاحمر العالى ده ميشتغلش ..

ياترى في حاجه ليها علاقه بالاتنين باظن ولا الازمه فين

[ehabahmed0]

صباح الفل
عربيتى لانوس 2 فيها مشكله ان وانا ماشى بالعربيه بلاقى نور الهاند بريد نور وطفى وساعات يفضل منور من 2 -3 ثانيه ويطفى تانى ... وساعات يقعد يلاعبنى بقه ينور ويطفى وينور ويطفى ... مش عارف المشكله فين

بالاضافه الى انى لاحظت ان نور ال stop ساعت بينور وساعات لا ... يعنى لما بدور فرامل النور اللى فى الفوانيس اللى ورى الاحمر العالى ده ميشتغلش ..

ياترى في حاجه ليها علاقه بالاتنين باظن ولا الازمه فين

مفيش علاقه بينهم
بالنسبه لفرامل اليد فيه فيشه بتبقي راكبه علي الهاند تحت الغطا البلاستيك اللي بين الكرسيين
بالنسبه لنور الاستوب بيبقي فيه فيشه(الصنايعيه بيقولو عليها ساعه) دي اللي بتربط بين دوستك للفرامل وبين نور الاستوب بتبقي الفيشه دي راسها اتكسرت غالبا ...
روح لكهربائي هايعملهم لك في ربع ساعه.

[Amr Elshamy]

لو عندك سينسور فى علبة الزيت ف راجع على زيت الفرامل فى العلبة لما بينزل عن مستوى ال min بينور لمبة الهاند

[lutenit030]

راجع على مستوى زيت الفرامل ممكن يبقى ناقص و احتمال الحساس بتاعه يبقى متوصل على نفس لمبة فرامل اليد

[lutenit030]

بالنسبة لنور الاستوب بص على الفيوز

[ahmedabutaleb]

كانت عندى نفس المشكلة وطلعت زيت فرامل ناقص

[a7med.7assan]

طب يا خونا لو طلع فعلا زيت الفرامل ناقص ازوده عادى باى زيت فرامل فى قربة الزيت ولا ليها نظام مخنلف؟

[ahmedabutaleb]

على حسب انت كنت حاطط زيت ايه قبل كده لو عادى كمل عادى لو Dot4 يبقى حط Dot4 برده.
وبيتزود عادى فى قربة زيت الفرامل وهتلاقى فيها مقياس minimum and maximum

[lutenit030]

بس استنضف فى النوع مسترخصش
و لو ناقص جامد اوى شوف فى تسريب ولا لأ

[a7med.7assan]

على حسب انت كنت حاطط زيت ايه قبل كده لو عادى كمل عادى لو dot4 يبقى حط dot4 برده.
وبيتزود عادى فى قربة زيت الفرامل وهتلاقى فيها مقياس minimum and maximum

يا باشا مشكور لهتمامك
لكن الحقيقه انا معرفش ايه الزيت اللى فيها اصلا .. انا شاريها من سنه تقريبا او سنه وكام شهر ... ومن ساعتها عمرى مجيت اصلا جنب زيت الفرامل ده

اعمل ايه ولا اتصرف ازاى فى الموقف ده

[ahmedabutaleb]

هات Dot4 ياباشا وخلاص املا القربة لغاية ال Maximum

[رامي مصطفى]

هات dot4 ياباشا وخلاص املا القربة لغاية ال maximum

ولو ما اتظبتتش ممكن تيل الفرامل الامامي متآكل اكشف عليه حصلت معايا واول ماغيرت التيل ظبطت من غير ما أزود زيت أاااااااااااااا والله

[hany63]

ولو ما اتظبتتش ممكن تيل الفرامل الامامي متآكل اكشف عليه حصلت معايا واول ماغيرت التيل ظبطت من غير ما أزود زيت أاااااااااااااا والله

كلام مظبوط
قبل ما تزود زيت الفرامل بص على التيل عشان لما بيتاكل منسوب الزيت بينزل

[a7med.7assan]

انا لقيت فعلا زيت الفرامل تحت المينيمم ... جبت زيت موبل من محطة موبل مكتوب عليه دوت 4 وزودت الزيت فعلا لحد الماكس ... عملت بالعربيه مشوار صغير كده بعدها الحقيقه اللمبه منورتش .. بس لسه هتاكد انها خلاص مبقتش تنور ... وهقولكوا يا رجاله ... وشاكر جدا لكل اللى اهتم وبادلنى خبرته (:

[lutenit030]

راجع التيل الامامى برضو ممكن يبقى على اخرة