بطارية ولا مارش

[abdalaha]

جيت ادور مبتدورش وبسمع صوت تك تك تك خبطت علي البطارية وعلي اسلاكها دارات... ركنت بعديها بشوية وقبل منزل قولت اجرب اطفي واشغل مدارتش قولت اخلص مشواري وارجع اخبط علي البطارية بس رجعت دورت دارت من غير حاجة خالص؟؟؟؟!!!!! روحت لبتاع بطاريات قارطلي علي اسلاك البطارية ..... ده عيب ايه يارجالة

[akmm]

ربط كويس على قواطيش الكهرباء سالب وموجب ولو فيه املاح عليهم بيعملوا عازل ازل تلك الاملاح بماء ساخن وضع طبقه رقيقه من الفازلين او الشحم عليهم .... وشوف الحال ايه .

[hemaa_82]

المرش حلاوة .....يا عزل يا بطرية بتودع

[abdalaha]

نسيت اقول ان البطارية جديدة من شهرين

[Elawany13]

قواطيش البطارية عايزه تتنظف وتتصنفر ويتقرط عليها

[Shido]

باشا انا كان عندي نفس المشكله بالضبط في اوبل كورسا سيدان من اسبوع و الكهربائي غيرلي اوتوماتيك المارش و من ساعتها الدنيا تمام الحمدلله, مش مارش كامل اوتوماتيك بس و دفعت كله 150
و علي فكره اللانوس والكورسا السيدان في حاجات كتير منهم زي بعض بس معرفش نفس المارش ولا لأ

[abdalaha]

باشا انا كان عندي نفس المشكله بالضبط في اوبل كورسا سيدان من اسبوع و الكهربائي غيرلي اوتوماتيك المارش و من ساعتها الدنيا تمام الحمدلله, مش مارش كامل اوتوماتيك بس و دفعت كله 150
و علي فكره اللانوس والكورسا السيدان في حاجات كتير منهم زي بعض بس معرفش نفس المارش ولا لأ

والله انا ربطت البطارية وقولت اجرب لو حصلت معايا تاتي هروح لكهربائي يشوف المارش محصلتش يبقي القصة كانت في البطارية

[abdalaha]

قواطيش البطارية عايزه تتنظف وتتصنفر ويتقرط عليها

منا قولت كده وعديت علي بتاع بطارياات قرط عليها واديني مستني هتعملها معايا ولا لا

[Shido]

والله انا ربطت البطارية وقولت اجرب لو حصلت معايا تاتي هروح لكهربائي يشوف المارش محصلتش يبقي القصة كانت في البطارية

يامسهل. ان شاء الله خير

[abdalaha]

يامسهل. ان شاء الله خير

انا غسلت العربية والموتور وبعد كم مشوار لقيتها فصلة كهربة خالص فتحت الكبوت وخبطت علي سلوك البطارية لقيت سن شرار وبعد كده دارت ايييييييييييييييه بقي الموضوع اروح فين ومين يحل القصة دي بتاع بطاريات ولا كهربائي ولا ايه

[Shido]

انا غسلت العربية والموتور وبعد كم مشوار لقيتها فصلة كهربة خالص فتحت الكبوت وخبطت علي سلوك البطارية لقيت سن شرار وبعد كده دارت ايييييييييييييييه بقي الموضوع اروح فين ومين يحل القصة دي بتاع بطاريات ولا كهربائي ولا ايه

والله انا رأيي انه كهربائي بس يكون ثقه و شاطر والله اعلم
ممكن تستني راي المتخصصين احسن, او لو بتنزل ناحيه عباس العقاد ممكن اخدك للكهربائي بتاعي, ولد شاطر و فاهم و سريع في شغله

[abdalaha]

نشوف الخبراء هينصحو با ايه

[شريف]

متابع

[a_mohamedsamir]

اول حاجه تتأكد ان القواطيش سليمه ومربوطه كويس

تانى حاجه تتأكد ان اطراف الارضى مربوطه كلها كويس ومفيش حاجه سايبه

تالت حاجه لو اتاكدت من الاثنين اللى فاتوا وكانت العربيه مش بتدور وهى سخنه وبتعتل معاك ولما تبرد تدور عادى يبقى دى جلب المارش محتاجه تغيير