زنه جوا الصالون والعربيه دايره

[Mohamedmaree91]

تحيالتى لكل اعضاء منتدى دايو وكل عام وانتم بخير
انا بسمع زنه جوا الصالون والعربيه دايره ولما قربت وسمعت من على الشلته الخلفيه لقيت الزنه منها وبعدين فكتها لقيت فى زنه من فوق الطبق بتاع طرمبة البنزين فهل دا طبيعى ان الطرمبه تزن والعربيه دايره علما بن بشم علطول ريحة بنزين نى

[AlGazar2]

ده كده قلب الطرمبة فيه حاجة

الموضوع ده انا شوفته قبل كده عند ميدو و لما طارق فكها لقينا جواها طين و لما نضف الطرمبة الزنه راحت

ريحة البنزين دى تقريبا الجوان بتاع الطرمبة نشف و عايز يتغير

[yasser202]

لا مش طبيعي الزنة بتبقي باين اول ثانيتين وانت بتفتح الكونتاك بعدين بتروح

[FAR!D]

لو الزنه مع فتح الكونتاك و بتسكت بعد ثواني قبل الدواره تبقى طلمبه البنزين طبيعيه
ولو استمرت بعد دوران المحرك تبقى الطلمبه بايظه

[Mohamedmaree91]

هى الزنه دى موجوده على طول وبانت اكتر لما فكيت الشلته بتاعت الكنبه لاقيت فى زنه مسموعه فهل كده الطرمبه بايظه ولا ممكن يتعملها صيانه وتشتغل عادى وهل ريحة الدخنه دى منها

[tarek_2005]

فلتر الطرمبة الداخلي لو نظفته واستمرة الزنة يبقي كده قلب الطرمبة باظ وعايز يتغيير وبسرعة علشان متعملهاش معاك في الطريق

[aelmohamady]

لازم تغير طلمبة البنزين بسرعة لانها كده بتودع وهاتلاقيها فجاة وقفت منك ومش هاتشتغل (حصلت معاية)نصيحة غيرها على طول الموضوع مالهوش علاقة بالفلتر بتاعها الموضوع ان الموتور بتاعها بيودع وهايقف منك فجاة

Sent from my samsung GT-I9152 using Forum Runner

[mahmoud.s]

كدة الطلمبه بتودع انت بقى تعمل الاتى
اوﻻ : تفك قلب الطلمبة و تحطه فى كوباية فيها بنزين و توصله ارضى و كهربا كأنه راكب بالظبط بس تعكس يا جميل يعنى الارضى بدل الكهربا و الكهربا بدل اﻻرضى الطلمبة هتلف بالعكس و هى فى البنزين هتﻻقى طينه نزلت بالهبل تملى كوباية البنزين و بكده تبقى الطلمبة نضفت تماما كانها جديده و تشتغل لمده طويله كويسة
ثانيا : اشترى قلب احتياطى و خليه معاك علشان لو عملتها فجأه تغيرها
لو عاوز تشوف الموضوع ده عملى بالصور ادخل على قسم سيات فى المثبت محمد اخويا منسق القسم عامله

[elhamy80]

طب انا يا جماعه لسه مركب الموتور مبقلوش اسبوع جديد نوفى نوع اسمه دنسوووووووووو يابانى

وعندى نفس المشكله والميكانيكى قالى علشان الموتور ده شديد ونوعه كويس وانا مش مصدقه الحقيقه اعمل ايه دلوقتى ارووح ارجعه ولا ايه

[FAR!D]

طب انا يا جماعه لسه مركب الموتور مبقلوش اسبوع جديد نوفى نوع اسمه دنسوووووووووو يابانى

وعندى نفس المشكله والميكانيكى قالى علشان الموتور ده شديد ونوعه كويس وانا مش مصدقه الحقيقه اعمل ايه دلوقتى ارووح ارجعه ولا ايه

الماتور المعروف والشائع استخدامه البوش الالماني

[elhamy80]

الماتور المعروف والشائع استخدامه البوش الالماني

الموتور الى قبل ده كان بوووش والمانى وكان ب 220 جنيه ومكملشى تلات شهور وقطع خالص ميه ونووور على المحوور
فيه بوش كتير مضروب فى السووووق

[aelmohamady]

الموتور الى قبل ده كان بوووش والمانى وكان ب 220 جنيه ومكملشى تلات شهور وقطع خالص ميه ونووور على المحوور
فيه بوش كتير مضروب فى السووووق

ريح دماغك وهات طرمبة اصلى مالهوش لازمة موضوع الماتور ده وكده كده انت دفعت تمن طلمبة جديدة

Sent from my samsung GT-I9152 using Forum Runner

[Mohamedmaree91]

الف شكر لكل الردود بس انا كده حيران اغير الطرمبه ولا اعمل صيانه وتنظيف ليها انهارده محمد عبده قالى حاجه غريبه انى اضيف نصف كيلو زيت بور مع التفويله وبكده تقضى على الزنه دى فهل ده صح مش عارف

[aelmohamady]

الف شكر لكل الردود بس انا كده حيران اغير الطرمبه ولا اعمل صيانه وتنظيف ليها انهارده محمد عبده قالى حاجه غريبه انى اضيف نصف كيلو زيت بور مع التفويله وبكده تقضى على الزنه دى فهل ده صح مش عارف

لا طبعا لازم تغير الطلمبة

Sent from my samsung GT-I9152 using Forum Runner

[tarek_2005]

كلامي تاني
نضف فلتر الطرمبة الداخلي لو استمر الصوت غير القلب
واضيف هات القلب اما من ابو الحسن او توكيل ngk في المعادي شارع الجزائر