شرخ في العلبة الفبر بتاعة سربنتينة التكييف

[eleraky151]

:018a1d~146:

النهارده قلت اجرب موضوع الاستاذ محمد حسن (ظريف) غسيل سربنتينة التكييف بدون فك التابلوه او السربنتينة والحمد لله الموضوع مشي زي الفل ... ونزلت كمية تراب واوساخ من المروحة والتلاجة سبحان الله التكييف كان شغال ازاي اصلا
وبعد التركيب والتقفيل فعلا (هناك فرق) بصراحة ربنا يبارك في محمد حسن (ظريف) وما نتحرمش من ابداعاته ويجعله في ميزان حسناته
ولكن لاحظت بعد التقفيل ان في شرخ في الفبرة اللي تحت السربنتينة من تحت ودي اللي كانت بتسرب ميه احيانا داخل العربية ايه رأيكم اقفله ازاي علشان يمنع التسريب

[lutenit030]

مبروك عليك النظافة

و احسن حاجه لمنع تسريب المية هى السيليكون
لو ممكن لو الشرخ مطبع على بعضه يعنى مفيش اجزاء ناقصه فى البلاستيك ابعد الجزين المشروخين عن بعض- زق واحد فوق وواحد تحت- و حط لصق superglue او اى مثيل ليه و ميل الغطار يمين و شمال عشان يخش فى اجناب الشرخ من الناحيتين و قفل الشرخ على بعضه تانى و سيبه ينشف
و ممكن كزياده تاكيد تحط سيليكوم او مادتين اللى بيتخلطوا ببعض و ان شاء الله يمنع معاك التسريب تماما

[ZOoOoMA]

الف مليون مبروك عليك النظافه اولا ثانيا فكره الاستاذ lutenit030 جميله قوي جربها و ان شاء الله كل حاجه هتبقى تمام

[tarek_2005]

لحام الحديد الانبوبتين الشفاف

[waley]

سليكون الاول وبعد ماينشف لحام الانبوبتين

[FAR!D]

اي حاجه من اللي قالوها الاعضاء تفي بالغرض
بس انجز عشان مياه التكثيف بتاعه التكييف متبهدلش الارضيه