تجربتى مع تغيير جنوط الانوس الى جنوط 14

[lutenit030]

انا حابب انقل ليكم تجربتى مع تغيير الجنوط، طبعا اساسا الموضوع انى عايز اعدل الفرامل قدام طبعا لازم اغير الجنوط الى 14 على الاقل و انا اساسا الكاوتش بتاعى كله كان انتاجه من 2006 فكده كده كان لازم يتغير فقولت بالمره لانى استخسرت اجيبه 13 تانى، المهم بدات بالجنوط لقيت طقم فيكترا حالته كويسه و نفس الاوفست 49 و نفس كل حاجه و بعد استشاره كبار المنتدى هنا اتضح انهم هما هما بالظبط فاتفقت انى اجيبهم بدل بجنوطى و كاوتشى القديم مقابل 100 ج، المهم اخدت الجنوط و ركبت الكاوتش و كل الجنوط طلع فيهم رفه بسيطه جدا اللى عرفته بعد كده انها عاديه فى اى جنط حتى جربت جنوطى القديمه و جنط واحد صاحبى عربيه لانسر و كله بيبقى فيه رفه بسيطه جدا و ده كان راى برضو مستشارين المنتدى هنا المهم اتكلت على الله و ركبت ماعدا جنط واحد كان في رفه جامده روحت بدلته من عند بتاع الجنوط و لفيت على الكومهو اكستا لف السنين لحد ما لقيته عند واحد بس كان قديم شويه انتاج اول 2013 بس مكنش فه حد غيره عنجه الفرده ديه فاتكلت على اللله و جبته، ركبت كاوتش كومهو اكستا الفرده 380 بالترصيص، و جربت العربيه لمسافه طويله لحد سرعه 160 و الدنيا تمام لا هزه و لا دردره ولا حاجه الحمدلله. بس جنط الاستبن خليته زى ما هو عشان مش عارف الجنط ال14 بالكاوتش ال 185 حيجى فى الشنطه ولا حيبقى فرش الشنطه قابب لفوق،
الموضوع باختصار انا حبيت اعمله لانى حسيت ان فيه ناس كتير عايزه تعمل الموضوع بس مش بتعمله عشان مستسعبه موضوع الججنوط و عشان التكلفه فانا احب اقول ان التكلفه مش فارقه كتير
فرق الجنوط 100 ج
فرق ثمن الكاوتش 30 ج فى الفرده فقط لو حتقارن ال13 كومهو سولاس ب 14 كومهو سولاس ده ب 310 و التانى ب 340 بالتركيب بالترصيص بالبلوف
بس طبعا لو انواع تانيه الفرق حيبقى اكبر
انا جبت الفرده ب 380 عشان جبتها اكستا مش سولاس

فلو اى حد عايز يعمل الموضوع ده التكلفه من 140 الى 200 ج فالموضوع بسيط و مش مكلف و الحمدلله بس محتاج شويه لف

[dedi]

شكرا لنقل التجربة

[ادوارد]

ماشاء الله اخى الغالى ربنا يملى عربيتك بركة وخير

[mshmshm3]

طيب فرقت في الاحساس بالطريق و النقر ؟

[lutenit030]

الثبات زاد شويه و الفرامل اتحسنت شويه
و الاحساس بالمطبات و النقر زاد شويه بس مش فرق يذكر يعنى متضايقش فى حلجه

[السويدي2015]

شكر لنقل التجربة

[السويدي2015]

الثبات زاد شويه و الفرامل اتحسنت شويه
و الاحساس بالمطبات و النقر زاد شويه بس مش فرق يذكر يعنى متضايقش فى حلجه

حضرتك متاكد ان الفرق مش كبير في المطبات

[tarek_2005]

مفيش فرق يلاحظ في المطبات
لكن هناك فرق كبير في الفرامل والثبات
وفرق طفيف في استهلاك البنزين بالزيادة

[MOSTAFA . AHMED]

مبروك ياباشا
عقبال تعديل الفرامل

[MITSUKERO]

مفيش فرق يلاحظ في المطبات
لكن هناك فرق كبير في الفرامل والثبات
وفرق طفيف في استهلاك البنزين بالزيادة

بالظبط

و انا مروح بعد ما ركبت ال 14 كنت حاسس ان العربية ماسكة في الارض عن زمان و الفرق كبير علي فكرة مش بسيط

بس فعلا الجنط ال14 احلي حاجة فيه انه بيخليك تعرف تعدل الفرامل

[MMamdouh]

بس جنط الاستبن خليته زى ما هو عشان مش عارف الجنط ال14 بالكاوتش ال 185 حيجى فى الشنطه ولا حيبقى فرش الشنطه قابب لفوق،

هيجى عادى خالص من غير اى مشاكل

MMamdouh

[أحمد عثمان]

ألف مبروك على التغيير بس الكاوتش اللي انت ركبته كان مقاس كام بالضبط, يعني العرض و البروفايل كانوا كام.
أرجو الإفادة لأني عايز أغير أنا كمان , و ياريت لو المكان اللي جبت منه الجنوط بتاعتك.
و على فكرة موضوع الرفة دي ممكن يكون سببها عدم تركيب الرينجات أو مقاسها مش مضبوط , لأني ركبت جنوط 14 لواحد صاحبي معاه جيتز و مكانش فيه أي رفة.

[lutenit030]

مثاس الانوس معروف فى ال 14 و هو 185/60 r14 و بكده انت حافظت على نفس ارتفاع السياره بمقاس فابريكه برضو مش افتكاس، المكان اللى جبت منه مش حيفيدك لانى م اتن اسكندريه،بس هو من محل اسمه النصر فى شارع كله جنوط متفرع من صلاح الدين، احساس بالطريق فعلا هو مش ملحوظ بس يمكن انا متوقع انه يزيد فحااسس بكده لكن على اى حال كويس و مش زايد عن الحد خالص

[lutenit030]

احتكال تبقى الرفه عيبها الرينجات زى ما انت ما بتقول لكن على مكنه التترصيص مش العربيه لا الصره مظبوطه على صره العربيه بالظبط انما مكنه الترصيص حتى لو رصرصت و فكيت الجنط و ركبته تانى حيحتاج ترصيص تانى اعتقد ان ده عيت فى تثبيته على مكن الترصيص و انا شوفت الرفه عالمكنه مش فى العربيه طبعا
اسف للاخطاء الامائيه عشان بكتب من الموبايل

[lutenit030]

هيجى عادى خالص من غير اى مشاكل

mmamdouh

شكرا طمنتنى مكنتش عايز اجى انزل الاستبن ال 13 ميركبش عشان تعديل الفرامل بعد ما اعمله ان شاء الله